Walawi 2:1 - Biblia Kikutu

¹ “ ‘Munhu yogala ndiya kwa Mndewa Imulungu kamba nhosa, tanhu yaiduge iwe usage, yaugele mavuta ga mizeituni na ubani.

Walawi 2:1 ပူးပေါင်းရင်းမြစ်များ

Kulawa 29:2

magate hagageligwe hamila, na maandazi hagageligwe hamila na gakandigwe kwa mavuta na vigate visisili vigeligwe mavuta. Vose vino uvitende kwa usage unogile wa ngano.

Walawi 14:10

“Siku da nane yagale wana ng'hondolo wabili wa kimbigalo welibule kilema chochose, na yagale ng'hondolo wa kitwanzi wa mwaka umoja yelibule kilema chochose, na yagale mhishi imoja na vibaba vibili va usage unogile utibwilizigwe na mavuta mbuli ya nhosa ya ndiya hamoja na mavuta selusi imoja ya nyhupa.

Walawi 24:7

Kila msafa ugeligwe ubani ung'alile ili kulagusa kamba magate gago galavigwa kwa moto kwa Mndewa Imulungu.

Walawi 5:11

“ ‘Kamba munhu kolemelwa kugala huwa wabili hebu makinda mabili ga njiwa, yagale vibaba vibili va usage unogile kamba nhosa ya kusegesa nzambi zake. Lakini sikuyaugele mavuta hebu ubani kwavija nhosa ayo ya kusegesa nzambi.

Walawi 6:7

Mulava nhosa yatende loholo da nzambi za munhu ayo kuulongozi wa Mndewa Imulungu, na Imulungu kozigela kumgongo nzambi zake ziyatendile.”

Walawi 9:17

Abaho kagala inhosa ya indiya, kadeha ganza dimoja kadisoma muupango wa nhosa hamoja na nhosa ya kusoma moto. Katenda vino kwa kwengeza inhosa ya kusoma moto ilavagwa kila siku imitondo.

Walawi 9:4

na wagale ng'ombe wa kimbigalo na ng'hondolo wa kimbigalo ili walavigwe nhosa ya kugala kuilumba. Wamgalile Mndewa Imulungu nhosa ayo na nhosa ya ndiya ihanganyigwe na mavuta kwavija lelo Mndewa kowalawila.”

Kupetigwa 18:9

Mna ivinhu vose ving'alile ng'hani vija havilukuzigwa muumoto, avo vokuwa venu. Nhosa ya ndiya na nhosa ya kusegesa nzambi na nhosa ya kulihila gehile. Kila kinhu wanhu chonda wandavile kamba nhosa ing'ala chokuwa chako na wanago.

Kupetigwa 28:5

kila mwana ng'hondolo imoja yalavigwe hamoja na vibaba vibili va usage unogile utibwilizigwe na mavuta ganogile nyhupa imoja.

Kupetigwa 29:18

Vivija mulave inhosa ya indiya na inhosa ya king'waji hamoja na iwang'ombe mbigalo na iwang'hondolo mbigalo na iwana ng'hondolo kamba viikalile siku da ichanduso.

Kupetigwa 7:13

Sadaka zake zikala, sahani imoja ya shaba ili na uzito wa kilo imoja na nusu na bakuli imoja ya shaba ili na uzito wa gilamu magana manane, kamba viwapimaga mna dihema ding'ala, ayo isahani na ibakuli vimemezigwa usage ulibule midundulu na utibwilizigwe na mavuta mbuli ya nhosa ya ndiya,

Kupetigwa 7:19

Sadaka zake zikala, sahani imoja ya shaba ili na uzito wa kilo imoja na nusu na bakuli imoja ya shaba ili na uzito wa gilamu magana manane, kamba viwapimaga mna dihema ding'ala, ayo isahani na ibakuli vimemezigwa usage ulibule midundulu utibwilizigwe na mavuta mbuli ya nhosa ya ndiya,

Kupetigwa 8:8

Abaho wasole bofu dimoja bigalo da ng'ombe na nhosa ya ndiya, awo uusage unogile utibwilizigwe na mavuta. Vivija na gweye usole dibofu diyagwe da ng'ombe mbuli ya nhosa ya kusegesa nzambi.

Yohana 6:35

Yesu kawalongela, “Niye ayo ndiya igala ugima. Wose onda weze kumwangu honda one nzala, na waja wose onhogola honda one ng'hilu.

1 Yohana 2:20

Lakini mweye mugidiligwa Loho Yang'alile, na mweye mose muujuwa ukweli.

1 Yohana 2:27

Lakini kumwenu mweye, Kilisito kawagidila Loho Yang'alile. Na kamba Loho Yang'alile kokala mgati mmwenu, hamulonda munhu yoyose yawafunze. Kwavija Loho Yang'alile kowafunza kila kinhu na kija kiyowafunza cha ukweli na si uvizi bule. Avo gagogeni mafundizo ga Loho Yang'alile, na kaleni kwa kuilumba na Kilisito.

Yuda 1:20

Lakini mweye mbwiga zangu, igangamizeni wenyego mna ditamanilo jenu ding'alile. Mpuleni Imulungu kwa nguvu ya Loho wake.

Ugubulo 8:3

Msenga iyagwe wa kuulanga yakalile na kiya cha zahabu cha kusomela ubani, keza kema kuulongozi wa upango wa kulavila nhosa. Kagweleligwa ubani mwingi na kupula kwa wanhu wa Imulungu, yavilave nhosa muupango wa zahabu uli kuulongozi wa kigoda cha undewa.