Wafilipi 3:15 - Biblia Kikutu

¹⁵ Siye wose tukangale muugima wa kuilumba na Kilisito tugese vivo. Lakini kamba wanhu wayagwe vimwili ogesa viyagwe, Imulungu kowatenda muzijuwe mbuli azo.

Wafilipi 3:15 ပူးပေါင်းရင်းမြစ်များ

Matayo 5:48

Molondigwa mutelele kamba Tataenu yeli kuulanga viyatelele.

Luka 11:13

Kamba mweye wene nzambi mojuwa kuwagwaa wanenu vinhu vinogile, lakini Tataenu yeli kuulanga kowagwaa ng'hani Loho Yang'alile wanhu waja ompula.”

Yohana 6:45

Watula ndagu wa Imulungu wandika, ‘Kila munhu kofundizigwa na Imulungu.’ Munhu yoyose yomtegeleza Tata na kuifunza kumwake kokwiza kumwangu.

Yohana 7:17

Munhu yoyose yolonda kutenda goyolonda Imulungu kojuwa gano gonifundiza golawa kwa Imulungu hebu nolonga gaja gonilonda.

Walumi 15:1

Siye tumtamanila Imulungu kwa nguvu tuwataze waetu omtamanila Imulungu kwa kunyolila ili wadahe kufunga umoyo mna ukunyolila kwao. Sikututende gaja gotunogela siye twiiyeka.

1 Wakolinto 14:20

Ndugu zangu, sikumugese kamba wana wadodo. Kwa mbuli ya gehile mukale kamba wana ving'hele welibule vitala, lakini mugese kamba viwogesa wanhu wabala goya.

1 Wakolinto 2:6

Avo, nowapetela usenga uli na nzewele kwa wanhu waja tamanilo jao dikangale. Lakini siyo nzewele za mwiisi ino hebu nguvu ya wakulu wa mwiisi ino, awo onda wabanangigwe.

Wagalatia 5:10

Kwavija muilumba na Mndewa, nogesa kuwa mogesa kamba vinigesa niye. Munhu yoyose yowading'hula hata kamba yahawa nani, munhu ayo kotagusigwa na Imulungu.

Waefeso 1:17

Nogendelela kumpula Tata yeli mkulu, Imulungu wa Mndewa wetu Yesu Kilisito, yawagwee Loho wake, yonda yawagwee nzewele na kuwagubulila Imulungu kumwenu ili mumjuwe goya.

Wakolosai 1:28

Tompeta Kilisito kwa kila munhu na kumzuma na kumfunza kila munhu kwa nzewele zose ili kumgala kila munhu haulongozi ha Imulungu kuno kakangala kwa kuilumba na Kilisito.

Wakolosai 4:12

Epafulasi, miyenu na msang'hanaji wa Yesu Kilisito kowalamusa, siku zose kowapulila ng'hani kwa Imulungu, kompula Imulungu yawagangamize, mukangale na mumtogole Kilisito kwa mizoyo yenu yose na mugagoge goya gamnogele Imulungu.

1 Wasesalonike 4:9

Hailondigwa kuwandikila mbuli ya kuwanogela waenu wamtogole Kilisito. Mweye wenyego mufunzigwa na Imulungu vija vimulondigwa kuinogela.

2 Timoseo 3:17

avo munhu yomsang'hanila Imulungu yadahe kutenda goya, na yadahe kusang'hana kila sang'hano inogile.

Waebulania 5:14

Lakini ndiya ndala ya wanhu wabala goya, kwavija awo waifunza kwa kutenda ili wajuwe ganogile na gehile.

1 Yohana 2:5

Lakini munhu yogoga mbuli ya Imulungu, munhu ayo kana unogelwa wa kweli wa Imulungu mgati yake. Vino avo vitujuwa kamba twa mgati mmwake,