Walawi 10:3 - Biblia Kikutu

³ Musa kamulongela Haluni, “Vino avo viyalongile Mndewa Imulungu, ‘Noilagusa kamba niye ning'ala kwa wanhu wose onda weze behi yangu, na notogoligwa mgameso ga wanhu wose!’” Haluni kanyamala tuluu.

Walawi 10:3 ပူးပေါင်းရင်းမြစ်များ

Mwanduso 18:25

Sigesa kamba kotenda vivo, kuwakoma wanhu wanogile hamoja na wanhu wene nzambi! Havidahika bule, kwavija msemi wa isi yose kolondigwa yataguse goya.”

Zabuli 119:120

Nogwaya kwa kukudumba gweye, nimema bwembwe kwa nhaguso zako.

Zabuli 148:14

Heyo kawagwaa wanhu zake nguvu, na nhogolwa kwa wanhu zake wose otamaniligwa, wanhu wa Izilaeli weli behi na moyo wake. Mtogoleni Mndewa Imulungu.

Zabuli 39:10

Nisegesele mbalati yako, nopotela kwa mikubulo ya makono gako.

Zabuli 39:9

Niye na bubui, sifungula bule mulomo wangu, kwavija gweye ayo utendile gano.

Zabuli 46:10

“Nyamaleni mjuwe kamba niye ayo Imulungu, notogolwa hagati ha iwanhu wa isi zose, notogolwa na isi yose.”

Zabuli 89:7

Kumting'hano wa iwanhu wa Imulungu, Imulungu kodumbigwa ng'hani, kodumbigwa kubanza wose omzunguluka.

Zabuli 93:5

Go Mndewa Imulungu, amuli zako zotamanilwa, kung'ala kwako kogela ulembo mng'anda yako milele.

Kulawa 14:17

Niye Mndewa noitenda mizoyo ya Wamisili iwe midala, na avo owakweleleza na niye nogweleligwa ukulu kwa kumbananga Falao na wakalizi zake okwela falasi na mituka yake.

Kulawa 14:4

Noutenda moyo wa Falao uwe mdala na heyo kowakweleleza. Na niye nopata ukulu kwa kuwabananga heyo hamoja na iwakalizi zake. Abaho Wamisili ojuwa kamba niye ayo Mndewa Imulungu.” Avo Waizilaeli watenda vivo.

Kulawa 19:22

Vivija walava nhosa, awo onikweselaga olondigwa waihunge, kamba hawaihunga nowakoboza.”

Kulawa 19:24

Mndewa Imulungu kamulongela Musa, “Humuluka hasi abaho wize na Haluni. Lakini sikuuwatogolele walava nhosa na wanhu wayagwe waloke mzimbaka weze kumwangu, buleavo nowakoboza.”

Kulawa 30:30

Abaho uwagidile gamavuta Haluni na wanage na kuwalava kumwangu ili wanisang'hanile kamba walava nhosa.

Walawi 21:15

ili sikuyawafitize wanage mwenyego, niye ayo Mndewa Imulungu nimtenda heyo yang'ale.’ ”

Walawi 21:17

“Mulongele vino Haluni, ‘Munhu yoyose muulelo wako yeli na kilema mulukuli, halondigwa kwiza behi ya Mndewa Imulungu na kumulavila Mndewa Imulungu wake nhosa ya ndiya.

Walawi 21:21

Munhu yoyose wa ulelo wa Haluni imulava nhosa, yeli na kilema sikuyeze behi kumulavila nhosa za kusoma moto, vivija sikuyeze behi kumulavila Imulungu nhosa ya ndiya.

Walawi 21:6

Mulava nhosa yakale yang'alile, sikuyadifitize twaga da Imulungu wake, heyo kolava nhosa kwa Mndewa Imulungu avo yakale yang'alile.

Walawi 21:8

Wanhu wamone mulava nhosa kamba kang'ala kwavija kolava nhosa ya ndiya kwa Mndewa Imulungu. Niye ayo Mndewa Imulungu, niye ning'ala na nowatenda wanhu zangu wang'ale.

Walawi 22:9

“ ‘Avo walava nhosa wagagoge malagizo gangu ili sikuwatende nzambi na kufa. Niye ayo Mndewa Imulungu niwatenda wang'ale.

Walawi 8:35

Mukale hano hana ulwivi lwa dihema da mting'hano imisi na ikilo kwa siku saba, mwahalema mofa. Vivo viyanilagize Mndewa Imulungu.

Kupetigwa 16:5

Abaho kamulongela Kola na iwanhu wose wamkweleleze, “Mayo imitondo, Mndewa Imulungu kolagusa nani yeli wake na nani yong'ala, na heyo yonda yamsagule, komtenda yakwese behi yake.

Kupetigwa 20:12

Lakini Mndewa Imulungu kamulongela Musa na Haluni, “Kwavija mweye hamnitogole hebu kunigwaa ukulu mgameso ga Waizilaeli, avo kwa mbuli ayo honda muwengize iwanhu wao mna iisi inongile nowagwelela.”

Matayo 10:37

“Munhu yoyose yomnogela tatake hebu mamake kubanza niye hafaya yawe mwanahina wangu. Na munhu yoyose yowanogela wanage hebu mndele wake kubanza niye hafaya yawe mwanahina wangu.

Yohana 12:28

Tata, uditogole twaga jako!” Abaho sauti ihulikigwa kulawa kuulanga, “Niditogola, na notenda vivo kabili.”

Yohana 14:13

Na nowatendela chochose kimpula kwa twaga jangu, ili ukulu wa Tata oneke kubitila kwa Imwana.

Kumbukumbu 32:51

kwavija mweye wabili mubena lagizo jangu mgameso ga Waizilaeli. Vimukalile ako kugamazi ga Meliba behi na buga da Kadeshi kuna uluwala lwa Sini, hamungwelele ukulu mgameso ga iwanhu.

2 Wasesalonike 1:10

Mna isiku vonda yeze Mndewa kubokela ukulu kulawa kwa wanhu zake na kutegelelezigwa kulawa kwa wanhu wose wamtogole, na mweye vivija mokuwa hagati yao kwavija muutogola usenga utuwalongele.

1 Petulo 4:17

Kipindi cha nhaguso kivika, na nhaguso yosonga kwa wanhu wa Imulungu, avo kamba nhaguso yosongela kumwetu, yokuwa vilihi kwa wanhu olema kutogola Mbuli Inogile ya Imulungu?

1 Samweli 2:30

“Avo Mndewa Imulungu, Imulungu wa Izilaeli, kolonga vino, ‘Niiduwila kamba ulelo wako na ulelo wa muhenga wako osang'hana kuulongozi wangu milele.’ Lakini sambi Mndewa Imulungu kolonga, ‘Mbuli ayo iwe kutali na niye, kwavija nowagesa wose onigesa niye na wose onibezeli na niye nowalema.

1 Samweli 3:18

Avo Samweli kamulongela Eli mbuli zose, hamfisile kinhu. Avo Eli kalonga, “Heyo ayo Mndewa Imulungu, leka yatende kamba viyokona vinoga kumwake.”

1 Samweli 6:20

Abaho wanhu wa buga da Beti Shemeshi wailongela, “Nani yodaha kwima kuulongozi wa Mndewa Imulungu, ino Imulungu yang'alile? Na heyo kochola kwa nani kulawa hano kumwetu?”