Walawi 1:17 - Biblia Kikutu

¹⁷ Abaho yamgoge gamabawa na yambalule mna imhambaga, abaho yamsome kwa moto uli muupango wa kulavila nhosa. Nhosa ayo ya kusoma moto yolava mnung'ho umnogeza Mndewa Imulungu.

Walawi 1:17 ပူးပေါင်းရင်းမြစ်များ

Mwanduso 15:10

Abulamu kamgalila Mndewa Imulungu wanyama awo, kila imoja kambalula, kavika ivihande mmisafa mibili kuno na kuno, lakini iwandege hawabalule bule.

Mwanduso 8:21

Kunung'hila goya kwa nhosa kumnogeza Mndewa Imulungu, na heyo kailongela mwenyego, “Honda niiduwile isi kabili mbuli gaja gowotenda wanhu, nojuwa kulawa kipindi viwakalile wabwanga magesa gao geha. Sibwelela ng'o! kabili kuvibananga vinhu vose vili na ugima kamba vinhendile.

Zabuli 16:10

Kwavija honda undeke kuzimu, na hundeka niye imunhu wako yotamanilwa nyone kukola.

Walawi 1:13

Munhu ayo yasunhe kwa mazi ivinhu va mgati va imnyama na imigong'ho, na mulava nhosa yamsome kwa moto imnyama wose muupango wa kulavila nhosa. Nhosa ayo ya kusoma moto yolava mnung'ho umnogeza Mndewa Imulungu.

Walawi 2:2

Abaho yawagalile iwalava nhosa weli ulelo wa Haluni, imoja wao yadehe ganza dimoja da usage awo uli na mavuta hamoja na ubani, vose yavisome moto muupango wa kulavila nhosa, kamba kinhu cha kukumbuka kamba ndiya ayo yose ilavigwa kwa Mndewa Imulungu, nhosa ayo ya kusoma moto yolava mnung'ho umnogeza Mndewa Imulungu.

Walawi 3:5

Iwalava nhosa weli ulelo wa Haluni wavisome moto hamoja na nhosa ili mzingodi zikwaka muupango, nhosa ayo ya kusoma moto yolava mnung'ho umnogeza Mndewa Imulungu.

Walawi 5:8

Munhu ayo yawagale kwa mulava nhosa, na heyo mulava nhosa yasonge kulava inhosa ya kusegesa nzambi kwa kumbota isingo bila kudumula dipala.

Walawi 6:14

“ ‘Gano gago malagizo ga nhosa ya ndiya. Wanhu wa ulelo wa Haluni wamgalile Mndewa Imulungu nhosa ya ndiya muupango wa kulavila nhosa.

Walawi 8:21

Musa viyamambukize kusunha uusapi na imigong'ho kwa mazi, kavisoma moto muupango wa nhosa hamoja na ivinhu viyagwe vose va ing'hondolo ayo kamba nhosa ya kusoma moto. Nhosa ayo inung'hila goya na imnogeza Mndewa Imulungu. Musa katenda kamba viyalagizwe na Mndewa Imulungu.

Walawi 9:13

Abaho wamgalila dipala na vihande viyagwe va ing'hondolo ayo na heyo kavisoma moto muupango wa nhosa.

Kupetigwa 15:3

na mweye mogala nhosa yenu kuulongozi wangu niye Mndewa Imulungu kulawa mzifugo zenu, nhosa za kusoma moto hebu nhosa ziyagwe kwa kuvikiza gaja gaulongile hebu kwa kulonda wenyego hebu kwa nyimwilinyimwili zenu, nhosa azo zogala mnung'ho uninogeza niye Mndewa Imulungu.

Kupetigwa 28:8

Ichungulo umulave ija imwana ng'hondolo wa kabili hamoja na imhishi ya usage utibwilizigwe na mavuta na inhosa ya king'waji isomigwa kwa moto kamba ija wa imitondo. Nhosa ayo ya ndiya yolava mnung'ho uninogeza niye Mndewa Imulungu.”

Matayo 27:50

Abaho Yesu kalila kabili kwa sauti ng'hulu, kafa.

Yohana 19:30

Yesu viyang'wile ija idivai, kalonga, “Gamala!” Kaidulika kafa.

Walumi 4:25

Heyo kalavigwa yafe kwa nzambi zetu, abaho kazilibuka ili Imulungu yatutende tunoge mgameso gake.

1 Petulo 3:18

Kwavija Kilisito kafa mwanza umoja kwa nzambi za wanhu wose, munhu yotenda ganogile kwa wanhu otenda gehile ili yawagale mweye kwa Imulungu. Kafa kilukuli lakini katendigwa mgima kwa udahi wa Loho Yang'alile,