Wasemi 1:2 - Biblia Kikutu

² Mndewa Imulungu kalonga, “Kabila da Yuda dosonga kuchola, kwavija niigela isi ayo mmakono gao.”

Wasemi 1:2 ပူးပေါင်းရင်းမြစ်များ

Kupetigwa 2:3

Wanhu onda weke ng'hambi mwambu wa kudilawila zuwa chokuwa kibumbila kili hasi ya bendela ya Yuda, kamba viweli mna gamakabila gao na kilongozi wa kabila da Yuda kokuwa Nashoni mwanage Aminadabu.

Kupetigwa 7:12

Avo, munhu yasongile kugala sadaka siku ya ichanduso kakala Nashoni mwanage Aminadabu kulawa kabila da Yuda.

Waebulania 7:14

Avo yojuwika goya Mndewa wetu kavumbuka kulawa mdikabila da Yuda, na Musa haditambule bule kabila dijo viyalongile mbuli ya ulava nhosa.

Yoshua 2:24

Wamulongela Yoshua, “Kweli Mndewa Imulungu kaigela mmakono getu isi ayo yose. Kubanza gago, iwenekae wa isi ayo imizoyo yao yolumbuka mbuli yetu siye.”

Ugubulo 5:5

Abaho, imoja wa waja iwavele kanongela, “Sikuulile. Lola! Simba wa kabila da Yuda, mzukulu wa Daudi, kahuma, na kofaya kuzibandula zifundo saba za uhota na kukipumbulula ikitabu.”

Wasemi 1:3

Wanhu wa kabila da Yuda wawalongela ndugu zao, iwanhu wa kabila da Simeoni, “Tucholeni wose mwiisi ayo itugweleligwe siye, tukaitowe na Wakanaani. Na siye vivija tochola na mweye mwiisi yonda mugweleligwe.” Avo iwanhu wa kabila da Simeoni watogola kuchola na hewo.

Wasemi 20:18

Waizilaeli wachola ako Beseli wamuuza Imulungu, “Kabila gani donda dilongole kuchola kuitowa na iwanhu wa kabila da Benjamini?” Mndewa Imulungu kalonga, “Kabila da Yuda disonge kuchola.”

Wasemi 20:28

Finehasi mwanage Eleazali, Eleazali mwanage Haluni, ayo kakala yosang'hana kuulongozi wa disanduku. Waizilaeli wamuuza Mndewa Imulungu, “Vino tuchole kabili tukaitowe na ndugu zetu, iwanhu wa kabila da Benjamini hebu sikutuchole?” Mndewa Imulungu kalonga, “Choleni, mayo nowagela mmakono genu.”