Wafilipi 2:17 - Biblia Kikutu

¹⁷ Hata kamba ugima wangu ogidigwa uwe nhambiko mna isang'hano yenu ya kutamaniligwa ili nhosa kwa Imulungu, yahawa avo, nodeng'helela ng'hani na mweye modeng'helela na niye.

Wafilipi 2:17 ပူးပေါင်းရင်းမြစ်များ

Kupetigwa 28:6

Ino yokuwa nhosa ilavagwa kila siku, na yosomigwa kwa moto, nhosa ayo isonga kulavigwa kulugongo lwa Sinai kamba nhosa ya ndiya, ilava mnung'ho uninogeza niye Mndewa Imulungu.

Kupetigwa 28:7

Nhosa ya king'waji ya nyhupa imoja ya divai ilavigwe na kila imwana ng'hondolo. Nhosa ayo ya king'waji uigide mna ihanhu hong'ala.

Sang'hano 20:24

Lakini siutonga ugima wangu kamba kinhu, nogesa kuumambukiza utumigwa na sang'hano iyanigwelele Mndewa Yesu kuisang'hana, nayo iyo kuwapetela wanhu Mbuli Inogile ya ng'hekewa ya Imulungu.”

Sang'hano 21:13

Avo Paulo kedika, “Mweye molonda kutenda choni, kulila kamba vino na kunibweza kuchugu? Niye niitanda siyo kufungigwa kwiiyeka ako Yelusalemu, lakini hata kufa mbuli ya Mndewa Yesu.”

Walumi 12:1

Avo, ndugu zangu, kwavija Imulungu kana bazi ng'hani, nowapula ng'hani, ilaveni wenyego kwa Imulungu kamba nhosa ili ngima. Ilaveni wenyego kamba wanhu mung'alile na kumnogeza Imulungu. Ino ayo nzila inogile ya kumtambikila Imulungu.

Walumi 15:16

ya kuwa mtumigwa wa Yesu Kilisito kwa kuwasang'hanila wanhu haweli Wayahudi. Nosang'hana kamba mulava nhosa kwa kuwapetela wanhu Mbuli Inogile ilawa kwa Imulungu, ili wanhu haweli Wayahudi wawe nhosa itogoligwa kwa Imulungu, itendigwe ing'ale kubitila Loho Yang'alile.

2 Wakolinto 12:15

Niye nodeng'helela kulava vinhu vose vinilinavo na vivija kuilava mwenyego mbuli ya kuwataza mweye. Vino mweye hamuninogela ng'hani kwavija niye nowanogela ng'hani?

2 Wakolinto 4:12

Avo, ifa yosang'hana mgati mmwetu, lakini ugima osang'hana mgati mmwenu.

2 Wakolinto 6:10

Tunyunyuwala lakini siku zose todeng'helela, twa wakiwa lakini towatenda wanhu bwando wawe wagoli, tokoneka twabule kinhu lakini kila kinhu chetu.

2 Wakolinto 7:4

Nojuwa mugangamala, noigodela mweye! Nihozigwa moyo ng'hani kipindi chose cha magayo getu, nodeng'helela ng'hani.

Wafilipi 1:20

Vinikona niye notamanila kamba honda nigwe kinyala lakini nogangamala ng'hani, avo sambi kamba viili siku zose iwe muugima hebu mwiiifa nimgwee ukulu Kilisito.

Wafilipi 2:18

Avo na mweye vivija mudeng'helele na kusekelela hamoja na niye.

Wafilipi 2:30

kwavija kalonda kufa mbuli ya sang'hano ya Kilisito, na kauhonza ugima wake ili yanitaze kija kimulemelwe mweye kunhaza.

Wafilipi 4:18

Sambi mbokela vinhu vose vimungwelele na mbokela kubanza vija vinondile! Sambi nina kila kinhu kwavija Epafuladito kangalila nhunza zenu. Nhunza zino ziigala na nhosa imnug'hila goya Imulungu, nhosa yoitogola na imnogela.

Wakolosai 1:24

Sambi nodeng'helela vinigaya mbuli ya mweye kwavija kwa kugaya kwangu mulukuli, nogamambukiza gaja gasigale mna ukugaya kwa Kilisito mbuli ya lukuli lwake, lukuli wao wanhu wose wamtogole Yesu.

1 Wasesalonike 2:8

Tuwanogela ng'hani mbaka tunogelwa kuwagwaa siyo Mbuli Inogile ya Imulungu iiyeka, lakini vivija ugima wetu, kwavija mweye mwa mmizoyo!

2 Timoseo 4:6

Kwavija kipindi changu cha kufa cha mmabehi na damu yangu yogidigwa kamba vija walava nhosa viwogida divai.

1 Petulo 2:5

Vivija na mweye kamba mabwe magima, mozengwa mng'anda ya kiloho, mosang'hana kamba walava nhosa wang'alile, molava nhosa za kiloho zimnogeza Imulungu kubitila Yesu Kilisito.

1 Yohana 3:16

Vino avo vitujuwa unogelwa viwili, Kilisito kaulava ugima wake mbuli ya siye. Vivija na siye tuulave ugima wetu mbuli ya ndugu zetu!