Waefeso 5:3 - Biblia Kikutu

³ Kwavija mweye mwa wanhu wa Imulungu, mbuli ya ugoni, uchafu wowose hebu ugila, sikuvilongigwe kumwenu.

Waefeso 5:3 ပူးပေါင်းရင်းမြစ်များ

Zabuli 10:3

Munhu yehile koigodela kusulukila mmoyo wake, munhu mmelo komduwila na komuliga Mndewa Imulungu.

Zabuli 119:36

Ubidule moyo wangu ukweleleze amuli zako, na sikunilonde uzulumati.

Kulawa 18:21

Vivija usagule iwanhu odaha mna iwanhu, wanhu otamaniligwa na omdumba Imulungu na hawatogola kuhongigwa, ili wawe vilongozi wa wanhu mna ivibumbila va wanhu elufu na wanhu gana na wanhu malongo matano na wanhu longo.

Kulawa 20:17

“Sikuuisulukile ng'anda ya miyago, sikuumsulukile mwehe wa miyago hebu mtumwa wake wa kimbigalo hebu wa kitwanzi hebu ng'ombe wake hebu kihongwe wake hebu kinhu chochose kiyelinacho.”

Kulawa 23:13

“Uzigoge mbuli zose zinikulongele, sikumupule kwa milungu yoyose iyagwe, na hata sikumugatambule matwaga gao mmilomo yenu.

Nongezi 28:16

Mtawala hatanga goya kowavizila wanhu, lakini yolema vinhu va uvizi kotawala kwa kipindi kitali.

Walawi 15:18

Kamba mbigalo yahawasa na mtwanzi, na kalava chelesi baho wose wabili wakoge na okuwa na wafita mbaka ichungulo.

Kupetigwa 25:1

Avo Waizilaeli viwakalile okala ako Shitimu, iwambigalo wasonga kuwasa na iwatwanzi wa Moabu.

Matayo 15:19

Kwavija muumoyo wa munhu, mumo mulawa magesa gehile, ubavi, ukomaji, ugoni, kuwalonga wayagwe vihile, uvizi na nzambi.

Luka 12:15

Abaho kagendelela kuwalongela wose, “Muiteganye na ugila! Kwavija ugima wa munhu hautamanila wingi wa vinhu viyelinavo.”

Luka 16:14

Mafalisayo viwazihulike mbuli zino zose, wamzeha Yesu, kwavija wakala onogelwa na sente.

Sang'hano 15:20

Lakini tuwandikile baluwa kuwalongela waleke kuja ndiya haifaya ilavigwe nhosa kwa vinyago va imilungu, ili kuwagomesa sikuwatende ugoni, waleke kuja mnyama yabotigwe hebu kung'wa damu.

Sang'hano 20:33

Silondile sente hebu zahabu hebu viwalo va munhu yoyose.

Walumi 1:29

Wanhu wano wamema gose gehile, kwiha na umelo na ogevuza wayagwe. Wamema migongo na ukomaji na ndwagi na uvizi na magesa gehile. Olonga wayao,

Walumi 16:2

Nowapula mumbokele kwa twaga da Mndewa, kamba viilondigwa kwa wanhu wa Imulungu, mumtaze kila kinhu kiyolonda kulawa kumwenu, kwavija kawataza wanhu wengi na vivija kumwangu niye.

Walumi 6:13

Vivija sikumulave hata hanhu hadodo ha maungo genu kwa nzambi. Lakini muilave wenyego kwa Imulungu, kamba wanhu wazilibuke kwa wafile, na muilave wenyego kumwake kwa gaja goyolonda.

1 Wakolinto 10:8

Sikututende ugoni kamba viwatendile wayagwe, siku dimoja wafa wanhu elufu ishilini na ndatu.

1 Wakolinto 5:1

Avo lelo, kuna mbuli zilongigwa kamba kumwenu mweye kuna wanhu otenda ugoni, na vivija uchafu hauna koneka hata kwa wamhazi. Nilongeligwa munhu kowasa na mamake wa kuvikila!

1 Wakolinto 6:13

Munhu iyagwe kolonga, “Ndiya kwa mbuli ya inda, na inda kwa mbuli ya ndiya.” Ona, lakini Imulungu kovibananga vose vibili. Lukuli lwa munhu siyo kwa mbuli ya ugoni, lakini kwa mbuli ya kumsang'hanila Mndewa, nayo mndewa ayo yowika goya lukuli.

1 Wakolinto 6:18

Avo muinege ng'hani na ugoni. Kwavija nzambi ziyagwe zitendigwa na munhu haziubananga lukuli, lakini munhu yotenda ugoni kolutendela nzambi lukuli lwake mwenyego.

2 Wakolinto 12:21

Nodumba naheza kumwenu kabili, Imulungu wangu konhenda niwe muhole mgameso genu, nowalilila wanhu bwando watendile nzambi aho haichanduso, lakini hawalekile uchafu wao, kusulukila kwihile na ugoni.

Waefeso 5:12

Mbuli zitendigwa kwa kinyelegezi, zogela kinyala kuzilonga.

Waefeso 5:5

Mujuwe goya, munhu yotenda ugoni, hebu mchafu hebu msede, ugila uigala na kuvitambikila vinyago. Wanhu otenda mbuli azo honda wawe na fungu Muundewa wa Kilisito na wa Imulungu.

Wafilipi 1:27

Avo kinhu kilondigwa hano mbuli zenu ziigale kamba viilonda mbuli inogile ya Kilisito, kamba nahadaha kwiza kuwalola hebu nahawahulika, nojuwa kuwa mose mogangamala hamoja kwa loho imoja na kudigombela hamoja tamanilo dilawa kwa Mbuli Inogile.

Wakolosai 3:5

Avo kikomeni chochose cha mwiisi kili mgati mmwenu, ugoni na gehile na kusulukila kutenda ugoni na kugesa gehile na kusulukila kuwa na vinhu vingi nako ako kutambikila minyago.

1 Wasesalonike 4:3

Imulungu kolonda muwe wanhu wang'alile na sikumutende ugoni.

1 Wasesalonike 4:7

Imulungu hatukemile bule tukale muugoni, ila tung'ale.

1 Timoseo 2:10

lakini kwa sang'hano zinogile, kamba viilondigwa kwa watwanzi omtambikila Imulungu.

1 Timoseo 3:3

Sikuyakoligwe hebu ndwagi, lakini yawe muhole na kukala moyo hole na wanhu, kolondigwa sikuyazinogele sente.

1 Timoseo 6:10

Kwavija kuzinogela sente ng'hani acho chanduso cha nzambi zose. Wanhu wayagwe wasulukila ng'hani kupata sente mbaka wapotela kutali na tamanilo na mizoyo yao imema kunyunyuwala ng'hani.

2 Timoseo 3:2

Wanhu okuwa na gahigahi, okuwa na magoda, oitapa, ozinogela sente, omuliga Imulungu, honda wawategeleze tata zao na mama zao, wabule asente, hawamgesa Imulungu.

Tito 1:11

Olondigwa wanyamale kulonga, kwavija owading'hula wanhu mzing'anda kwa kuwafundiza mbuli hazilondeke kufundizigwa, otenda vivo ili wapate sente.

Tito 1:7

Kwavija kilongozi wa kibumbila cha wanhu wamtogole Yesu koilola goya sang'hano ya Imulungu kolondigwa yawe munhu halongigwa vihile na wanhu, sikuyaitape, sikuyagevuzike himahima, sikuyakoligwe, sikuyakomhoke na sikuyasulukile kupata vinhu kwa nzila ihile.

Tito 2:3

Vivija walongele watwanzi wavele wakale ugima wa kung'ala, sikuwawalonge vihile wanhu hebu kuwa watumwa wa ugimbi. Olondigwa kufundiza mbuli zinogile,

Waebulania 12:16

Sikumutogole munhu yawe mgoni hebu hamdumba Imulungu kamba Esau ija yachuuze haki yake ya kuwa mwana chaudele kwa ndiya ya mwanza umoja.

Yoshua 7:21

vinyonile kiwalo kinogile mna ivinhu avo kulawa ako Shinali, na sente magana mabili na kibimhi cha zahabu kili na uzito wa nusu kilo, nivisulukila na nivisola. Nivifisa nivihimbila hasi ya kibanda changu na zisente za hasi ya ivinhu avo.”

1 Petulo 5:2

mdisusile bumbila da Imulungu dili mmakono genu, mdilolese goya, siyo kwa kunanahizigwa lakini kwa kulonda wenyego, kamba Imulungu viyolonda. Sikumusulukile sente, lakini muwambe kusang'hana.

2 Petulo 2:10

Ng'hani ng'hani wanhu waja okweleleza vizisulukila ng'huli zao na oubeza udahi wa Imulungu. Wanhu awo wavizi na oitapa, hawadumba kuviliga vinhu ving'ala viumbigwe vili ako kuulanga.

2 Petulo 2:14

Meso gao gamema ugoni, na hawaleka kutenda nzambi. Owalongoza wanhu wanyolile mbaka kuna imitego ya gehile, magalu wa kusulukila vinhu, wagakalila makungu ga Imulungu.

2 Petulo 2:3

Kwa kusulukila kwao kwihile opata vinhu kwa kuwafundiza mbuli za uvizi. Nhaguso yao yabaho toka mwaka na heyo yowabananga kameso.

Ugubulo 2:14

Lakini ning'hali na mbuli ndodo kumwako, kuna wanhu kumwako okweleleza mafundizo ga Balaamu, yamfundize Balaki yawekile ng'hwalo wanhu wa Izilaeli watende nzambi kwa kuwasusumiza waje ndiya ilavigwe kwa vinyago va imilungu na watende ugoni.

Ugubulo 2:21

Nimgwaa kipindi cha kuleka nzambi zake, lakini halonda kuleka ugoni wake.

Ugubulo 21:8

Lakini wanhu odumba na oleka kutogola na wanhu otenda mbuli zigevuza na wakomaji na wagoni na wahawi na wanhu ovitambikila vinyago na wavizi, wose hanhu hao kudilamba da moto na mabwe gokwaka, ayo iyo ifa ya kabili.”

Ugubulo 22:15

Lakini kunze ya buga dijo kuna wanhu ogevuza na wahawi na wakomaji na wagoni na wanhu ovitambikila vinyago na wanhu onogelwa kulonga uvizi.

Ugubulo 9:21

Hawalekile ukomaji wao na uhawi na ugoni na ubavi.

1 Samweli 8:3

Lakini iwana hawakweleleze nzila za tatao ila walonda kupata vinhu, watogola kubokela hongo na waigalusa haki.