Walawi 1:14 - Biblia Kikutu

¹⁴ “ ‘Kamba munhu kolava ndege kamba nhosa ya kusoma moto, avo ndege ayo yawe huwa hebu kinda da njiwa.

Walawi 1:14 ပူးပေါင်းရင်းမြစ်များ

Mwanduso 15:9

Avo Mndewa kamwidika, “Ngalila ng'ombe yeli na miyaka midatu na mbuzi wa kitwanzi yeli na miyaka midatu na ng'hondolo wa kimbigalo yeli na miyaka midatu na huwa na kinda da njiwa.”

Walawi 12:8

“ ‘Kamba hadaha kugala mwana ng'hondolo, yagale huwa wabili hebu makinda mabili ga njiwa, imoja yawe nhosa ya kusoma moto na iyagwe yawe nhosa ya kusegesa nzambi. Mulava nhosa yamtendele mtwanzi ayo nhosa ya loholo da nzambi, na heyo kokuwa kong'ala.’ ”

Walawi 5:10

Abaho ayo imulava nhosa yalave inhosa iyagwe kamba nhosa ya kusoma moto kamba viyalagizwe. Mulava nhosa kolohola nzambi za munhu ayo, na nzambi zake zogeligwa kumgongo.

Walawi 5:11

“ ‘Kamba munhu kolemelwa kugala huwa wabili hebu makinda mabili ga njiwa, yagale vibaba vibili va usage unogile kamba nhosa ya kusegesa nzambi zake. Lakini sikuyaugele mavuta hebu ubani kwavija nhosa ayo ya kusegesa nzambi.

Walawi 5:7

“ ‘Lakini kamba yahalemelwa kugala ng'hondolo, yamgalile Mndewa Imulungu huwa wabili hebu makinda mabili ga njiwa, mbuli ya nzambi yake iyaitendile. Imoja kokuwa nhosa ya kusegesa nzambi na iyagwe kokuwa nhosa ya kusoma moto.

Matayo 11:29

Soleni nila yangu muifunze kumwangu, kwavija niye simgaza munhu hebu kumbezeli, na mweye mokala mizoyo iholile.

Matayo 21:12

Yesu kengila Mng'anda ya Imulungu, kawawinga wanhu wose wakalile ogula na kuchuuza vinhu. Kazibidula meza za wanhu wakalile ovunja sente na vigoda va wanhu wakalile ochuuza njiwa.

Luka 2:24

Vivija wachola kulava nhosa kamba malagizo ga Mndewa vigalondile, “Huwa wabili hebu makinda mabili ga njiwa.”

2 Wakolinto 8:12

Kamba munhu kana moyo wa kulava, Imulungu kobokela kija kiyalinacho, halola kija kiyebule.

Waebulania 7:26

Avo siye tulonda mulava nhosa mkulu kamba ayo, yotusang'hanila vitulonda na yang'alile na yelibule kitala hebu nzambi. Yainegile na wanhu otenda nzambi na kenuligwa kuchola kuulanga kwa Imulungu.