Walawi 8:6 - Biblia Kikutu

⁶ Abaho Musa kawagala kuulongozi Haluni na wanage, kawasunha kwa mazi.

Walawi 8:6 ပူးပေါင်းရင်းမြစ်များ

Zabuli 26:6

Go Mndewa Imulungu, nonawa makono gangu kulagusa sitendile dihile, nouzunguluka upango wako wa nhosa.

Zabuli 51:2

Ugakoshe gehile gangu, uzisegese nzambi zangu.

Zabuli 51:7

Unikoshe kwa bunho da hisopo na niye nong'ala, unikoshe na niye nokuwa mzelu kubanza pamba.

Kulawa 29:4

“Abaho uwagale Haluni na wanage hana ulwivi lwa dihema da mting'hano, abaho uwakoshe kwa mazi.

Kulawa 30:19

Haluni na wanage wasunhe makono gao na magulu gao kulawa mdibakuli dijo.

Kulawa 30:20

Wang'hali hawana kwingila mna dihema da mting'hano olondigwa waisunhe kwa mazi ili sikuwafe. Vivija waisunhe wahakwesa hana uupango ili wanisang'hanile kwa kunilavila nhosa ya kusoma moto.

Kulawa 40:12

“Abaho umgale Haluni na wanage hana ulwivi lwa idihema da mting'hano, na uwakoshe kwa mazi

Walawi 16:4

“Yakoge lukuli lose abaho yavale viwalo ving'alile. Yengile hanhu aho kuno kavala viwalo avo ving'alile, kanzu da kitani na mgati yavale kaputula ya kitani na yaifunge mkwiji wa kitani na kilemba.

Walawi 8:5

Musa kawalongela wanhu wa Izilaeli, “Gano gago gayalagize Mndewa Imulungu gatendigwe.”

1 Wakolinto 6:11

Wanhu wayagwe kumwenu mukala vivo. Lakini sambi nzambi zenu zisegesigwa, mulavigwa kwa Imulungu, mutendigwa munoga mgameso ga Imulungu kwa twaga da Mndewa Yesu Kilisito na Loho wa Imulungu wetu.

Waefeso 5:26

Katenda avo ili yawalave kwa Imulungu, yahamambukiza kuwasunha kwa mazi kubitila mbuli yake,

Waebulania 10:22

Avo tumkwesele behi Imulungu kwa moyo unogile na kugangamala mna ditamanilo na mizoyo isunhigwe kulawa mna gamagesa gehile na ng'huli zisunhigwe kwa mazi mazelu.

Waebulania 9:10

Kwavija gano gose gotendeka kwa mbuli ya vinhu va kuja na kung'wa na vihendo viyagwe va kuisunha. Gano gose ni malagizo mbuli ya lukuli lwiiyeka, vohelela mbaka kipindi Imulungu vonda yakitende kila kinhu kuwa cha sambi.

Ugubulo 7:14

Niye nimwidika, “Go mkulu, gweye kujuwa.” Nayo kanongela, “Wano awo wahonyeke mna gamagayo makulu. Wavifuwa viwalo vao kwa damu ya Mwanang'hondolo, viwa vizelu chuwee.