Walawi 9:7 - Biblia Kikutu

⁷ Musa kamulongela Haluni, “Genda hana uupango wa nhosa, ulave nhosa ya kusegesa nzambi na nhosa ya kusoma moto ili kulohola nzambi zako na nzambi za wanhu wose. Lava nhosa ayo ya kulohola nzambi za wanhu kamba Mndewa Imulungu viyalagize.”

Walawi 9:7 ပူးပေါင်းရင်းမြစ်များ

Walawi 16:11

“Haluni yamsole ing'ombe wa nhosa ya kusegesa nzambi zake mwenyego ili yatende loholo da nzambi mbuli yake mwenyego na mbuli ya wanhu wa mng'anda mmwake, abaho yamchinje ing'ombe ayo.

Walawi 16:24

Yakoge mumo mgati ya hanhu hong'ala na yavale viwalo vake. Abaho yalawe kunze yalave nhosa ya kusoma moto na ya kusegesa nzambi zake na nzambi za wanhu wose ili kulohola nzambi zake na nzambi za wanhu wose.

Walawi 16:6

Haluni yamulave ayo ing'ombe wa kimbigalo kwa nhosa ya kusegesa nzambi zake mwenyego, na kutenda loholo da nzambi zake na wanhu wa mng'anda mmwake.

Walawi 4:3

“ ‘Kamba yatendile nzambi ayo mulava nhosa yagidiligwe mavuta na kagala gehile kwa wanhu, avo yamgalile Mndewa Imulungu bofu bigalo da ng'ombe dilibule kilema chochose, yadilave nhosa ya kusegesa nzambi zake ziyatendile.

Walawi 8:34

Mndewa Imulungu katulagiza tuwatendele kamba vitutenda sambi ili nzambi zenu ziloholigwe.”

Walawi 9:2

Musa kamulongela Haluni, “Sola bofu da ng'ombe wa kimbigalo wa nhosa ya kusegesa nzambi, vivija sola mwana ng'hondolo wa kimbigalo kwa nhosa ya kusoma moto, wanyama wose awo sikuwawe na kilema chochose. Abaho walavigwe nhosa kuulongozi wa Mndewa Imulungu.

Waebulania 5:1

Mulava nhosa mkulu yoyose kosaguligwa na Imulungu kulawa hagati ya wanhu na kotenda sang'hano za Imulungu mbuli yao. Kolava nhosa na nhunza kwa nzambi za wanhu.

Waebulania 5:3

Kwa mbuli ayo, kolondigwa kulava nhosa, hatenda avo mbuli ya wanhu watendile nzambi waiyeka, lakini vivija kwa nzambi zake mwenyego.

Waebulania 9:7

lakini Mulava nhosa Mkulu yaiyeka iyo yokwingila mdigati da kabili, na kotenda vino mwanza umoja muumwaka. Nayo kalondigwa kusola damu na kumulavila Imulungu kwa nzambi zake na kwa nzambi za wanhu wose ziwatendile bila kujuwa.

1 Samweli 3:14

Avo noiduwila mbuli ya ing'anda ya Eli kamba gehile ga ng'anda ya Eli hagaloholigwa kwa nhosa hebu kwa sadaka yoyose milele.”