Walawi 4:31 - Biblia Kikutu

³¹ Mavuta gose yagalave, kamba viyatendile kwa mavuta ga nhosa ya kugala kuilumba, na mulava nhosa yagasome moto muupango wa kulavila nhosa kamba mnung'ho umnogeza Mndewa Imulungu. Avo mulava nhosa kotenda loholo da nzambi za munhu ayo, na nzambi za munhu ayo zogeligwa kumgongo.

Walawi 4:31 ပူးပေါင်းရင်းမြစ်များ

Mwanduso 8:21

Kunung'hila goya kwa nhosa kumnogeza Mndewa Imulungu, na heyo kailongela mwenyego, “Honda niiduwile isi kabili mbuli gaja gowotenda wanhu, nojuwa kulawa kipindi viwakalile wabwanga magesa gao geha. Sibwelela ng'o! kabili kuvibananga vinhu vose vili na ugima kamba vinhendile.

Kulawa 29:18

Abaho umsome ng'hondolo wose uchanha ya uupango, ili undavile niye nhosa ya kusoma moto. Mnung'ho wa nhosa ayo oninogeza niye Mndewa Imulungu.

Walawi 1:13

Munhu ayo yasunhe kwa mazi ivinhu va mgati va imnyama na imigong'ho, na mulava nhosa yamsome kwa moto imnyama wose muupango wa kulavila nhosa. Nhosa ayo ya kusoma moto yolava mnung'ho umnogeza Mndewa Imulungu.

Walawi 1:17

Abaho yamgoge gamabawa na yambalule mna imhambaga, abaho yamsome kwa moto uli muupango wa kulavila nhosa. Nhosa ayo ya kusoma moto yolava mnung'ho umnogeza Mndewa Imulungu.

Walawi 1:9

Munhu ayo yasunhe kwa mazi ivinhu va mgati va ing'ombe na imigong'ho, na mulava nhosa yamsome kwa moto ing'ombe wose muupango wa kulavila nhosa. Nhosa ayo ya kusoma moto yolava mnung'ho umnogeza Mndewa Imulungu.

Walawi 14:18

Mavuta gasigale yambake munhu ayo kudipala. Kwa nzila ayo imulava nhosa komtendela loholo da nzambi kuulongozi wa Mndewa Imulungu.

Walawi 15:15

Mulava nhosa yawalave nhosa, imoja kwa nhosa ya kusegesa nzambi, iyagwe kwa nhosa ya kusoma moto. Baho mulava nhosa komtendela loholo da nzambi kuulongozi wa Mndewa Imulungu na kumsegesela ukufita kwake mbuli ya kulawa udusi.

Walawi 19:22

Mulava nhosa yamtendele loholo da nzambi kwa ng'hondolo ayo kuulongozi wa Mndewa Imulungu, na nzambi yake yogeligwa kumgongo.

Walawi 2:2

Abaho yawagalile iwalava nhosa weli ulelo wa Haluni, imoja wao yadehe ganza dimoja da usage awo uli na mavuta hamoja na ubani, vose yavisome moto muupango wa kulavila nhosa, kamba kinhu cha kukumbuka kamba ndiya ayo yose ilavigwa kwa Mndewa Imulungu, nhosa ayo ya kusoma moto yolava mnung'ho umnogeza Mndewa Imulungu.

Walawi 2:9

Mulava nhosa kosola hanhu ha ndiya ayo kamba kinhu cha kukumbuka kamba ndiya ayo yose ilavigwa kwa Mndewa Imulungu na koisoma muupango wa nhosa. Ndiya ayo yolava mnung'ho umnogeza Mndewa Imulungu.

Walawi 4:19

Abaho yagasole mavuta gose ga mnyama ayo na yagasome moto muupango wa kulavila nhosa,

Walawi 4:26

Mavuta gose ga imbuzi ayo yagasome muupango wa kulavila nhosa kamba viyagasomile mavuta ga nhosa ya kugala kuilumba. Avo mulava nhosa komtendela loholo kilongozi ayo, na nzambi zake zogeligwa kumgongo.

Walawi 4:35

Abaho yagalave mavuta gose kamba viyatendile kwa mavuta ga dibofu da ng'hondolo wa nhosa ya kugala kuilumba, na mulava nhosa yagasome moto uchanha ya upango wa nhosa, uchanha wa zinhosa zilavigwe kwa Mndewa Imulungu kwa moto. Avo mulava nhosa kotenda loholo da nzambi za munhu ayo na nzambi zake zogeligwa kumgongo.

Walawi 5:10

Abaho ayo imulava nhosa yalave inhosa iyagwe kamba nhosa ya kusoma moto kamba viyalagizwe. Mulava nhosa kolohola nzambi za munhu ayo, na nzambi zake zogeligwa kumgongo.

Walawi 5:6

na yalihe deni da nzambi yake iyatendile, yamgalile Mndewa Imulungu ng'hondolo wa kitwanzi hebu yagale mbuzi kulawa mdibumbila jake kamba nhosa ya kusegesa nzambi, na mulava nhosa yamtendele loholo.

Walawi 8:21

Musa viyamambukize kusunha uusapi na imigong'ho kwa mazi, kavisoma moto muupango wa nhosa hamoja na ivinhu viyagwe vose va ing'hondolo ayo kamba nhosa ya kusoma moto. Nhosa ayo inung'hila goya na imnogeza Mndewa Imulungu. Musa katenda kamba viyalagizwe na Mndewa Imulungu.

Kupetigwa 15:25

Mulava nhosa kowatendela loholo wanhu wose wa Izilaeli, na nzambi zao zogeligwa kumgongo kwavija watenda nzambi bila kujuwa, na wagala nhosa zao kwa Mndewa Imulungu, nhosa ya kusoma moto na nhosa ya kusegesa nzambi.

Matayo 3:17

Abaho sauti ihulikigwa kulawa kuulanga ilonga, “Ino heyo mwanangu nimnogele, ninogezwa na heyo.”

Waefeso 5:2

Ugima wenu ulongozigwe na unogelwa, kamba Kilisito viyatunogele na mbuli yetu kailava mwenyego kamba nhunza inung'hila goya na nhosa imnogela Imulungu.

Waebulania 1:3

Heyo ayo mng'alo wa ukulu wa Imulungu na koigala na Imulungu too! Kila kinhu cholawilila kwa lagizo jake dili na nguvu. Viyamambukize kuzisunha nzambi za wanhu, kakala kuna uukulu kuko kuulanga mwambu wa mkono wa kudila wa Imulungu mkulu.

Waebulania 10:12

Lakini Kilisito kalava nhosa imoja kwa nzambi, nhosa ilibule uhelelo, abaho kakala muukulu mwambu wa mkono wa kudila wa Imulungu.

Waebulania 10:14

Kwa nhunza yake imoja, kawatenda watelele kipindi chose wanhu waja osunhigwa nzambi zao.

Waebulania 9:12

Kilisito kengila mwanza umoja wiiyeka Mdigati Ding'alile Ng'hani hengile na damu ya mbuzi na ng'ombe kulava nhosa, ila kasola damu yake mwenyego na katutenda tulekeswe kipindi chose.

1 Yohana 1:7

Lakini kamba tokala mna umulenge kamba heyo viyali mulenge, toilumba siye kwa siye, na damu ya mwanage, Yesu yotusunha nzambi zetu zose.

Ugubulo 5:9

Wemba lwila lwa sambi, “Kofaya kukisola ikitabu na kuzibandula zifundo zake za uhota. Kwavija kukala uchinjigwe, na kwa damu yako kumgulila wanhu Imulungu, kulawa kila kabila na ulonzi na isi na lukolo.