Walawi 7:31 - Biblia Kikutu

³¹ Mulava nhosa yagasome moto mavuta gose muupango wa nhosa, lakini ikidali chokuwa cha Haluni na ulelo wake.

Walawi 7:31 ပူးပေါင်းရင်းမြစ်များ

Kulawa 29:26

“Abaho usole kidali cha ing'hondolo wakumtenda Haluni yalavigwe kumwangu na ukinule uchanha kamba kilaguso cha kundavila niye Mndewa Imulungu. Kidali acho chokuwa chako.

Walawi 3:11

Mulava nhosa yavisome moto vinhu avo vose muupango wa kulavila nhosa kamba nhosa ilavagwa kwa Mndewa Imulungu kwa moto.

Walawi 3:16

Mulava nhosa yavisome moto vinhu avo vose muupango wa kulavila nhosa kamba nhosa ilavagwa kwa moto, nhosa ayo yolava mnung'ho umnogeza Mndewa Imulungu. Mavuta gose ga imnyama mwenyego Mndewa.

Walawi 3:5

Iwalava nhosa weli ulelo wa Haluni wavisome moto hamoja na nhosa ili mzingodi zikwaka muupango, nhosa ayo ya kusoma moto yolava mnung'ho umnogeza Mndewa Imulungu.

Walawi 5:13

Baho mulava nhosa kolohola nzambi za munhu ayo, na nzambi zake zogeligwa kumgongo. Usage usigale okuwa wa mulava nhosa kamba viikalile kwa indiya ilavigwe kamba nhosa.’ ”

Walawi 6:16

Usage usigale udigwe na Haluni na ulelo wake bila kugeligwa hamila. Waudile hanhu hong'ala kuuluwa lwa dihema da mting'hano.

Walawi 6:26

Mulava nhosa yoilava inhosa, ayo yonda yaije. Yaidile hanhu hong'ala, kuna uluwa lwa dihema da mting'hano.

Walawi 7:34

Niye Mndewa Imulungu niwalagiza wanhu wa Izilaeli wamgwee Haluni na ulelo wake kidali na ikihili cha mnyama ayo wa nhosa ya kugala kuilumba, kwavija wekiligwa hewo siku zose.’ ”

Walawi 8:29

Abaho Musa kasola ikidali kakinula uchanha kamba kilaguso cha kumulavila Mndewa Imulungu. Hanhu ha nyama ayo ya ing'hondolo wa nhosa ya kuwalava wanhu kwa Mndewa Imulungu, mwenyego Musa kamba vija Mndewa Imulungu viyalagize.

Kupetigwa 18:11

“Vivija vinhu viyagwe vose vonda wanilavile Waizilaeli kamba nhosa ya kwinuligwa uchanha, vinhu avo vokuwa venu. Nokugwaa gweye na wanago na wandele zako kamba fungu jenu siku zose. Munhu yoyose mulukolo lwako hafitile kodaha kuja vinhu avo.

Kupetigwa 18:18

Nyama yao yokuwa yenu, kamba ikidali kinuligwa uchanha na kamba kihili cha mgulu wa kudila.

1 Wakolinto 9:13

Vino hamujuwile kuwa waja osang'hana Mng'anda ya Imulungu, opata ndiya yao kulawa mumo, na waja olava nhosa muupango opata fungu kulawa mwiinhosa ayo?

Kumbukumbu 18:3

“Dino dokuwa fungu da iwalava nhosa kulawa mzinhosa zilavigwa, iwe nhosa ya ng'ombe hebu ng'hondolo, wamgwelele imulava nhosa umkono na zisaya na usapi.