Walawi 5:3 - Biblia Kikutu

³ “ ‘Kamba munhu yahakwasa kinhu chochose kifitile cha mulukuli lwa munhu bila kulonda mwenyego, avo vonda yajuwe kokuwa kabananga.

Walawi 5:3 ပူးပေါင်းရင်းမြစ်များ

Walawi 13:3

Mulava nhosa yakikagule goya ikilonda kili mulukuli na kamba mvili zili mkilonda ziwa nzelu na kilonda kihimbika ng'hani kubanza ing'hwembe, awo okuwa utamu wa dikulu. Mulava nhosa yahamambukiza kumkagula, yawalongele wanhu kamba munhu ayo kafita.

Walawi 5:2

“ ‘Kamba munhu yoyose hagati yenu yahaifitiza kwa kukwasa kinhu kihile bila kulonda mwenyego, uwe mtufi wa mnyama wa kumuhulo hebu mnyama wa kufugigwa hebu mng'onyo, munhu ayo kokuwa kabananga.

Walawi 5:4

“ ‘Kamba munhu yahaiduwila kutenda kinhu chochose kinogile hebu kihile bila kugelegeza, avo vonda yajuwe kokuwa kabananga.

Walawi 7:21

Munhu yoyose yokwasa kinhu chochose kifitile, iwe uchafu wa munhu hebu mnyama yagomesigwe kudigwa hebu chochose kimgevuza Mndewa, kamba yahaja nyama ya nhosa ayo ilavigwa kwa Mndewa Imulungu, munhu ayo yabaguligwe na wanhu zake.’ ”

Kupetigwa 19:22

Kinhu chochose chonda yakikwase munhu ayo yafitile, kinhu acho chokuwa kifita, na munhu yonda yakikwase kinhu acho kokuwa kafita mbaka ichungulo.”