Wafilipi 3:19 - Biblia Kikutu

¹⁹ Wanhu awo obanangika, kwavija otambikila vija viwosulukila mzing'huli zao, na oigodela mbuli zigela kinyala na ogesa mbuli za mwiisi.

Wafilipi 3:19 ပူးပေါင်းရင်းမြစ်များ

Zabuli 17:14

Gweye Mndewa Imulungu, kwa mkono wako unikombole kulawa kwa wanhu awo, iwanhu wa mwiisi ino awo fungu jao da muugima uno. Uwakoboze ng'hani, wanao wapate nhaguso ng'hulu kubanza ayo. Nhaguso ayo igendelele mbaka kwa wazukulu zao.

Zabuli 52:1

Gweye zinhu, habali koigodela gehile? Unogelo hawishaga wa Imulungu okala siku zose.

Matayo 16:23

Yesu kahinduka, kamulongela Petulo, “Segela kumwangu, Mwenembago! Gweye kong'himila, kwavija hugesa ga Imulungu, ila kogesa ga iwanhu.”

Matayo 25:41

“Abaho kowalongela waja weli mwambu wa kumoso, ‘Segeleni kumwangu, mweye muduwiligwe! Muchole kuna umoto haufaga, uyekiligwe Mwenembago na wasenga zake!

Luka 12:19

Abaho noilongela, gweye moyo wangu! Kuna vinhu vose vinogile kwa miyaka heleketwaa. Bwihila, diya, ing'wa, na kudeng'helela!’

Luka 16:19

“Kukala na tajili imoja yavalile viwalo va sente nyingi ng'hani na kuja goya kila siku.

Luka 18:4

Siku nyingi msemi ayo hamtegeleze mgane ayo, lakini kumwande kailongela, ‘Hata kamba simdumba Imulungu hebu kuwatonga wanhu,

Walumi 16:18

Kwavija wose otenda kamba vivo hawamsang'hanila Mndewa wetu Kilisito, lakini osang'hana mbuli ya zinda zao. Kwa mbuli zao zaumulile na ulonzi wa kutewenza owavizila wanhu hawaujuwile uvizi awo choni.

Walumi 6:21

Vino mupata choni vimusang'hane mbuli zija sambi mozonela kinyala? Kwavija gaja gamutendile gogala ifa!

1 Wakolinto 3:3

kwavija mweye mung'hali mokala kamba viwokala wanhu wa mwiisi ino. Avo moiyonela migongo na kugomba wenyego, vino, ino hailagusa kuwa mweye mung'hali wanhu wa mwiisi ino na mokala kamba viwokala wanhu wa isi ino?

1 Wakolinto 5:2

Modahaze kuigoda? Maza mulondigwa munyunyuwale, na munhu yatendile kilozo acho kolondigwa yawingigwe kumwenu.

1 Wakolinto 5:6

Kuigoda kumwenu hakunogile bule! Vino hamujuwile kamba, hamila kidogo youtenda usage wose ugongomoke?

2 Wakolinto 11:12

Nogendelela kusang'hana kamba vinisang'hana sambi, ili niwagwise waja “watumigwa wakulu” olonga kwa kuigoda kuwa osang'hana kamba vitusang'hana siye.

2 Wakolinto 11:15

Avo hatukanganya bule kamba wasang'hanaji wa Mwenembago nao oitenda wasang'hanaji wa gaja ganogile. Kukimambukizo obokela fungu jao dilondigwa kwa sang'hano zao.

Wagalatia 6:13

Hata waja wengile kumbi hawagagoga Malagizo ga Musa, wao olonda mweye mwingile kumbi ili waigodele kija kitendeke mzing'huli zenu.

Wafilipi 2:21

Wanhu wayagwe hawamsang'hanila Yesu Kilisito, ila osang'hanila mbuli zao wenyego.

Wakolosai 3:2

Avo gelegezeni vinhu vili kuulanga, siyo vinhu vili mwiisi.

2 Wasesalonike 1:9

Nhaguso yao yokuwa kubanangigwa kwa milele, na kwikigwa kutali kulawa haulongozi ha Mndewa na kulawa muukulu wa nguvu zake.

2 Wasesalonike 2:12

Avo wose walemile kuutogola ukweli, lakini odeng'helela gehile, otagusigwa.

2 Wasesalonike 2:8

Baho munhu ayo yehile kokoneka, lakini Mndewa Yesu vondayabwele komkoma kwa mhumuzi ilawa mmulomo wake na kumbananga kwa mng'alo wa kwiza kwake.

1 Timoseo 6:5

na kuibamilila siku zose kwa wanhu wabanangike nzewele na wabule ukweli na ogesa kuwa kumsang'hanila Imulungu ayo nzila ya kupata ugoli.

2 Timoseo 3:4

Wanhu oihinduka, wanhu otenda mbuli bila kugesa, wanhu omema bezi, wanhu ounogela ugima uno kubanza kumnogela Imulungu.

Yakobo 4:16

Lakini sambi moitapa na kuigoda, kuitapa kamba kuko hakunogile bule.

2 Petulo 2:1

Kukala na watula ndagu wa uvizi kwa wanhu, na vivija olawilila wafundiza wa uvizi kumwenu. Wanhu awo owafundiza kwa kinyelegezi malagizo ga uvizi gogala ubananzi, na ga kumulema Mndewa yawakombole, avo wao oigalila wenyego kubanangigwa kwa kusinhukiza.

2 Petulo 2:13

Olihigwa magayo kwa magayo gawatendile. Onogelwa kutenda chochose kihile mgameso ga wanhu. Wanhu awo ogela kinyala vonda wakale mna zinyimwilinyimwili zenu kuno odeng'helela nzila zao zihile.

2 Petulo 2:3

Kwa kusulukila kwao kwihile opata vinhu kwa kuwafundiza mbuli za uvizi. Nhaguso yao yabaho toka mwaka na heyo yowabananga kameso.

Yuda 1:10

Lakini wanhu wano oliga kinhu chochose hawakijuwile, obanangwa kwa mbuli zizija ziwajuwile kwa nzewele zao, kamba wanyama viwojuwa kwa nzewele zao.

Yuda 1:16

Siku zose wanhu wano onung'unika na kuiyalala, okweleleza kusulukila kwao kwihile, oitapa wenyego na kuwatogola ng'hani wanhu wayagwe ili wapate kiwolonda.

Yuda 1:4

Kwavija wanhu hawamjuwile Imulungu wengila kwa kinyelegezi hagati yetu, wanhu awo ougalusa usenga wa ng'hekewa ya Imulungu kamba kinhu cha kutendela ugoni na ombela Yesu Kilisito, yeli Mkulu wetu yaiyeka na Mndewa. Wanhu awo nhaguso yao yandikigwa toka mwaka mna Gamaandiko Gang'alile.

Ugubulo 18:7

Mgweeni usungu na magayo makulu, kamba viyakalile kwa ugima wa kubwihila ng'hani na kuitapa. Kwavija kalonga muumoyo wake, ‘Niye nokala kamba malikia! Niye sili mgane, na niye sikujuwile bule kuiyalala!’

Ugubulo 19:20

Lakini ajo ding'onyo digogigwa hamoja na mtula ndagu wa uvizi yakalile yotenda unzonza hanhu ha ding'onyo. Kwa unzonza awo kawavizila waja wakalile na kilaguso cha ajo ding'onyo na waja waitambikile sanamu ya ding'onyo ajo. Dijo ding'onyo na mtula ndagu wa uvizi wose wabili wasigwa kuno wang'hali wagima mdilamba da moto mkulu na mabwe gokwaka.

Ugubulo 21:8

Lakini wanhu odumba na oleka kutogola na wanhu otenda mbuli zigevuza na wakomaji na wagoni na wahawi na wanhu ovitambikila vinyago na wavizi, wose hanhu hao kudilamba da moto na mabwe gokwaka, ayo iyo ifa ya kabili.”

Ugubulo 22:15

Lakini kunze ya buga dijo kuna wanhu ogevuza na wahawi na wakomaji na wagoni na wanhu ovitambikila vinyago na wanhu onogelwa kulonga uvizi.

1 Samweli 2:29

Habali kuzonela migongo nhosa ziniwalongele wanhu wangalile? Gweye kuwategeleza wanago kubanza niye, muineneheza wenyego kwa kuja nyama zinogile za kila nhosa ziwandavile Waizilaeli.’