Walawi 7:12 - Biblia Kikutu

¹² “ ‘Kamba munhu kogala nhosa ya kugala kuilumba mbuli ya kumgwaa nhogolwa Imulungu, yailave na gate digeligwe mavuta ila sikudigeligwe hamila, na vigate visisili vibakigwe mavuta na magate ga usage ulibule midundulu na ugeligwe mavuta.

Walawi 7:12 ပူးပေါင်းရင်းမြစ်များ

Zabuli 107:8

Avo, wamshukulu Mndewa Imulungu kwa unogelo wake hawishaga, na unzonza wake kwa iwanhu wose.

Zabuli 116:17

Nokulavila nhosa ya kushukulu, na nopula kwa twaga da Mndewa Imulungu.

Zabuli 50:23

Imunhu yolava nhosa za kunitogola, ayo iyo yonitegeleza niye, imunhu yokweleleza nzila yangu, ayo nomulagusila ukombola wangu niye Imulungu.”

Walawi 2:4

“ ‘Kamba munhu komgalila Mndewa Imulungu gate jokigwe kamba nhosa, gate dijo ditendigwe kwa usage ulibule midundulu na utibwilizigwe na mavuta na sikuugeligwe hamila, hebu vigate visisili vitendigwe bila kugeligwa hamila na vibakigwe mavuta.

Walawi 2:5

“ ‘Kamba munhu kogala gate jokigwe mkikalango kamba nhosa, gate dijo ditendigwe kwa usage ulibule midundulu na utibwilizigwe na mavuta, lakini sikuugeligwe hamila.

Walawi 22:29

“Wahamulavila Mndewa Imulungu nhosa ya kumgwaa nhogolwa, uilave kwa nzila yonda itende utogoligwe na heyo.

Walawi 6:16

Usage usigale udigwe na Haluni na ulelo wake bila kugeligwa hamila. Waudile hanhu hong'ala kuuluwa lwa dihema da mting'hano.

Walawi 7:15

Nyama ya nhosa ayo idigwe siku dijo diilavigwa, sikukisigasigwe chochose mbaka imitondo.

Kupetigwa 6:15

Vivija yagale kigelo kimemile magate hagageligwe hamila, na maandazi ga usage ulibule midundulu na utibwilizigwe na mavuta na vigate visisili vigeligwe mavuta na nhosa ya ndiya na king'waji.

Luka 17:16

Kamgwila Yesu mmagulu kingubanguba, kamtogola. Munhu ayo kakala Msamalia.

Luka 17:18

Vino kuduhu iyagwe yabwelile kumgwaa nhogolwa Imulungu, ila munhu ino hali muyahudi?”

Walumi 1:21

Wamjuwa Imulungu, lakini hawamgwaa ukulu, hebu kumgwaa nhogolwa, magesa gao gamema ubozi, mizoyo yao imema ziza.

Waefeso 5:20

Siku zose mgweleleni nhogolwa Imulungu Tata, kwa twaga da Mndewa wetu Yesu Kilisito kwa kila kinhu.

Waebulania 13:15

Avo kubitila Yesu, siku zose tumulavile Imulungu nhosa ya nhogolwa. Mbuli azo za kumtogola azo nhosa zetu aho twahalonga kamba Yesu ayo Mndewa.

1 Petulo 2:5

Vivija na mweye kamba mabwe magima, mozengwa mng'anda ya kiloho, mosang'hana kamba walava nhosa wang'alile, molava nhosa za kiloho zimnogeza Imulungu kubitila Yesu Kilisito.