Walawi 8:22 - Biblia Kikutu

²² Abaho kamgala ng'hondolo iyagwe wa kimbigalo, ili Haluni na wanage walavigwe kwa Mndewa Imulungu. Haluni na wanage weka makono gao mdipala da ng'hondolo ayo.

Walawi 8:22 ပူးပေါင်းရင်းမြစ်များ

Walawi 7:37

Avo gano gago malagizo ga nhosa ya kusoma moto na nhosa ya ndiya na nhosa ya kusegesa nzambi na nhosa ya kulihila gehile na nhosa ya munhu yahasaguligwa yawe mulava nhosa na nhosa ya kugala kuilumba.

Walawi 8:2

“Mkeme Haluni na wanage weze hana ulwivi lwa dihema da mting'hano, sola iviwalo, mavuta ga kuwagidila, ng'ombe bigalo wa nhosa ya kusegesa nzambi, ng'hondolo wa kimbigalo wabili na kigelo cha magate hagageligwe hamila.

Walawi 8:29

Abaho Musa kasola ikidali kakinula uchanha kamba kilaguso cha kumulavila Mndewa Imulungu. Hanhu ha nyama ayo ya ing'hondolo wa nhosa ya kuwalava wanhu kwa Mndewa Imulungu, mwenyego Musa kamba vija Mndewa Imulungu viyalagize.

Yohana 17:19

Mbuli yao noilava mwenyego kumwako, ili na wao vivija wailave ukweli kumwako.

1 Wakolinto 1:30

Lakini Imulungu kawatenda muilumbe na Yesu Kilisito, kamtenda Kilisito yawe nzewele yetu. Kubitila heyo totendigwa tunoga mgameso ga Imulungu, na twa wanhu wa Imulungu na tokomboligwa.

2 Wakolinto 5:21

Imulungu kamtenda ija yelibule nzambi yasole nzambi zetu, ili kubitila heyo Imulungu yatutende tunoge mgameso gake.

Waefeso 5:25

Na mweye wakasano, wanogeleni wehe zenu kamba vija Kilisito viyawanogele wanhu wamtogole, na kailava mwenyego mbuli yao.

Waefeso 5:27

ili wawe wanhu wang'alile na wanogile ng'hani, wanhu welibule dowa, kwiha hebu chochose kili kamba acho.