Walawi 4:4 - Biblia Kikutu

⁴ Yadigale bofu dijo hana ulwivi lwa dihema da mting'hano kuulongozi wa Mndewa Imulungu. Yeke mkono wake mdipala da dibofu na yadichinjile aho kuulongozi wa Mndewa Imulungu.

Walawi 4:4 ပူးပေါင်းရင်းမြစ်များ

Walawi 16:21

Haluni yeke makono gake mdipala da ayo imbuzi yeli mgima na yatambule nzambi zose za wanhu wa Izilaeli, gehile gao na ubananzi wao wose na yawike mdipala da ayo imbuzi. Abaho yamulekese ayo imbuzi yachole kuluwala kuno kogaligwa na munhu yasaguligwe kwa sang'hana ayo.

Walawi 4:15

Wavele wa wanhu wa Izilaeli weke makono gao mdipala da dibofu kuulongozi wa Mndewa Imulungu, na bofu dijo dichinjigwe aho kuulongozi wa Mndewa Imulungu.

Walawi 4:29

Yeke mkono wake mdipala da ayo imbuzi na yamchinjile hanhu hoochinjila nhosa za kusoma moto.

Walawi 8:14

Abaho Musa kamgala ing'ombe wa nhosa ya kusegesa nzambi, na heyo Haluni na wanage weka makono gao mdipala da ng'ombe ayo.

Kupetigwa 8:12

Abaho Walawi weke makono gao mna gamapala ga awo iwang'ombe mbigalo, imoja umulave nhosa ya kusegesa nzambi, na iyagwe umulave nhosa ya kusoma moto ilavigwe kumwangu, ili uwatendele loholo awo Iwalawi.

1 Petulo 3:18

Kwavija Kilisito kafa mwanza umoja kwa nzambi za wanhu wose, munhu yotenda ganogile kwa wanhu otenda gehile ili yawagale mweye kwa Imulungu. Kafa kilukuli lakini katendigwa mgima kwa udahi wa Loho Yang'alile,