Wafilipi 3:1 - Biblia Kikutu

¹ Avo, ndugu zangu, deng'heleleni kwa kuilumba na Mndewa. Sikona kamba kinhu bule kubwelela kwandika kija kinyandike aho haichanduso, kwavija nahatenda avo na mweye mokala goya.

Wafilipi 3:1 ပူးပေါင်းရင်းမြစ်များ

Zabuli 149:2

Waizilaeli wamdeng'helele Mulumba wao, wanhu wa Sayuni watowe lukenze kwa Mndewa wao.

Zabuli 32:11

Mdeng'heleleni Mndewa Imulungu, deng'heleleni mweye iwanhu wanogile, toweni ng'henze za deng'ho, mweye iwanhu muli na mizoyo inogile.

Zabuli 33:1

Mwimbileni Mndewa Imulungu kwa deng'ho, mweye iwanhu wene haki. Kumtogola Imulungu kowafaya iwanhu wene imizoyo inogile.

Zabuli 37:4

Zahila deng'ho jako kwa Mndewa Imulungu, na heyo kokugwaa gaja gousulukila mmoyo wako.

Zabuli 42:4

Novikumbuka vinhu vino, nahaigubula loho yangu. Vinicholile na wanhu bwando, niwalongoza kuchola mng'anda ya Imulungu, tuchola kwa deng'ho na nyila za kumtogola, tuigoga nyimwilinyimwili.

Zabuli 5:11

Lakini wose okukimbilila gweye wadeng'helele, waleke wagute mizangi ya deng'ho siku zose. Uweke goya wose odinogela twaga jako, ili wadeng'helele mbuli yako.

Zabuli 97:1

Mndewa Imulungu kotawala na isi ideng'helele, visiwa videng'helele.

Matayo 5:12

Sekeleleni na kudeng'helela, kwavija mwikiligwa nhunza ng'hulu kuulanga. Kwavija vino vivo wadununzwe watula ndagu wa Imulungu wakalile umwaka, mweye hamunavumbuka.”

Luka 1:47

Loho yangu yomdeng'helela kwavija Imulungu Mkombola wangu,

Walumi 5:11

Lakini siyo gago gaiyeka, vivija wose todeng'helela mbuli ya gaja gayatendile Imulungu kubitila Mndewa wetu Yesu Kilisito, yatutendile tuilumbe na Imulungu.

2 Wakolinto 13:11

Avo ndugu zangu, nowalaga! Wambeni kukala mutelele, gogeni mbuli zangu, muilumbe, kaleni moyo hole. Nayo Imulungu wa unogelwa na tindiwalo kokuwa hamoja na mweye.

Waefeso 6:10

Kisigale, nowapula mugangamale kwa kuilumba na Mndewa na kwa kutazigwa na udahi wake.

Kumbukumbu 12:18

Lakini muvidile kuulongozi wa Mndewa Imulungu, Imulungu wenu, hanhu aho honda yahasagule Mndewa Imulungu, Imulungu wenu. Dieni vinhu avo mweye hamoja na wanenu wa ikimbigalo na wa ikitwanzi na wasang'hanaji zenu wa ikimbigalo na wa ikitwanzi na Walawi iwokala hamoja na mweye na mudeng'helele kuulongozi wa Mndewa Imulungu, Imulungu wenu kwa vinhu vinogile viyawatendele.

Kumbukumbu 16:11

Mudeng'helele kuulongozi wa Mndewa Imulungu, Imulungu wenu, mweye hamoja na wanenu wa kimbigalo na wa ikitwanzi, wasang'hanaji zenu wa ikimbigalo na wa ikitwanzi, Walawi na iwanhu baki na iwana wakiwa na wagane iwokala hamoja na mweye. Tendeni gago hanhu aho Mndewa Imulungu, Imulungu wenu honda yahasagule kwika twaga jake.

Wafilipi 3:3

Siye wao twingile kumbi kweli, siye tumtambikila Imulungu kwa Loho wake na toigodela Yesu Kilisito. Siye hatuigodela kihendo kitendigwa mulukuli.

Wafilipi 4:4

Avo, siku zose deng'heleleni kwa kuilumba kwenu na Mndewa. Nobwelela kulonga, deng'heleleni!

Wafilipi 4:8

Ndugu zangu, nomambukiza kulonga, nzewele zenu zigese mbuli zinogile na zija zilondigwa kutogoligwa. Mbuli azo ziwe za ukweli na ganogile na kutenda golondigwa na kung'ala na kuinogela na kutegelezigwa.

1 Wasesalonike 4:1

Lelo, ndugu zangu, muifunza kulawa kumwetu vija vimulondigwa kumnogeza Imulungu na vivo vimukala. Na sambi towamba kuwapula kwa twaga da Mndewa Yesu mutende vinogile kubanza aho.

1 Wasesalonike 5:16

Mudeng'helele siku zose,

Yakobo 1:2

Ndugu zangu deng'heleleni, mwahagezigwa miyanza mingi,

1 Petulo 3:8

Kukimambukizo, mweye mose muwe na moyo umoja na mugese dimoja, molondigwa muinogele kamba ndugu, muyonele bazi na muitonge wenyego.

1 Petulo 4:13

Lakini deng'heleleni kwavija moilumba mna gamagayo ga Kilisito, ili mudeng'helele ng'hani kipindi vonda yabwele muukulu wake.

2 Petulo 3:1

Ndugu zangu baluwa ino ya kabili kuwandikila. Mna zibaluwa zose mbili nigeza kuwatenda mugese goya kwa kuwakumbusa mbuli zino.

1 Samweli 2:1

Abaho Hana kapula kalonga, “Moyo wangu omwinula Mndewa Imulungu, nihuma kubitila Mndewa Imulungu, kwa mulomo wangu nowaseka iwanhu onihila, kwavija noudeng'helela ukombola wako!”