Walawi 14:7 - Biblia Kikutu

⁷ Abaho yammizile idamu miyanza saba munhu ayo yahonyigwe, kuno komulongela munhu ayo ung'ale. Ija indege imgima yamulekese yachole mmigunda kunze ya dibuga.

Walawi 14:7 ပူးပေါင်းရင်းမြစ်များ

Zabuli 51:2

Ugakoshe gehile gangu, uzisegese nzambi zangu.

Zabuli 51:7

Unikoshe kwa bunho da hisopo na niye nong'ala, unikoshe na niye nokuwa mzelu kubanza pamba.

Walawi 13:13

yamkagule kabili. Yahakona utamu awo wenela mulukuli lose, avo yawalongele wanhu kamba munhu ayo kang'ala. Kwavija lukuli lose luzelu avo munhu ayo kang'ala.

Walawi 13:17

Mulava nhosa yamkagule na kamba ikilonda acho kigaluka kizelu, baho mulava nhosa yawalongele wanhu kamba munhu ayo kang'ala.

Walawi 14:51

Abaho yasole ikibimhi cha dibiki da mwelezi na dibunho da hisopo na isufi ndung'hu hamoja na ija indege iyagwe mgima na yavigele vose mwiidamu ya ija indege yachinjigwe. Abaho yaimize idamu mng'anda ayo miyanza saba.

Walawi 16:14

Yasole idamu kidogo ya ayo ing'ombe na yaimize kwa kidole chake mwambu wa kudilawila zuwa uchanha ya ingubiko ya disanduku da lagano, abaho yaimize kuulongozi wa disanduku da lagano miyanza saba.

Walawi 16:19

Yamize idamu muupango kwa kidole miyanza saba kwa nzila ayo koulava kwa Mndewa Imulungu na koutenda ung'ale kwa kusegesa ukufita kwa wanhu wa Izilaeli.

Walawi 16:22

Munhu ayo yamuleke mbuzi ayo yachole kuluwala hanhu kuduhu wanhu kuno kapapa nzambi zao zose.

Walawi 4:17

Yazabike kidole chake mwiidamu na yaimize miyanza saba kuulongozi wa Mndewa Imulungu kuulongozi wa panziya da gati ding'ala ng'hani.

Walawi 4:6

Yazabike kidole chake mwiidamu ayo na yaimize miyanza saba kuulongozi wa Mndewa Imulungu mwambu wa kuulongozi wa panziya da gati ding'alile ng'hani.

Walawi 8:11

Mavuta gayagwe kagamiza muupango wa nhosa miyanza saba, na vivija kavimizila viya vose visang'haniligwa, dibakuli na mgimbo wake, vose kavilava kwa Mndewa Imulungu.

Kupetigwa 19:12

Siku da kadatu na siku da isaba munhu ayo yaisunhe kwa gaja gamazi ga kusegesa gehile na heyo kokuwa kang'ala. Lakini kamba haisunha kudisiku da kadatu na da isaba munhu ayo kosigala vivo yafitile.

Yohana 19:34

Mkalizi imoja kamuhoma Yesu mgoha mulubavu lwake, bahaja damu na mazi vilawa.

Waebulania 10:22

Avo tumkwesele behi Imulungu kwa moyo unogile na kugangamala mna ditamanilo na mizoyo isunhigwe kulawa mna gamagesa gehile na ng'huli zisunhigwe kwa mazi mazelu.

Waebulania 12:24

Muvika kwa Yesu yogala kuilumba kwa lagano da sambi na damu yake imizigwe na ilonga mbuli zinogile ng'hani kubanza damu ija ya Habili.

Waebulania 9:13

Damu ya mbuzi na ng'ombe na mitozi ya bofu da ng'ombe vomizwa kwa wanhu wafitile na kuwasunha ukufita kwao mulukuli lwiiyeka.

Waebulania 9:19

Tanhu Musa kawapetela wanhu malagizo gose kamba vigalongile. Abaho kasola damu ya mbuzi na ng'ombe, katibwiliza na mazi na kwa bunho na pamba dung'hu, kakimizila kija kitabu cha malagizo na wanhu wose.

Waebulania 9:21

Vivija Musa kamiza damu mdihema da mting'hano na viya vose va kumtambikila Imulungu.

Waebulania 9:26

kwavija yahalondeke kugaya miyanza mingi toka kulumbigwa kwa isi. Lakini ukweli kipindi cha mmabehi na kuuhelelo, kalawilila mwanza umoja mbuli ya wose, kusegesa nzambi za wanhu kwa kuilava nhosa mwenyego.

1 Petulo 1:2

Toka mwaka Imulungu Tata kajuwa na kawasagula mweye, na kawatenda mung'ale kwa Loho wake, kubitila kumtegeleza kwenu Yesu Kilisito na kawasunha kwa damu yake. Imulungu yawagwee ng'hani ng'hekewa na tindiwalo.

1 Yohana 5:6

Yesu Kilisito ayo yezile kwa mazi na kwa damu ya kufa kwake. Hezile kwa mazi gaiyeka ila keza kwa mazi na kwa damu. Nayo Loho kolonga kweli, kwavija Loho awo ukweli.