Walawi 7:2 - Biblia Kikutu

² Mnyama wa nhosa ya kulihila gehile yachinjiligwe hanhu howochinjilagwa wanyama wa nhosa za kusoma moto, na idamu imizigwe banzi zose za upango wa nhosa.

Walawi 7:2 ပူးပေါင်းရင်းမြစ်များ

Walawi 1:11

Munhu ayo yamchinjile mnyama ayo ubanzi wa kasikazini wa upango wa kulavila nhosa uli kuulongozi wa Mndewa Imulungu. Abaho awo iwalava nhosa weli ulelo wa Haluni wamize idamu banzi zose za uupango wa kulavila nhosa.

Walawi 1:3

“ ‘Kamba munhu kolava bofu da ng'ombe mbigalo kamba nhosa ya kusomigwa moto kulawa mdibumbila da fugo yake, yasagule mnyama yelibule kilema chochose. Yamgale hana ulwivi lwa dihema da mting'hano ili munhu ayo yatogoligwe na Mndewa Imulungu.

Walawi 1:5

Munhu ayo yamchinje ng'ombe ayo kuulongozi wa Mndewa Imulungu, abaho iwalava nhosa weli ulelo wa Haluni wasole idamu na kuimiza banzi zose za uupango wa kulavila nhosa ako kuulwivi lwa dihema.

Walawi 14:13

Abaho yamchinje ayo imwana ng'hondolo hanhu hang'alile howochinjiligwa wanyama wa nhosa ya kusegesa nzambi na nhosa ya kusoma moto. Nhosa ino ya kulihila gehile kamba viiwaga kwa nhosa ya kusegesa nzambi, imulava nhosa ayo yosola izinyama, nhosa zino zing'ala ng'hani.

Walawi 3:2

Munhu ayo yeke mkono wake mdipala da mnyama ayo na yamchinje hana ulwivi lwa dihema da mting'hano. Abaho awo iwalava nhosa weli ulelo wa Haluni waimizile idamu banzi zose za upango wa nhosa.

Walawi 3:8

na yeke mkono wake mdipala da ng'hondolo ayo na yamchinje kuulongozi wa dihema da mting'hano. Abaho iwalava nhosa weli ulelo wa Haluni waimizile idamu banzi zose za upango wa kulavila nhosa.

Walawi 4:24

Yeke mkono wake mdipala da imbuzi na yamchinjile hanhu hoochinjila nhosa za kusoma moto kuulongozi wa Mndewa Imulungu. Ino ayo nhosa ya kusegesa nzambi.

Walawi 4:29

Yeke mkono wake mdipala da ayo imbuzi na yamchinjile hanhu hoochinjila nhosa za kusoma moto.

Walawi 4:33

Yeke mkono wake mdipala da idibofu da ng'hondolo da kusegesa nzambi na yadichinjile hanhu hoochinjila nhosa za kusoma moto.

Walawi 5:16

Abaho munhu ayo yalihe unanzi wose utendigwe kwa vinhu ving'alile na yengeze asilimia malongo mabili. Yamgwee mulava nhosa, na heyo mulava nhosa yalohole nzambi za munhu ayo kwa ng'hondolo mbigalo wa nhosa ya kusegesa nzambi na nzambi zake zogeligwa kumgongo.

Walawi 5:7

“ ‘Lakini kamba yahalemelwa kugala ng'hondolo, yamgalile Mndewa Imulungu huwa wabili hebu makinda mabili ga njiwa, mbuli ya nzambi yake iyaitendile. Imoja kokuwa nhosa ya kusegesa nzambi na iyagwe kokuwa nhosa ya kusoma moto.

Walawi 5:9

Yasole damu kidogo yaimizile kumgwazo wa upango wa nhosa, damu isigale yaigide hasi ya dako da uupango wa nhosa. Ino ayo nhosa ya kusegesa nzambi.

Walawi 6:25

“Mulongele Haluni na wanage wa kimbigalo, ‘Gano gago malagizo ga nhosa ya kusegesa nzambi. Mnyama wa nhosa ya kusegesa nzambi yachinjiligwe hanhu aho hawachinjilaga mnyama wa nhosa ya kusoma moto kuulongozi wa Mndewa Imulungu, nhosa ino ing'ala ng'hani.

Walawi 6:7

Mulava nhosa yatende loholo da nzambi za munhu ayo kuulongozi wa Mndewa Imulungu, na Imulungu kozigela kumgongo nzambi zake ziyatendile.”

Kupetigwa 6:12

na yailave kwa Mndewa Imulungu kwa siku zake za kuilava. Avo siku za ichanduso hazipetigwa bule kwavija mvili zake zikalile zilavigwe kwa Mndewa Imulungu zifitizigwa. Avo, yagale mwana ng'hondolo wa kimbigalo wa mwaka umoja kamba nhosa ya kulihila gehile.

Waebulania 11:28

Kutamanila ako kumtendile yaisonge Pasaka na kulagiza damu imizigwe kuna ulwivi ili msenga wa kuulanga yogala ifa sikuyawakome wana wa chaudele wa wanhu wa Izilaeli.

Waebulania 12:24

Muvika kwa Yesu yogala kuilumba kwa lagano da sambi na damu yake imizigwe na ilonga mbuli zinogile ng'hani kubanza damu ija ya Habili.

1 Petulo 1:2

Toka mwaka Imulungu Tata kajuwa na kawasagula mweye, na kawatenda mung'ale kwa Loho wake, kubitila kumtegeleza kwenu Yesu Kilisito na kawasunha kwa damu yake. Imulungu yawagwee ng'hani ng'hekewa na tindiwalo.