Walawi 11:32 - Biblia Kikutu

³² Mtufi wa wang'onyo awo wahagwila kinhu chochose kiwe cha mbiki hebu kiwalo hebu ng'hwembe hebu kiloba hebu kiya chochose, kisunhigwe kwa mazi, na chokuwa kifita mbaka ichungulo.

Walawi 11:32 ပူးပေါင်းရင်းမြစ်များ

Walawi 11:31

Wang'onyo awo wose wafita kumwenu, munhu yoyose yonda yakwase mitufi yao kokuwa kafita mbaka ichungulo.

Walawi 14:46

Vivija munhu yoyose yonda yengile mng'anda ayo kipindi viihindigwe kokuwa kafita mbaka ichungulo.

Walawi 15:12

Nongo yoyose yonda yakwase mbigalo ayo, ituligwe. Lakini kiya chochose cha mbiki kisunhigwe kwa mazi.

Walawi 15:15

Mulava nhosa yawalave nhosa, imoja kwa nhosa ya kusegesa nzambi, iyagwe kwa nhosa ya kusoma moto. Baho mulava nhosa komtendela loholo da nzambi kuulongozi wa Mndewa Imulungu na kumsegesela ukufita kwake mbuli ya kulawa udusi.

Walawi 16:26

Munhu ija yamgalile ija imbuzi kwa Azazeli, tanhu yafuwe viwalo vake na kukoga abaho kodaha kubwela mwiing'hambi.

Walawi 17:15

“ ‘Munhu yoyose, yawe mwenekae hebu mgeni yahaja nyama ya mnyama yafile mwenyego hebu yakomigwe na mnyama wa kumuhulo, munhu ayo yafuwe viwalo vake na yakoge, na heyo kokuwa kafita mbaka ichungulo, abaho kokuwa kang'ala.

Walawi 22:6

Vivija kokuwa kafita mbaka ichungulo na halondigwa kuja ndiya ing'ala mbaka vonda yakoge.

Walawi 6:28

Nhosa ayo yahatelekigwa mulukalango, lukalango ulo lutuligwe na kamba itelekeligwa mwiisefulia, sefulia ayo isuguigwe na kusunhigwa kwa mazi.

Kupetigwa 19:15

Kiya chochose hakigubikigwe chokuwa kifita.

Kupetigwa 19:7

Yahamambukiza, ayo imulava nhosa yavifuwe viwalo vake na yakoge mazi lukuli lose, abaho kodaha kubwela mna ing'hambi, na kokala yafitile mbaka ichungulo.

Tito 2:14

Yesu kailava mwenyego mbuli yetu ili yatulekese kulawa mna izinzambi na kututenda wanhu wanogile weli wake mwenyego, wanhu osulukila kutenda ganogile.

Tito 3:5

katukombola, siyo kwavija tusang'hana mbuli zinogile lakini kwa mbuli ya bazi jake. Na kubitila Loho Yang'alile, yotutenda tuvumbuke sambi na ugima wa sambi kwa kutusunha kwa mazi.