Waefeso 5:4 - Biblia Kikutu

⁴ Sikumulonge mbuli zigela kinyala hebu mbuli za ubozi hebu utalazi wa maligo, gose gago haganogile kumwenu. Lakini mbuli za kumgwaa nhogolwa Imulungu azo zinogile.

Waefeso 5:4 ပူးပေါင်းရင်းမြစ်များ

Wakolosai 3:8

Lakini sambi molondigwa kuzileka mbuli zose zino, kugevuzika, ludoko, kuwagesela wanhu gehile. Maligo hebu mbuli za chaka chaka sikuvilawe mmilomo yenu.

Waefeso 4:29

Sikumulosoke, lakini mulonge mbuli zinogile, za kuwataza wanhu, ili mbuli zimulonga ziwataze kamba viilondigwa kwa awo ozihulika.

1 Wasesalonike 5:18

mumgwee nhogolwa Imulungu kwa mbuli zose. Vino avo viyolonda Imulungu kumwenu muugima wenu kwa kuilumba na Yesu Kilisito.

Nongezi 15:2

Lulimi lwa munhu yeli na ubala lolonga goya mbuli za kutanga vinhu, lakini kulawa mmulomo wa munhu mbozi kokwita ubozi.

2 Petulo 2:18

Olonga mbuli za kuitapa na za kibozi, kwa kusulukila kwihile kwa ng'huli, owahonza wanhu waja wasongile kuinega na waja okala kwa kutenda gehile.

Waebulania 13:15

Avo kubitila Yesu, siku zose tumulavile Imulungu nhosa ya nhogolwa. Mbuli azo za kumtogola azo nhosa zetu aho twahalonga kamba Yesu ayo Mndewa.

Wafilipi 4:6

Sikumunyawenyawe kwa kinhu chochose, ila mpuleni Imulungu kwa kinhu chochose, na gaja gomulonda kuno momgwaa nhogolwa.

Yuda 1:10

Lakini wanhu wano oliga kinhu chochose hawakijuwile, obanangwa kwa mbuli zizija ziwajuwile kwa nzewele zao, kamba wanyama viwojuwa kwa nzewele zao.

2 Wakolinto 9:15

Tumgwee nhogolwa Imulungu mbuli ya nhunza yake iswelile ulonzi wa kuisimulila!

Maluko 7:22

na ugoni na umelo na gehile na uvizi na kusulukila na migongo na maligo na kuitapa na ubozi.

Zabuli 92:1

Vinoga kumshukulu Mndewa Imulungu, na kudimbila nhogolwa twaga jako, gweye ukalaga Uchanha Ng'hani,

Yuda 1:13

Wanhu awo waigala na ng'humbi ng'hulu ya bahali, na sang'hano zao zogela kinyala kamba mihovu. Wao waigala na nhondo zitanga tanga zikigwe hanhu aho hali na ziza kulu da milele.

2 Wakolinto 1:11

mweye mwahatutaza kutupulila kwa Imulungu. Vinhu bwando vinogile vitupatile kwa wanhu bwando kutupulila, votenda wanhu bwando wamgwee nhogolwa Imulungu wetu.

Walumi 1:28

Kwavija wanhu awo walema kumjuwa Imulungu kwa nzewele zao, Imulungu nayo kawaleka wakweleleze nzewele zao zihile, nao wasang'hana mbuli zigomesigwe kusang'hanwa.

Nongezi 12:23

Munhu mbala halagusa kutanga kwake vinhu, lakini wabozi olonga ubozi wao.

2 Petulo 2:7

Kamuhonya Lutu munhu yanogile, yanyunyuwale kwa gehile gasang'hanigwe na wanhu awo wehile,

Zabuli 33:1

Mwimbileni Mndewa Imulungu kwa deng'ho, mweye iwanhu wene haki. Kumtogola Imulungu kowafaya iwanhu wene imizoyo inogile.

Filimoni 1:8

Kwa kilamuso kino, niye kamba ndugu yako kwa kuilumba na Kilisito nahadahile kukulagiza bila kudumba utende kiulondigwa kusang'hana,

1 Wasesalonike 3:9

Sambi todaha kumgwaa Imulungu wetu nhogolwa mbuli ya mweye. Tomgwaa nhogolwa kwa ndeng'helelo tulinayo haulongozi wake mbuli ya mweye.

Waefeso 1:16

silekile bule kumgwaa nhogolwa Imulungu mbuli ya mweye. Nahampula Imulungu siwasemwa mweye bule.

Yohana 6:23

Ngalawa ziyagwe zilawile Tibelia zivika mbaka behi na hanhu hawadile magate Mndewa viyamambukize kumgwaa nhogolwa Imulungu.

Nongezi 26:19

vivo viili kwa munhu yomvizila miyage, labaho kolonga, “Ng'hala nokugeweza tu!”