Wafilipi 3:5 - Biblia Kikutu

⁵ Niye ving'halile na siku nane toka mvumbuke, ningizigwa kumbi. Niye na Mwiizilaeli too! Kulawa kabila da Benjamini. Niye na Muebulania too! Kwa mbuli ya kugoga Malagizo ga Musa, niye na Mfalisayo,

Wafilipi 3:5 ပူးပေါင်းရင်းမြစ်များ

Mwanduso 14:13

Munhu imoja yahonyeke, kamgalila usenga Abulamu yakalile Muebulania, na yakalile kokala behi na mibiki mikulu ya Mamule ya Muamoli, yakalile ndugu yake Eshikoli na Aneli, wose wakala wailumbile na Abulamu.

Mwanduso 17:12

Kila mwana wa kimbigalo muulelo wako yahavikiza siku nane tangu kuvumbuka yengizigwe kumbi, mutende vivo kwa watumwa waleligwe mng'anda yako na watumwa waguligwe kwa sente zenu kulawa kwa wanhu baki.

Mwanduso 40:15

Kwavija niye nitolosigwa kulawa mwiisi ya Waebulania na hano Misili sitendile mbuli yoyose ihile ya kunhenda nigodekigwe.”

Mwanduso 41:12

Avo mbwanga imoja Muebulania, mtumwa wa mkulu wa wakalizi kakala hamoja na siye mkifungo. Vitumulongele nzozi zetu, heyo katufambulila nzozi zetu kila munhu kamba viili.

Luka 1:59

Imwana viyavikize siku nane, wamwingiza kumbi. Walonda kumkema Zakalia, twaga da tatake,

Luka 2:21

Mna isiku ya nane, siku ya kwingizigwa imwana kumbi, wamgwaa twaga da Yesu. Twaga ijo kagweleligwa na msenga wa kuulanga mamake hanagoga inda.

Luka 5:38

Divai ya sambi yogidigwa mmifuko ya ng'hwembe ya sambi!

Sang'hano 22:3

“Niye na Muyahudi, nivumbukila Taliso mwiisi ya Kilikia. Lakini ng'hulila bahano Yelusalemu kamba mwanahina wa Gamalieli. Nibokela mafundizo kwa kugangamala mna gamalagizo ga wahenga zetu na niilava mwenyego kwa moyo wose kwa Imulungu kamba mose muli hano.”

Sang'hano 23:6

Paulo viyone bumbila diyagwe wakala Masadukayo na wayagwe wakala Mafalisayo, kakemelela mkitala, “Waizilaeli wayangu! Niye na Mfalisayo, mwanage Mfalisayo. Niye ngaligwa hano mkitala kwavija notogola kamba wanhu wafile ozilibuka!”

Sang'hano 6:1

Siku vizigendelele wanahina viwakalile okongezeka, kukala na ndwagi mna Iwayahudi olonga Kigiliki na waja iwolonga Kiebulania. Wayahudi iwolonga Kigiliki walonga kamba wagane wakiwa weli kumwao wasemwigwa muna ukugoleligwa sente kila siku.

Walumi 11:1

Nouza, vino Imulungu kowalema Wayahudi wanhu zake mwenyego? Bule, hawalema! Niye mwenyego na Mwiizilaeli, mzukulu wa Abulahamu, kulawa kabila da Benjamini.

2 Wakolinto 11:22

Kamba wao Waebulania? Na niye vivija na Muebulania. Kamba wao Waizilaeli? Na niye vivija na Muizilaeli. Kamba wao olawa mulukolo lwa Abulahamu? Na niye vivija nolawa mulukolo lwa Abulahamu.

1 Samweli 4:6

Wafilisiti viwahulike nyangi za ndeng'helelo walonga, “Nyangi zose azo za choni kuna ing'hambi ya Waebulania?” Viwajuwile kamba sanduku da lagano da Mndewa Imulungu divika kuna ing'hambi ya Waebulania,