Walawi 4:7 - Biblia Kikutu

⁷ Abaho ayo imulava nhosa yeke damu kidogo mzimhembe zili muupango wa kusomela ubani uli kuulongozi wa Mndewa Imulungu mdihema da mting'hano. Damu isigale yaigide hasi mdidako da upango wa kulavila nhosa za kusoma moto uli behi ya ulwivi lwa dihema da mting'hano.

Walawi 4:7 ပူးပေါင်းရင်းမြစ်များ

Zabuli 118:27

Mndewa Imulungu ayo Imulungu, kautenda mulangaza wake umwemwese kumwetu. Gogeni mibunho ya nyimwilinyimwili, muchole mbaka muupango wa nhosa.

Kulawa 29:12

Sola damu kidogo na uibake kwa kidole chako mzimhembe za upango wa kulavila nhosa, na damu yonda isigale ite hasi ya uupango.

Walawi 1:5

Munhu ayo yamchinje ng'ombe ayo kuulongozi wa Mndewa Imulungu, abaho iwalava nhosa weli ulelo wa Haluni wasole idamu na kuimiza banzi zose za uupango wa kulavila nhosa ako kuulwivi lwa dihema.

Walawi 16:18

Abaho yalawe na kuchola kuna uupango wa nhosa uli kuulongozi wa Mndewa Imulungu na yaulohole. Yasole damu kidogo ya ija ing'ombe na imbuzi na yabake zimhembe za upango wa kulavila nhosa banzi zose.

Walawi 4:18

Abaho yeke damu iyagwe mzimhembe zili muupango wa kusomela ubani uli kuulongozi wa Mndewa Imulungu mdihema da mting'hano. Damu isigale yaigide hasi mdidako da upango wa kulavila nhosa za kusoma moto uli behi ya ulwivi lwa dihema da mting'hano.

Walawi 4:25

Abaho mulava nhosa yazabike kidole chake mwiidamu ya nhosa ya kusegesa nzambi na yaike mzimhembe zili muupango wa nhosa za kusoma moto. Damu isigale yaigide hasi ya dako da upango awo.

Walawi 4:30

Abaho mulava nhosa yazabike kidole chake mwiidamu ya mbuzi ayo na yaike mzimhembe zili muupango wa nhosa za kusoma moto na damu isigale yaigide hasi ya dako da upango awo.

Walawi 4:34

Abaho mulava nhosa yazabike kidole chake mwiidamu ya inhosa ya kusegesa nzambi na yaike mzimhembe zili muupango wa nhosa za kusoma moto na damu isigale yaigide hasi ya dako da upango awo.

Walawi 5:9

Yasole damu kidogo yaimizile kumgwazo wa upango wa nhosa, damu isigale yaigide hasi ya dako da uupango wa nhosa. Ino ayo nhosa ya kusegesa nzambi.

Walawi 6:30

Lakini kamba damu ya mnyama wa nhosa ya kusegesa nzambi igaligwa hanhu hong'ala mna dihema da mting'hano ili kulohola nzambi, nyama ayo sikuidigwe, isomigwe moto.

Walawi 8:15

Musa kamchinja ng'ombe ayo, kazabika kidole chake mwiidamu, kazibaka zimhembe nne za uupango wa kulavila nhosa na damu isigale kaigida hasi ya dako da upango wa nhosa. Kwa kutenda avo kautenda uupango ung'ale na kaulava kwa Mndewa Imulungu.

Walawi 9:9

Wanage wamgalila idamu, na heyo kazabika kidole chake mwiidamu na kazibaka zimhembe zili muupango wa nhosa, damu isigale kaigida mdidako da upango wa nhosa.

Waefeso 2:13

Aho umwaka mukala kutali na Imulungu, lakini sambi, kwa kuilumba na Yesu Kilisito, mugaligwa behi kwa damu ya Kilisito.

Waebulania 9:15

Mbuli ya kija kiyatendile Kilisito, iyo yogala kuilumba kwa lagano da sambi, ili waja wakemigwe na Imulungu wadahe kumweda milele kulongigwe na Imulungu. Ino yolawilila kwavija kwa ifa yake kowalekesa wanhu na gehile wagatendile kipindi cha lagano da ichanduso.

Waebulania 9:21

Vivija Musa kamiza damu mdihema da mting'hano na viya vose va kumtambikila Imulungu.

Ugubulo 6:9

Abaho Mwanang'hondolo kabandula fundo ya itano ya uhota. Hasi ya upango wa kulavila nhosa nyona loho za wanhu wakomigwe mbuli ya kuwapetela wanhu usenga wa Imulungu na mbuli ya kugendelela kugoga usindila wao.