Walawi 14:6 - Biblia Kikutu

⁶ Mulava nhosa yamsole ndege iyagwe yeli mgima na ikibanzi cha biki da mwelezi na sufi ndung'hu na bunho da hisopo wavigele vose mna idamu ya indege yachinjigwe.

Walawi 14:6 ပူးပေါင်းရင်းမြစ်များ

Ugubulo 1:18

Niye ayo heyo yeli mgima! Ng'hala nifile, lakini sambi na mgima siku zose. Nina luvugulo lwa ifa na kowochola wanhu wafile.

Ugubulo 1:5

na kulawa kwa Yesu Kilisito yotamaniligwa, yogubula ukweli wa mbuli ya Imulungu, yeli wa ichanduso kuzilibuka kwa wafile, vivija ayo yowatawala wandewa wa mwiisi. Yesu kotunogela, na kwa damu yake katulekesa na nzambi,

Waebulania 1:3

Heyo ayo mng'alo wa ukulu wa Imulungu na koigala na Imulungu too! Kila kinhu cholawilila kwa lagizo jake dili na nguvu. Viyamambukize kuzisunha nzambi za wanhu, kakala kuna uukulu kuko kuulanga mwambu wa mkono wa kudila wa Imulungu mkulu.

Walumi 5:10

Vitukalile tuihila na Imulungu, tuilumba nayo kubitila ifa ya mwanage. Sambi tuilumba na Imulungu, yokuwa vinoga ng'hani na kweli tokomboligwa kwa ugima wa Kilisito.

Walumi 4:25

Heyo kalavigwa yafe kwa nzambi zetu, abaho kazilibuka ili Imulungu yatutende tunoge mgameso gake.

Yohana 14:19

King'hali kipindi kidodo wanhu wa mwiisi honda wanyone kabili, lakini mweye monyona. Kwavija namgima, na mweye vivija mokuwa wagima.

Walawi 14:4

baho mulava nhosa yawalagize wanhu wagale ndege wabili wagima wang'alile, na vivija wagale kibanzi cha biki dikemigwa mwelezi na sufi ndung'hu na bunho da hisopo mbuli ya munhu ayo yotendigwa yang'ale.

Walawi 14:5

Mulava nhosa yalagize wamchinje ndege imoja mna inongo ili na mazi ganogile ga nzasa.

Zabuli 51:7

Unikoshe kwa bunho da hisopo na niye nong'ala, unikoshe na niye nokuwa mzelu kubanza pamba.

Walawi 14:50

Yamchinje ndege imoja mwiinongo ili na mazi ganogile ga nzasa.