Walawi 17:11 - Biblia Kikutu

¹¹ Kwavija ugima wa kiumbe chochose wa mwiidamu na niwalagiza mulave damu muupango wa nhosa kutenda loholo da nzambi mbuli ya ugima wenu, kwavija damu ayo ilohola nzambi kwa ugima wa wanhu.

Walawi 17:11 ပူးပေါင်းရင်းမြစ်များ

Mwanduso 9:4

Lakini sikumuje nyama kuno ing'hali na damu kwavija ugima wa mwiidamu.

Walawi 1:5

Munhu ayo yamchinje ng'ombe ayo kuulongozi wa Mndewa Imulungu, abaho iwalava nhosa weli ulelo wa Haluni wasole idamu na kuimiza banzi zose za uupango wa kulavila nhosa ako kuulwivi lwa dihema.

Walawi 16:11

“Haluni yamsole ing'ombe wa nhosa ya kusegesa nzambi zake mwenyego ili yatende loholo da nzambi mbuli yake mwenyego na mbuli ya wanhu wa mng'anda mmwake, abaho yamchinje ing'ombe ayo.

Walawi 17:12

Lekaavo niwalagiza wanhu wa Izilaeli vino, “Munhu yoyose kumwenu hebu mgeni yokala kumwenu sikuyaje damu.”

Walawi 17:14

Kwavija ugima wa kila kiumbe wa mwiidamu, lekaavo niwalagiza wanhu wa Izilaeli vino, “Sikumuje damu ya kiumbe chochose kwavija ugima wa kiumbe chochose wa mwiidamu. Munhu yoyose yonda yaje damu kobaguligwa na wanhu zake.”

Walawi 4:25

Abaho mulava nhosa yazabike kidole chake mwiidamu ya nhosa ya kusegesa nzambi na yaike mzimhembe zili muupango wa nhosa za kusoma moto. Damu isigale yaigide hasi ya dako da upango awo.

Walawi 4:26

Mavuta gose ga imbuzi ayo yagasome muupango wa kulavila nhosa kamba viyagasomile mavuta ga nhosa ya kugala kuilumba. Avo mulava nhosa komtendela loholo kilongozi ayo, na nzambi zake zogeligwa kumgongo.

Walawi 8:15

Musa kamchinja ng'ombe ayo, kazabika kidole chake mwiidamu, kazibaka zimhembe nne za uupango wa kulavila nhosa na damu isigale kaigida hasi ya dako da upango wa nhosa. Kwa kutenda avo kautenda uupango ung'ale na kaulava kwa Mndewa Imulungu.

Matayo 20:28

Kamba vija Mwana wa Munhu, hezile kusang'hanilwa, lakini keza kuwasang'hanila na kuulava ugima wake kwa kuwakombola wanhu wengi.”

Matayo 26:28

Ino ayo damu yangu ya lagano, ikwitika mbuli ya wengi ili nzambi zao zigeligwe kumgongo.

Maluko 14:24

Yesu kalonga, “Ino ayo damu yangu ilagusa lagano da Imulungu, ikwitika mbuli ya wanhu wengi.

Walumi 3:25

Imulungu kamulava Yesu ili kwa damu yake, yazigele kumgongo nzambi za wanhu kwa kumtamanila heyo. Katenda avo kulagusa viyotenda ganogile kwa wanhu, kwavija baho umwaka kafunga umoyo na hawataguse bule.

Walumi 5:9

Kwavija sambi Imulungu katutenda tunoge mgameso gake kwa damu ya Kilisito, kweli kotukombola na ng'hasiliki za Imulungu.

Waefeso 1:7

Kwavija kwa damu ya Kilisito siye tolekesigwa, nzambi zetu zogeligwa kumgongo kwa ukulu wa ng'hekewa ya Imulungu,

Kumbukumbu 12:23

Lakini iteganyeni sikumuje damu, kwavija damu awo ugima avo sikumuje nyama hamoja na ugima.

Wakolosai 1:14

kubitila heyo tolekesigwa na nzambi zetu zogeligwa kumgongo.

Wakolosai 1:20

Kubitila Imwana, Imulungu kavibweza vinhu vose viilumbe nayo. Kwa damu ya Mwanage mumsalaba Imulungu katenda tindiwalo, avo kuvitenda vinhu vose viilumbe nayo, mwiisi na kuulanga.

Waebulania 13:12

Lekaavo Yesu kadununzigwa na kufa kunze kudibuga ili yawasunhe wanhu nzambi zao kwa damu yake.

Waebulania 9:22

Avo mna gamalagizo ga Musa kamba vija kila kinhu kisunhigwa kwa damu, na nzambi za wanhu zogeligwa kumgongo kamba damu yokwitigwa.

1 Petulo 1:2

Toka mwaka Imulungu Tata kajuwa na kawasagula mweye, na kawatenda mung'ale kwa Loho wake, kubitila kumtegeleza kwenu Yesu Kilisito na kawasunha kwa damu yake. Imulungu yawagwee ng'hani ng'hekewa na tindiwalo.

1 Yohana 1:7

Lakini kamba tokala mna umulenge kamba heyo viyali mulenge, toilumba siye kwa siye, na damu ya mwanage, Yesu yotusunha nzambi zetu zose.

1 Yohana 2:2

Kilisito ayo nhosa isegesa nzambi zetu na siyo siye twiiyeka, lakini vivija na nzambi za wanhu wose wa mwiisi.

Ugubulo 1:5

na kulawa kwa Yesu Kilisito yotamaniligwa, yogubula ukweli wa mbuli ya Imulungu, yeli wa ichanduso kuzilibuka kwa wafile, vivija ayo yowatawala wandewa wa mwiisi. Yesu kotunogela, na kwa damu yake katulekesa na nzambi,