Waefeso 5:2 - Biblia Kikutu

² Ugima wenu ulongozigwe na unogelwa, kamba Kilisito viyatunogele na mbuli yetu kailava mwenyego kamba nhunza inung'hila goya na nhosa imnogela Imulungu.

Waefeso 5:2 ပူးပေါင်းရင်းမြစ်များ

Mwanduso 8:21

Kunung'hila goya kwa nhosa kumnogeza Mndewa Imulungu, na heyo kailongela mwenyego, “Honda niiduwile isi kabili mbuli gaja gowotenda wanhu, nojuwa kulawa kipindi viwakalile wabwanga magesa gao geha. Sibwelela ng'o! kabili kuvibananga vinhu vose vili na ugima kamba vinhendile.

Kulawa 29:18

Abaho umsome ng'hondolo wose uchanha ya uupango, ili undavile niye nhosa ya kusoma moto. Mnung'ho wa nhosa ayo oninogeza niye Mndewa Imulungu.

Kulawa 29:25

Abaho uvisole mmakono gao uvisome moto muupango wa kulavila nhosa hamoja na ija inhosa ya kusoma moto, ili vinung'hile goya na kuninogeza niye Mndewa Imulungu. Ino ayo nhosa ilavagwa kwa moto.

Walawi 1:13

Munhu ayo yasunhe kwa mazi ivinhu va mgati va imnyama na imigong'ho, na mulava nhosa yamsome kwa moto imnyama wose muupango wa kulavila nhosa. Nhosa ayo ya kusoma moto yolava mnung'ho umnogeza Mndewa Imulungu.

Walawi 1:17

Abaho yamgoge gamabawa na yambalule mna imhambaga, abaho yamsome kwa moto uli muupango wa kulavila nhosa. Nhosa ayo ya kusoma moto yolava mnung'ho umnogeza Mndewa Imulungu.

Walawi 1:9

Munhu ayo yasunhe kwa mazi ivinhu va mgati va ing'ombe na imigong'ho, na mulava nhosa yamsome kwa moto ing'ombe wose muupango wa kulavila nhosa. Nhosa ayo ya kusoma moto yolava mnung'ho umnogeza Mndewa Imulungu.

Walawi 3:16

Mulava nhosa yavisome moto vinhu avo vose muupango wa kulavila nhosa kamba nhosa ilavagwa kwa moto, nhosa ayo yolava mnung'ho umnogeza Mndewa Imulungu. Mavuta gose ga imnyama mwenyego Mndewa.

Kupetigwa 7:21

bofu bigalo da ng'ombe, ng'hondolo wa kimbigalo imoja na mwana ng'hondolo wa kimbigalo yeli na mwaka umoja, mbuli ya nhosa ya kusoma moto,

Matayo 20:28

Kamba vija Mwana wa Munhu, hezile kusang'hanilwa, lakini keza kuwasang'hanila na kuulava ugima wake kwa kuwakombola wanhu wengi.”

Yohana 13:34

Nowagweleleni lagizo da sambi, Muinogele. Kamba niye viniwanogele, na mweye muinogele vivo.

Yohana 6:51

Niye ayo ndiya igala ugima ihumuluke kuulanga. Munhu yoyose yoija ndiya ino, kokuwa mgima siku zose. Ndiya yonda nimgwee munhu ayo awo lukuli lwangu, awo uniwagwelela wanhu wa mwiisi ili wawe wagima.”

Walumi 15:16

ya kuwa mtumigwa wa Yesu Kilisito kwa kuwasang'hanila wanhu haweli Wayahudi. Nosang'hana kamba mulava nhosa kwa kuwapetela wanhu Mbuli Inogile ilawa kwa Imulungu, ili wanhu haweli Wayahudi wawe nhosa itogoligwa kwa Imulungu, itendigwe ing'ale kubitila Loho Yang'alile.

Walumi 4:25

Heyo kalavigwa yafe kwa nzambi zetu, abaho kazilibuka ili Imulungu yatutende tunoge mgameso gake.

Walumi 8:3

Kija hakidahike kutendigwa na Malagizo ga Musa mbuli ya kunyolila kwa unhu wa wanhu, Imulungu kasang'hana kwa kumtuma Mwanage mwenyego, yezile mulukuli luigalile na ng'huli zetu siye wene nzambi. Avo kazitagusa nzambi zili mulukuli lulo.

Walumi 8:37

Bule, mzimbuli zose zino tuhuma ng'hani kubitila heyo yotunogela siye!

1 Wakolinto 16:14

Sang'hano zenu zose muzitende kwa unogelwa.

1 Wakolinto 5:7

Avo isunheni, mulave hamila ya umwaka ya nzambi ili muwe bonge da sambi dilibule hamila, kamba vimulondigwa kuwa. Kwavija Yesu Kilisito ayo mwana ng'hondolo wa Pasaka yetu, kalavigwa nhosa.

2 Wakolinto 2:14

Lakini, Imulungu yagweleligwe nhogolwa, yotulongoza mna ikibumbila cha kudeng'helela kuhuma kubitila Kilisito na kubitila siye topwililisa kila hanhu usenga wa Kilisito kamba mnung'ho.

2 Wakolinto 2:15

Kwavija siye tuigala na mnung'ho unogile wa ubani ulavigwe na Kilisito kwa Imulungu, ukwenela kwa wanhu wose okomboligwa na waja opotela.

2 Wakolinto 8:9

Kwavija muijuwa ng'hekewa ya Mndewa wetu Yesu Kilisito, hamoja kakala na kila kinhu, lakini kaitenda mkiwa mbuli yenu mweye, ili kubitila ukiwa wake mweye muwe na kila kinhu.

Wagalatia 1:4

Kwa kutegeleza viyolonda Tataetu Imulungu, Kilisito kailava mwenyego kwa nzambi zetu, ili yatukombole na nzambi za wanhu wa lukolo luno lwa sambi.

Wagalatia 2:20

Sambi namgima, lakini sili niye kabili ila Kilisito yokala mgati mmwangu. Sambi nokala kwa kumtamanila Mwana wa Imulungu, yaninogele niye, na kaulava ugima wake mbuli ya niye.

Waefeso 1:4

Avo isi ing'hali hainalumbigwa, Imulungu katusagula siye kwa kuilumba na Kilisito, ili tung'ale na sikutuwe na nzambi mgameso gake. Mbuli ya unogelwa wake,

Waefeso 3:17

nayo Kilisito yakale mmizoyo yenu kwa kumtamanila kwenu. Nopula muwe na mizizi na chandusilo mna ukuinogela,

Waefeso 3:19

Ona, muujuwe unogelwa wa Kilisito ubanzile nzewele zose, na mumemezigwe utimilifu wose wa Imulungu.

Waefeso 4:15

Lakini twahalonga ukweli kwa moyo wa unogelwa, tokula mzimbuli zose kwa Kilisito, yeli mkulu.

Waefeso 4:2

Siku zose muwe wahole na moyo unogile, muinogele kwa kufunga umoyo.

Waefeso 5:15

Avo, muiteganye vija vimukala. Sikumukale kamba wanhu wabozi, lakini kaleni kamba wanhu weli na nzewele.

Waefeso 5:25

Na mweye wakasano, wanogeleni wehe zenu kamba vija Kilisito viyawanogele wanhu wamtogole, na kailava mwenyego mbuli yao.

Kumbukumbu 27:6

Ona, upango wowose onda mumzengele Mndewa Imulungu, Imulungu wenu uzengigwe kwa mabwe hagasongoligwe. Uchanha ya upango awo mmulavile Mndewa Imulungu, Imulungu wenu nhosa za kusoma moto.

Wafilipi 4:18

Sambi mbokela vinhu vose vimungwelele na mbokela kubanza vija vinondile! Sambi nina kila kinhu kwavija Epafuladito kangalila nhunza zenu. Nhunza zino ziigala na nhosa imnug'hila goya Imulungu, nhosa yoitogola na imnogela.

Wakolosai 3:14

Mna igano gose mwengeze unogelwa, kwavija unogelwa ovitenda vinhu vose vino kuilumba goya hamoja.

1 Wasesalonike 4:9

Hailondigwa kuwandikila mbuli ya kuwanogela waenu wamtogole Kilisito. Mweye wenyego mufunzigwa na Imulungu vija vimulondigwa kuinogela.

1 Timoseo 2:6

yailavile mwenyego kutenda wanhu wose wakomboligwe, mbuli ino ayo iyalaguse Imulungu mna ikipindi kinogile.

1 Timoseo 4:12

Sikuutogole munhu yakubeze kwavija gweye kwa mbwanga, lakini uwe kilaguso kwa wanhu wamtogole Yesu, kwa ulonzi wako na sang'hano zako na unogelwa wako na kutamanila kwako na ugima unogile.

Tito 2:14

Yesu kailava mwenyego mbuli yetu ili yatulekese kulawa mna izinzambi na kututenda wanhu wanogile weli wake mwenyego, wanhu osulukila kutenda ganogile.

Waebulania 8:3

Mulava nhosa mkulu yoyose kasaguligwa kumulavila nhunza na nhosa Imulungu, avo Mulava nhosa wetu Mkulu vivija kolondigwa yawe na kinhu cha kulava.

Waebulania 9:14

Lakini, Kilisito kailava mwenyego kwa Imulungu kamba nhosa inogile kwa nguvu ya Loho wa Imulungu yokala siku zose. Avo, damu yake yosunha mizoyo yetu vinogile ng'hani na kututenda tumsang'hanile Imulungu yeli mgima.

Waebulania 9:23

Vinhu vino va hano ni kilaguso cha vinhu va ukweli va kuulanga, navo vilondigwa kusunhigwa kwa damu, lakini vinhu va kuulanga venyego volonda nhosa inogile ng'hani.

Waebulania 9:26

kwavija yahalondeke kugaya miyanza mingi toka kulumbigwa kwa isi. Lakini ukweli kipindi cha mmabehi na kuuhelelo, kalawilila mwanza umoja mbuli ya wose, kusegesa nzambi za wanhu kwa kuilava nhosa mwenyego.

1 Petulo 4:8

Kubanza mbuli zose, muinogele kwa mizoyo yenu yose, kwavija kuinogela kogubika nzambi nyingi.

1 Yohana 3:16

Vino avo vitujuwa unogelwa viwili, Kilisito kaulava ugima wake mbuli ya siye. Vivija na siye tuulave ugima wetu mbuli ya ndugu zetu!

1 Yohana 3:23

Lagizo jake dijo dino, tumtogole Mwanage Yesu Kilisito, na tuinogele wenyego kamba viyatulagize.

Ugubulo 1:5

na kulawa kwa Yesu Kilisito yotamaniligwa, yogubula ukweli wa mbuli ya Imulungu, yeli wa ichanduso kuzilibuka kwa wafile, vivija ayo yowatawala wandewa wa mwiisi. Yesu kotunogela, na kwa damu yake katulekesa na nzambi,

Ugubulo 5:9

Wemba lwila lwa sambi, “Kofaya kukisola ikitabu na kuzibandula zifundo zake za uhota. Kwavija kukala uchinjigwe, na kwa damu yako kumgulila wanhu Imulungu, kulawa kila kabila na ulonzi na isi na lukolo.