Walawi 16:18 - Biblia Kikutu

¹⁸ Abaho yalawe na kuchola kuna uupango wa nhosa uli kuulongozi wa Mndewa Imulungu na yaulohole. Yasole damu kidogo ya ija ing'ombe na imbuzi na yabake zimhembe za upango wa kulavila nhosa banzi zose.

Walawi 16:18 ပူးပေါင်းရင်းမြစ်များ

Walawi 4:7

Abaho ayo imulava nhosa yeke damu kidogo mzimhembe zili muupango wa kusomela ubani uli kuulongozi wa Mndewa Imulungu mdihema da mting'hano. Damu isigale yaigide hasi mdidako da upango wa kulavila nhosa za kusoma moto uli behi ya ulwivi lwa dihema da mting'hano.

Walawi 16:16

Vino vivo vonda yatende loholo mbuli ya hanhu hong'ala ng'hani na kwa mbuli ya ukufita kwao na mbuli ya gehile na nzambi za wanhu wa Izilaeli. Vivija vivo vonda yatende mbuli ya dihema da mting'hano dizengigwe hagati ya wanhu awo wafitile.

Walawi 4:18

Abaho yeke damu iyagwe mzimhembe zili muupango wa kusomela ubani uli kuulongozi wa Mndewa Imulungu mdihema da mting'hano. Damu isigale yaigide hasi mdidako da upango wa kulavila nhosa za kusoma moto uli behi ya ulwivi lwa dihema da mting'hano.

Kulawa 30:10

Mwanza umoja kwa mwaka Haluni yautende upango ung'ale kwa kugida mzimhembe zake damu ya nhosa ya kusegesa nzambi. Mbuli ayo itendigwe kila mwaka kipindi chose chonda kize. Upango awo ung'ala kwa Mndewa Imulungu.”

Waebulania 2:11

Yesu kowasunha wanhu nzambi zao, heyo hamoja na iwaja wasunhigwe, wose Tatao imoja. Lekaavo Yesu hakona kinyala kuwakema ndugu zake.

Yohana 17:19

Mbuli yao noilava mwenyego kumwako, ili na wao vivija wailave ukweli kumwako.

Walawi 4:25

Abaho mulava nhosa yazabike kidole chake mwiidamu ya nhosa ya kusegesa nzambi na yaike mzimhembe zili muupango wa nhosa za kusoma moto. Damu isigale yaigide hasi ya dako da upango awo.

Walawi 16:17

Kipindi Haluni kolava nhosa ya loholo mbuli ya nzambi zake mwenyego na wanhu wa mng'anda mmwake na wanhu wose wa Izilaeli, munhu yoyose sikuyengile mdihema da mting'hano mbaka vonda yamambukize na kulawa kunze.

Kupetigwa 28:22

Vivija mulave mbuzi mbigalo imoja kamba nhosa ya kusegesa nzambi ili kuwatendela loholo.