Wafilipi 2:11 - Biblia Kikutu

¹¹ na kila lulimi lulonge kuwa Yesu Kilisito ayo Mndewa, kwa ukulu wa Imulungu Tata.

Wafilipi 2:11 ပူးပေါင်းရင်းမြစ်များ

Zabuli 110:1

Mndewa Imulungu komulongela Mndewa wangu, “Kala umwambu wa mkono wangu wa ukudila mbaka niwatende iwanhu okwihila kigoda cha kwikila magulu gako.”

Zabuli 18:49

Kwa mbuli ayo, nokutogola gweye Mndewa Imulungu hagati ya iwanhu wa isi zose, na nokwimba na kulonga twaga jako kulu.

Matayo 10:32

“Munhu yoyose yonitogola niye mgameso ga wanhu na niye nomtogola mgameso ga Tatangu yeli kuulanga.

Luka 2:11

Lelo kudibuga da Daudi, Mkombola wenu kavumbuka, ayo Kilisito Mndewa!

Yohana 12:42

Avo wakulu wengi wa Wayahudi wamtogola Yesu, lakini mbuli ya Mafalisayo hawadahile kulonga mbuli zake kunze kunze, kwavija wadumba kuwingigwa mna ing'anda ya kumpula Imulungu.

Yohana 13:13

Mweye mong'hema niye Mfundiza na Mndewa, molonga goya kwavija vivo nili.

Yohana 13:14

Niye Mndewa wenu na Mfundiza, niwasunha magulu genu. Avo na mweye molondigwa muisunhe magulu genu.

Yohana 14:13

Na nowatendela chochose kimpula kwa twaga jangu, ili ukulu wa Tata oneke kubitila kwa Imwana.

Yohana 14:23

Yesu kamwidika, “Munhu yoyose yoninogela niye kogagoga mafundizo gangu. Tatangu komnogela munhu ayo, niye na Tatangu tomwizila na kukala nayo.

Yohana 17:1

Aho Yesu viyamambukize kulonga avo, kalola uchanha kuulanga kalonga, “Tata, saa ivika. Mgwee ukulu Mwanago ili Imwana nayo yakugwee ukulu.

Yohana 20:28

Tomaso kamwidika, “Mndewa wangu na Imulungu wangu!”

Yohana 5:23

avo wanhu wose wamtegeleze Mwana, kamba vija viwomtegeleza Tata. Munhu yoyose yolema kumtegeleza Mwana kolema kumtegeleza Tata yamtumile.”

Yohana 9:22

Tatake na mamake walonga vino kwavija wakala owadumba wakulu wa Wayahudi, kwavija Wayahudi walonga munhu yoyose yolonga komtogola Yesu kamba ayo Kilisito Mkombola kowingigwa mng'anda ya kumpula Imulungu.

Sang'hano 10:36

Muujuwa usenga uyaugalile kwa wanhu wa Izilaeli, kuwapetela wanhu Mbuli Inogile igala tindiwalo kubitila Yesu Kilisito yeli Mndewa wa wanhu wose.

Sang'hano 2:36

“Wanhu wose wa Izilaeli molondigwa mujuwe kamba ino Yesu, yummuwambile mumsalaba, Imulungu kamtenda Mndewa na Kilisito Mkombola!”

Walumi 14:11

Kwavija Maandiko Gang'alile golonga, “Mndewa kolonga, kamba vija vinili mgima, kila munhu konifugamila na kila munhu kolonga, niye na Imulungu.”

Walumi 14:9

Kwavija Kilisito kafa na kazilibuka ili yawe Mndewa wa wanhu wagima na wafile.

Walumi 15:9

na kuwatenda wanhu haweli Wayahudi wamgwee nhogolwa Imulungu kwa bazi jake. Kamba Maandiko Gang'alile vigalonga, “Avo, nokugwaa nhogolwa kwa wanhu haweli Wayahudi, nokwimba nyila za kuditogola twaga jako.”

1 Wakolinto 12:3

Nolonda mujuwe kuwa, kuduhu munhu yoyose yolongozigwa na Loho wa Imulungu yodaha kulonga, “Yesu yaduwiligwe,” na kuduhu munhu yodaha kulonga, “Yesu ayo Mndewa,” bila kulongozigwa na Loho Yang'alile.

1 Wakolinto 15:47

Adamu wa ichanduso, kalumbigwa kwa udongo, Adamu wa kabili kalawa kuulanga.

1 Wakolinto 8:6

lakini kumwetu siye tuna Imulungu imoja yaiyeka, Tata ija yaumbile vinhu vose na kubitila heyo tokuwa wagima. Na kuna Mndewa imoja yaiyeka, nayo ayo Yesu Kilisito, kubitila heyo vinhu vose vilumbigwa, na siye twawagima kubitila heyo.

1 Petulo 1:21

Kubitila heyo momtogola Imulungu yamzilibule kwa wafile na kamgwaa ukulu, avo momtogola na momtamanila Imulungu.

1 Yohana 4:15

Kila munhu yolonga kwa mulomo wake kamba Yesu ayo Mwana wa Imulungu, Imulungu kokala mgati ya munhu ayo, nayo kokala mgati ya Imulungu.

1 Yohana 4:2

Avo, vino avo vonda mumjuwe munhu yolongozigwa na Loho wa Imulungu. Munhu yolonga kamba Yesu Kilisito keza mna ulukuli, munhu ayo kana Loho wa Imulungu.

2 Yohana 1:7

Wanhu wengi wavizi wenela mwiisi, awo hawatogola kamba Yesu Kilisito keza kwa lukuli lwa kiunhu. Wanhu kamba awo ni wavizi na omulema Kilisito.

Ugubulo 3:5

Munhu yonda yahume kovazigwa vivo kwa viwalo vizelu, na sidisegesa bule twaga jake mna ikitabu cha ugima. Mgameso ga Tatangu na wasenga zake nolonga kwa mulomo wangu kamba heyo munhu wangu.