Wafilipi 2:3 - Biblia Kikutu

³ Sikumuwe na gahigahi hebu magoda gelibule kinhu, lakini kwa uhole muwagese wayagwe kuwa wanoga kubanza mweye.

Wafilipi 2:3 ပူးပေါင်းရင်းမြစ်များ

Nongezi 13:10

Kibuli chogala ndwagi, lakini ubala okala na wanhu waja olonda magesa.

Luka 18:14

Nowalongela, mbokela kodi ija kachola ukae kumwake kuno katendigwa kanoga mgameso ga Imulungu kubanza ija Mfalisayo. Kwavija wose oitenda wanhu wakulu ohumulusigwa, na waja oihumulusa otendigwa wanhu wakulu.”

Walumi 12:10

Mwiinogele ng'hani kamba ndugu, kila munhu tanhu yamgese miyage kubanza mwenyego.

Walumi 13:13

Tukaleni goya kamba viwokala wanhu imisi, sikutukale kwa umelo mna zinyimwilinyimwili hebu kwa kukoligwa hebu kwa kufita hebu kwa ugoni hebu kwa kugomba na kuyonela migongo.

Walumi 2:8

Wanhu wayagwe wana gahigahi na oulema ukweli, ili wakweleleze gehile, wanhu awo Imulungu kowatagusa ng'hani kwa ng'hasiliki yake.

1 Wakolinto 15:9

Kwavija mna iwatumigwa wose niye na munhu mdodo ng'hani, niye sifaya hata kukemigwa mtumigwa, kwavija niwadununza wanhu wamtogole Yesu.

1 Wakolinto 3:3

kwavija mweye mung'hali mokala kamba viwokala wanhu wa mwiisi ino. Avo moiyonela migongo na kugomba wenyego, vino, ino hailagusa kuwa mweye mung'hali wanhu wa mwiisi ino na mokala kamba viwokala wanhu wa isi ino?

2 Wakolinto 12:20

Nodumba naheza kumwenu, honda niwavike kamba vinonda niye, na mweye honda mumbone kamba vimulonda niye niwe. Nodumba nodaha kuvika wanhu ogomba hebu kuyonela migongo hebu kuigevuza hebu kuwa na gahigahi hebu kuideta hebu kuiliga hebu kuigoda na kuiding'hula.

Wagalatia 5:15

Lakini mwahailuma na kuidafuna wenyego kamba ming'onyo, aho muiteganye sambi muibanange mweye kwa mweye.

Wagalatia 5:26

Avo, sikutuigode, sikutuigobole hebu kuyonela migongo.

Waefeso 4:2

Siku zose muwe wahole na moyo unogile, muinogele kwa kufunga umoyo.

Waefeso 5:21

Kila munhu tanhu yamgese miyage mbuli ya kumtegeleza Kilisito.

Wafilipi 2:14

Tendeni kila kinhu bila kuiyalala hebu kuibamilila,

Wakolosai 3:12

Mweye mwa wanhu wa Imulungu, kawanogela na kawasagula. Avo muvale bazi, kutenda ganogile, moyo unogile, uhole na kufunga umoyo.

Wakolosai 3:8

Lakini sambi molondigwa kuzileka mbuli zose zino, kugevuzika, ludoko, kuwagesela wanhu gehile. Maligo hebu mbuli za chaka chaka sikuvilawe mmilomo yenu.

1 Timoseo 6:4

munhu ayo kamema magoda na hajuwa kinhu chochose. Ayo mtatali wa kuibamilila na ndwagi mbuli ya mbuli, mbuli azo zogala migongo, kugomba, maligo na magesa gehile,

1 Petulo 3:8

Kukimambukizo, mweye mose muwe na moyo umoja na mugese dimoja, molondigwa muinogele kamba ndugu, muyonele bazi na muitonge wenyego.

1 Petulo 5:5

Vivija na mweye wabwanga wategelezeni wavele. Mweye mose molondigwa sikumuitonge wenyego na muisang'hanile, kamba vigalonga Maandiko, “Imulungu kowalema wanhu oitapa, lakini kowagwaa ng'hekewa wanhu wahole.”