Wafilipi 1:27 - Biblia Kikutu

²⁷ Avo kinhu kilondigwa hano mbuli zenu ziigale kamba viilonda mbuli inogile ya Kilisito, kamba nahadaha kwiza kuwalola hebu nahawahulika, nojuwa kuwa mose mogangamala hamoja kwa loho imoja na kudigombela hamoja tamanilo dilawa kwa Mbuli Inogile.

Wafilipi 1:27 ပူးပေါင်းရင်းမြစ်များ

Zabuli 122:3

Buga da Yelusalemu dizengwa, ili wanhu waiting'hane hamoja.

Zabuli 133:1

Lola vivinogile na kunogeza, ndugu wahakala hamoja kwa kuigoga.

Nongezi 22:23

Kwavija Mndewa Imulungu kowagombela, kowaboka ugima wao awo owadununza.

Matayo 12:25

Yesu kajuwa kiwakalile ogesa, avo kawalongela, “Kamba undewa wowose wahaigola wenyego undewa awo ofa. Na lubuga lwahaigola lwenyego lubuga lulo lofa.

Sang'hano 2:46

Wagendelela kuiting'hana Mng'anda ya Imulungu kila siku, wakala oja hamoja mzikae zao, waja kwa kudeng'helela na kwa moyo uholile,

Sang'hano 24:24

Vizibitile siku ndodo Felikisi keza hamoja na mwehe wake Dulusila, yakalile Muyahudi. Kalagiza Paulo yagaligwe, kamtegeleza viyalongile mbuli ya kumtogola Yesu Kilisito.

Sang'hano 4:32

Kibumbila cha wanhu wamtogole Yesu wakala na moyo umoja. Kuduhu imoja wao yalongile vija viyakalile navo vikala vake, lakini waigolela na wayao kila kinhu kiwakalile nacho.

Walumi 1:16

Siyonela kinyala bule Mbuli Inogile, kwavija ina udahi wa Imulungu wakumkombola munhu yoyose yotogola, tanhu kwa Wayahudi, abaho kwa wanhu haweli Wayahudi.

Walumi 1:5

Kubitila heyo na kwa mbuli ya twaga jake tubokela ng'hekewa na tuwa watumigwa, tuwalongoze wanhu wa isi zose wategeleze kwavija omtamanila.

Walumi 1:9

Imulungu inimsang'hanila kwa moyo wangu wose, kwa kuwapetela wanhu Mbuli Inogile ya Mwanage, ayo yolola kuwa nowakumbuka mweye,

Walumi 10:8

Maandiko Gang'alile golonga, “Imbuli ya behi yenu, ya mmilomo yenu na mmizoyo yenu,” nayo, ayo imbuli ya kumtamanila Imulungu, ituwapetela wanhu.

Walumi 15:16

ya kuwa mtumigwa wa Yesu Kilisito kwa kuwasang'hanila wanhu haweli Wayahudi. Nosang'hana kamba mulava nhosa kwa kuwapetela wanhu Mbuli Inogile ilawa kwa Imulungu, ili wanhu haweli Wayahudi wawe nhosa itogoligwa kwa Imulungu, itendigwe ing'ale kubitila Loho Yang'alile.

Walumi 15:29

Nojuwa naheza kumwenu, nowagalila mbuli zose zinogile kulawa kwa Kilisito.

1 Wakolinto 1:10

Ndugu zangu, nowapula kwa twaga da Mndewa wetu Yesu Kilisito, muitogolele mbuli yoyose yumulonga, ili sikumuigole mweye kwa mweye. Muilumbe goya na mugese dimoja na mulonde kinhu kimoja.

1 Wakolinto 15:58

Avo, ndugu zangu oniwanogela, gangamaleni. Siku zose muhunganike kumsang'hanila Mndewa, kwavija kuduhu kinhu chonda mutende mwiisang'hano ya Mndewa chonda chage bule.

2 Wakolinto 13:11

Avo ndugu zangu, nowalaga! Wambeni kukala mutelele, gogeni mbuli zangu, muilumbe, kaleni moyo hole. Nayo Imulungu wa unogelwa na tindiwalo kokuwa hamoja na mweye.

2 Wakolinto 4:4

Hawatogola kwavija Mwenembago, imulungu wa isi ino kazigela nzewele zao mdiziza, ili sikuwawone mulenge wa Mbuli Inogile ya ukulu wa Kilisito, yaigalile na Imulungu kwa kila kinhu.

2 Wakolinto 9:13

Kwa mbuli zinogile zilagusigwa kwa sang'hano yenu ino, wanhu bwando omgwaa nhogolwa Imulungu mbuli ya kuigoga kwenu Mbuli Inogile ya Kilisito yumuitogola, na mizoyo yenu inogile ya kulava vinhu venu kumwao na kwa wanhu wose wayagwe.

Wagalatia 1:7

Kulonga ukweli kuduhu mbuli iyagwe inogile. Nolonga vino, kwavija kuna wanhu wayagwe owading'hula na olonda kuigalusa Mbuli Inogile ya Kilisito.

Waefeso 1:13

Na mweye vivija muhulike usenga wa kweli wa Mbuli Inogile iwagalile ukombola, na mumtogola Kilisito. Na vivija Imulungu kawekila kinhu cha kulagusa kwa kuwagwaa Loho Yang'alile iyalongile kulagusa mwa wanhu zake, kwa kuilumba na Kilisito.

Waefeso 1:15

Kwa mbuli ayo, toka vinihulike mbuli ya kumtamanila kwenu Mndewa Yesu, na unogelwa wenu kwa wanhu wose wa Imulungu,

Waefeso 4:1

Avo, niye nili mfungwa kwavija nomsang'hanila Mndewa, nowapula mukale kamba Imulungu viyawakemile.

Wafilipi 1:5

kwavija mweye muilumba na niye muisang'hano ya kubwililisa Mbuli Inogile kulawa haichanduso mbaka sambi.

Wafilipi 2:12

Mbwiga zangu siku zose vinikalile na mweye munitegeleza, na hata sambi nakutali na mweye wambeni kunitegeleza. Kwa bwembwe na kugwaya sang'haneni ili ukombola wenu utelele,

Wafilipi 2:24

Avo, nomtamanila Mndewa kuwa niye mwenyego sikawa kwiza kumwenu.

Wafilipi 3:18

Kwavija miyanza mingi niwalongela mbuli ino, na sambi nowalongela kabili kwa mahozi kuwa, wanhu bwando okala kamba waihila na usenga wa kufa kwa Kilisito mumsalaba.

Wafilipi 3:20

Lakini siye twa wenekae wa kuulanga, na tombeta kwa kusulukila Mkombola wetu Mndewa Yesu Kilisito, yeze kulawa kuulanga.

Wafilipi 4:1

Ndugu zangu waniwanogele ng'hani, nolonda ng'hani kuwona, mweye munhenda ndeng'helele na kuigoda mbuli ya mweye! Avo ndugu zangu, gangamaleni kwa kuilumba na Mndewa.

Wakolosai 1:10

Na tompula Imulungu ili mukale viyolonda Mndewa na mumnogeze, muugima wenu mutende ganogile, mugendelele kumjuwa Imulungu.

Wakolosai 1:4

kwavija tuhulika vimumtamanila Yesu Kilisito na tuhulika unogelwa wenu mulinao kwa wanhu wose wa Imulungu.

1 Wasesalonike 3:6

Sambi Timoseo kabwela, katugalila mbuli zinogile za tamanilo jenu na unogelwa wenu. Katulongela motugesa vinogile siku zose na molonda kutona kamba siye vitulonda kuwona mweye.

1 Wasesalonike 4:1

Lelo, ndugu zangu, muifunza kulawa kumwetu vija vimulondigwa kumnogeza Imulungu na vivo vimukala. Na sambi towamba kuwapula kwa twaga da Mndewa Yesu mutende vinogile kubanza aho.

1 Timoseo 1:11

Mafundizo gago golawa mna Imbuli Inogile ya Imulungu mkulu, yeli na kila kinhu yanigwelele niye niwapetele wanhu.

1 Timoseo 1:19

na goga kutamanila kwako na moyo wako uleka kukutagusa kamba kubananga. Wanhu wayagwe wagaleka higo na wabananga kutamanila kwao.

2 Timoseo 4:7

Niye niwamba mna ing'hondo, niumambukiza mwanza wangu na nigogeleza goya kutamanila.

Tito 2:10

hebu kuwebila vinhu vao, lakini walaguse wanoga na kutamaniligwa kwa sang'hano zao zose, ili mafundizo ga Imulungu Mkombola wetu gagweleligwe nhogolwa na wanhu.

Filimoni 1:5

kwavija nohulika unogelwa wako kwa wanhu wose wa Imulungu na tamanilo diulinajo kwa Mndewa Yesu.

Yakobo 3:18

Wanhu onogelwa kuwatenda wanhu wakale goya ohanda mbeyu ya tindiwalo na osenga ganogile.

2 Petulo 3:11

Kwavija kila kinhu chonangigwa, avo mweye molondigwa muwe wanhu gani? Molondigwa mukale kwa kung'ala na kumtegeleza Imulungu,

2 Petulo 3:14

Avo ndugu zangu, kwavija mobetela vinhu avo, wambeni ng'hani sikumoneke na chochose kihile, hebu kitala chochose mgameso ga Imulungu na muwe na tindiwalo kumwake.

Yuda 1:3

Mbwiga zangu, niwamba ng'hani kuwandikila mbuli ya ukombola wetu siye wose, nilondigwa kuwandikila ili niwagele moyo ili mugendelele kuwamba mna ditamanilo, diwagweleligwa wanhu wa Imulungu, mwanza umoja kwa kipindi chose.