Wasemi 10:16 - Biblia Kikutu

¹⁶ Avo waitupa kutali imilungu ya isi ziyagwe, wamsang'hanila Mndewa Imulungu. Mndewa Imulungu halondile bule kona Waizilaeli ogazika.

Wasemi 10:16 ပူးပေါင်းရင်းမြစ်များ

Mwanduso 6:6

Mndewa Imulungu kagelegeza habali kamulumba munhu mwiisi, avo kona usungu ng'hani muumoyo wake.

Zabuli 73:21

Moyo wangu vuugeligwe lusikisiki, na loho yangu viigeligwe usungu,

Luka 15:20

Avo kafunga mwanza wa kubwela kwa tatake. “Viyakalile yang'hali kutali, tatake kamona. Kamonela bazi mwanage, avo kamkimbilila, kamuhagatila na kamnonela.

Luka 19:41

Yesu viyavikile behi na buga da Yelusalemu na viyawone wanhu wa buga dijo, kawalilila,

Yohana 11:34

Yesu kawauza, “Mumzikila kwahi?” Wamwidika, “Mndewa izo ulole.”

Waefeso 4:32

Lakini muyonele bazi na kuinogela, na kila munhu yagele kumgongo gehile ga miyage, kamba Imulungu viyazigelile kumgongo nzambi zenu, kubitila Kilisito.

Kumbukumbu 32:36

Mndewa Imulungu kowagombela wanhu zake, na kowonela bazi iwasang'hanaji zake, yahakona nguvu zao zimala, na kuduhu yasigale, mfungwa hebu yalekesigwe.

Waebulania 3:10

Avo niwagevuzikila wanhu awo na kulonga, ‘Siku zose okweleleza nzila zao, na hawazijuwile ng'o nzila zangu.’

Waebulania 4:15

Mulava nhosa wetu Mkulu kodaha kutonela bazi mna ukunyolila kwetu, kwavija nayo kagezigwa kwa kila nzila kamba siye, lakini hatendile nzambi.

Yoshua 24:23

Avo kawalongela, “Avo isegeseni imilungu ya isi ziyagwe ili hagati yenu, na mumgoge Mndewa Imulungu, Imulungu wa Izilaeli kwa mizoyo yenu yose.”

Wasemi 2:18

Mndewa Imulungu yahawagalilaga wanhu imsemi, heyo mwenyego kakala hamoja na msemi ayo, kawahonya na wanhu owehila siku zose za ugima wa ayo imsemi. Mndewa Imulungu kawonelaga bazi kwavija wamulilila mbuli ya magazo gao na kudununzwa.

1 Samweli 12:10

Wahenga zenu wamulilila Mndewa Imulungu kuno olonga, ‘Tukutendela mbuli zihile kwavija tuleka kukutambikila gweye na tuvitambikila vinyago va Baali na mhanda za Ashitoleti. Utugombole kulawa mmakono ga wano iwotwihila, na siye tokusang'hanila.’

1 Samweli 7:3

Samweli kawalongela Waizilaeli wose, “Kamba mwahalonda kumbwelela Mndewa Imulungu kwa mizoyo yenu yose, muileke imilungu iyagwe na minyago ya Ashitoleti, na mumgoge Mndewa Imulungu na mumsang'hanile heyo yaiyeka, na heyo kowagombola kulawa mmakono ga Wafilisiti.”

1 Samweli 7:4

Avo, Waizilaeli wavasa vinyago va Baali na zimhanda za Ashitoleti, wamsang'hanila Mndewa Imulungu yaiyeka.