Walawi 4:6 - Biblia Kikutu

⁶ Yazabike kidole chake mwiidamu ayo na yaimize miyanza saba kuulongozi wa Mndewa Imulungu mwambu wa kuulongozi wa panziya da gati ding'alile ng'hani.

Walawi 4:6 ပူးပေါင်းရင်းမြစ်များ

Kulawa 40:21

Abaho kadika disanduku mgati ya dihema na kananika dipanziya. Kwa kutenda vivo kadigubika disanduku da lagano sikujoneke, kamba Mndewa Imulungu viyamulagize.

Kulawa 40:26

Abaho Musa keka uja uupango wa zahabu wa kusomela ubani mgati ya dihema da mting'hano, kuulongozi wa dipanziya,

Walawi 14:16

Yazabike kidole chake cha mkono wa kudila mna gamavuta gago na yammizile munhu ayo yotendigwa yang'ale miyanza saba kuulongozi wa Mndewa Imulungu.

Walawi 14:18

Mavuta gasigale yambake munhu ayo kudipala. Kwa nzila ayo imulava nhosa komtendela loholo da nzambi kuulongozi wa Mndewa Imulungu.

Walawi 14:27

Abaho yammizile kwa kidole cha mkono wa kudila munhu ayo gago gamavuta geli mdiganza jake da mkono wa kumoso miyanza saba kuulongozi wa Mndewa Imulungu.

Walawi 14:7

Abaho yammizile idamu miyanza saba munhu ayo yahonyigwe, kuno komulongela munhu ayo ung'ale. Ija indege imgima yamulekese yachole mmigunda kunze ya dibuga.

Walawi 16:14

Yasole idamu kidogo ya ayo ing'ombe na yaimize kwa kidole chake mwambu wa kudilawila zuwa uchanha ya ingubiko ya disanduku da lagano, abaho yaimize kuulongozi wa disanduku da lagano miyanza saba.

Walawi 16:19

Yamize idamu muupango kwa kidole miyanza saba kwa nzila ayo koulava kwa Mndewa Imulungu na koutenda ung'ale kwa kusegesa ukufita kwa wanhu wa Izilaeli.

Walawi 25:8

“ ‘Peteni miyaka saba kwa miyanza saba na yokuwa miyaka malongo mane na tisa,

Walawi 26:18

“ ‘Kamba mokuwa mung'hali mogendelela kutenda gehile nowakoboza miyanza saba ng'hani kubanza aho haichanduso mbuli ya nzambi zenu.

Walawi 26:24

baho niye nowagevuzikila na nowakoboza miyanza saba ng'hani mbuli ya nzambi zenu.

Walawi 26:28

nowakoboza vihile ng'hani, niye mwenyego nowakoboza miyanza saba ng'hani kwa nzambi zenu.

Walawi 4:17

Yazabike kidole chake mwiidamu na yaimize miyanza saba kuulongozi wa Mndewa Imulungu kuulongozi wa panziya da gati ding'ala ng'hani.

Walawi 4:25

Abaho mulava nhosa yazabike kidole chake mwiidamu ya nhosa ya kusegesa nzambi na yaike mzimhembe zili muupango wa nhosa za kusoma moto. Damu isigale yaigide hasi ya dako da upango awo.

Walawi 4:30

Abaho mulava nhosa yazabike kidole chake mwiidamu ya mbuzi ayo na yaike mzimhembe zili muupango wa nhosa za kusoma moto na damu isigale yaigide hasi ya dako da upango awo.

Walawi 4:34

Abaho mulava nhosa yazabike kidole chake mwiidamu ya inhosa ya kusegesa nzambi na yaike mzimhembe zili muupango wa nhosa za kusoma moto na damu isigale yaigide hasi ya dako da upango awo.

Walawi 8:11

Mavuta gayagwe kagamiza muupango wa nhosa miyanza saba, na vivija kavimizila viya vose visang'haniligwa, dibakuli na mgimbo wake, vose kavilava kwa Mndewa Imulungu.

Walawi 8:15

Musa kamchinja ng'ombe ayo, kazabika kidole chake mwiidamu, kazibaka zimhembe nne za uupango wa kulavila nhosa na damu isigale kaigida hasi ya dako da upango wa nhosa. Kwa kutenda avo kautenda uupango ung'ale na kaulava kwa Mndewa Imulungu.

Walawi 9:9

Wanage wamgalila idamu, na heyo kazabika kidole chake mwiidamu na kazibaka zimhembe zili muupango wa nhosa, damu isigale kaigida mdidako da upango wa nhosa.

Kupetigwa 19:4

“Abaho Eleazali imulava nhosa yasole damu kidogo na yaimize kwa kidole chake miyanza saba, kulozela umwambu wa kuulongozi wa dihema da mting'hano.

Yoshua 6:4

Walava nhosa saba, kuno kila imoja kagoga mhalati yake ya mhembe ya ng'hondolo mbigalo, wadilongolele disanduku da lagano. Mna isiku ya saba modizunguluka dibuga miyanza saba, kuno iwalava nhosa otowa zimhalati.

Yoshua 6:8

Avo kamba Yoshua viyawalagize iwanhu, iwalava nhosa saba kuno wagoga mhalati saba za ng'hondolo mbigalo, wachola kuulongozi wa Mndewa Imulungu, kuno otowa zimhalati na disanduku da lagano da Mndewa Imulungu dowakweleleza.