Walawi 13:4 - Biblia Kikutu

⁴ Kamba dipunye dili mwiing'hwembe yake zelu, lakini hadihimbike ng'hani kubanza ing'hwembe na zimvili hazili nzelu, mulava nhosa yamwike munhu ayo kutali na iwanhu kwa siku saba.

Walawi 13:4 ပူးပေါင်းရင်းမြစ်များ

Walawi 13:11

awo okuwa utamu wa dikulu wa siku nyingi. Mulava nhosa yawalongele wanhu kamba munhu ayo kafita, na sikuyamgale kutali na iwanhu, kwavija kajuwa goya kamba kafita.

Walawi 13:25

mulava nhosa yakikagule ikilonda acho, na kamba zimvili zigaluka nzelu na kihimbika ng'hani, awo okuwa utamu wa dikulu ulawilila hanhu aho halukule. Mulava nhosa yawalongele wanhu kamba munhu ayo kafita, awo okuwa utamu wa dikulu.

Walawi 13:26

Lakini kamba imulava nhosa yahamkagula na kuduhu mvili nzelu mna ikilonda na kamba hakihimbike na kisonga kuhona, baho imulava nhosa yamwike munhu ayo kutali na iwanhu kwa siku saba.

Walawi 13:3

Mulava nhosa yakikagule goya ikilonda kili mulukuli na kamba mvili zili mkilonda ziwa nzelu na kilonda kihimbika ng'hani kubanza ing'hwembe, awo okuwa utamu wa dikulu. Mulava nhosa yahamambukiza kumkagula, yawalongele wanhu kamba munhu ayo kafita.

Walawi 13:31

Lakini kamba mulava nhosa yahakona kamba ikilonda hakihimbike na zimvili siyo nhitu, baho mulava nhosa yamwike munhu ayo kutali na iwanhu kwa siku saba.

Walawi 13:5

Siku da saba mulava nhosa yamkagule, na kamba yahakona idipunye hadigaluke na hadihimbike ng'hani mna ing'hwembe yagendelele kumuleka munhu ayo hanhu aho kwa siku saba ziyagwe.

Walawi 13:50

Mulava nhosa yakikagule kiwalo acho kili na minyela nyela na yakike kumgwazo kiiyeka kwa siku saba.

Walawi 14:38

baho mulava nhosa yalawe kunze na yaihinde ng'anda ayo kwa siku saba.

Kupetigwa 12:14

Lakini Mndewa Imulungu kamulongela Musa, “Kamba tatake yahamtemela mate mkihanga chake, vino, sambi yakone kinyala kwa siku saba? Avo, mulave kunze ya ing'hambi yakale kuko kwa siku saba, abaho yabwele mwiing'hambi.”

Kupetigwa 12:15

Avo, Miliamu kawingigwa yachole kunze ya ing'hambi kwa siku saba. Wanhu hawagendelele na mwanza mbaka Miliamu viyabwezigwe kuna ing'hambi.

1 Wakolinto 4:5

Avo sikumumtaguse munhu yoyose king'hali kipindi hakinavika. Lekeni mbaka Mndewa vonda yeze, nayo kokwiza kugamwemwesela gaja gafisigwe mdiziza na kugafisula gaja gose geli mmizoyo ya wanhu. Aho kila munhu kobokela nhogolwa yake kulawa kwa Imulungu.

Kumbukumbu 13:14

avo sepenisepeni na muuze uze vinogile ng'hani, na kamba kweli mbuli ayo ihile itendigwa hagati yenu,

1 Timoseo 5:24

Nzambi za wanhu wayagwe zokoneka kunze kunze, wang'hali hawanatagusigwa. Lakini nzambi za wanhu wayagwe zokoneka kumwande.