Waefeso 4:9 - Biblia Kikutu

⁹ Vino yahalonga, “kachola uchanha” kofambula choni? Kofambula kuwa tanhu kahumuluka mbaka hasi ng'hani ya isi.

Waefeso 4:9 ပူးပေါင်းရင်းမြစ်များ

Mwanduso 11:5

Abaho Mndewa Imulungu kahumuluka hasi yalole dibuga na dilingo diwakalile ozenga wanhu awo.

Zabuli 139:15

Lukuli lwangu lwabule kifiso kumwako, nilumbigwa hanhu hakifiso, nilumbigwa kwa ufundi mwiinda ya mamangu.

Zabuli 63:9

Lakini wose olonda kunikoma niye, odumbukila hasi mdisimo da ifa.

Zabuli 8:5

Kumtenda mdodo kubanza iwasenga wa kuulanga, na kumvaza ukulu na nhogolwa.

Kulawa 19:20

Mndewa Imulungu kahumuluka kulugongo lwa Sinai, kamkema Musa kuna inhembeti ya ulugongo. Nayo Musa kakwela uchanha.

Nongezi 30:4

Nani yakwelile kuulanga na kahulumuka hasi? Nani yagogile beho mumkono? Nani yafungile mazi mkitambala? Nani yekile mbaka zose mwiisi? Twaga jake nani? Twaga da mwanage nani? Nilongele kamba koditanga.

Matayo 12:40

Kamba vija Yona viyakalile siku ndatu imisi na ikilo mna iinda ya somba mkulu, vivo ili kwa Mwana wa Munhu kokala siku ndatu imisi na ikilo hasi ya isi.

Yohana 20:17

Yesu kamulongela, “Sikuungoge kwavija ning'hali sinachola kwa Tata kuulanga. Lakini genda kwa ndugu zangu ukawalongele nochola kwa Tatangu vivija Tata yenu, Imulungu wangu vivija Imulungu wenu.”

Yohana 3:13

Kuduhu munhu yoyose yacholile kuulanga ila Mwana wa Munhu, yezile kulawa kuko.”

Yohana 6:33

Ndiya iyowagwaa Imulungu ayo heyo yezile hasi kulawa kuulanga na kowagwaa ugima wanhu wa mwiisi.”

Yohana 6:38

kwavija sizile hasi kulawa kuulanga kutenda gaja gonilonda lakini goyolonda Tata yanhumile.

Yohana 6:41

Avo, Wayahudi wasonga kumnung'unikila Yesu kwavija kalonga, “Niye ayo ndiya ihumuluke kuulanga.”

Yohana 6:51

Niye ayo ndiya igala ugima ihumuluke kuulanga. Munhu yoyose yoija ndiya ino, kokuwa mgima siku zose. Ndiya yonda nimgwee munhu ayo awo lukuli lwangu, awo uniwagwelela wanhu wa mwiisi ili wawe wagima.”

Yohana 6:58

Ino ayo ndiya ihumuluke kuulanga, haiigalile na ndiga ija iwadile wahenga zenu, abaho wafa. Lakini yoyose yoija ndiya ino kokuwa mgima siku zose.”

Yohana 6:62

Vino yokuwaze, mwahamona Mwana wa Munhu kobwela uchanha kuja kuyakalile ichanduso?

Yohana 8:14

Yesu kawedika, “Aka, hata kamba nahaisindila mwenyego, gaja gonilonga gaukweli kwavija nikujuwa kundawile na kuja kunichola. Mweye hamukujuwile kuja kundawile hebu kuja kunichola.

Waebulania 2:7

Kwa kipindi kidodo kumtenda yawe munhu mdodo kubanza wasenga wa kuulanga, kumgwaa taji ya ukulu na kutegelezigwa,

Waebulania 2:9

Lakini tomona Yesu yatendigwe munhu mdodo kubanza wasenga wa kuulanga kwa kipindi kidodo, ili mbuli ya ng'hekewa ya Imulungu kumwetu Yesu kafa mbuli ya wanhu wose. Sambi tomona kavazigwa taji ya ukulu na kutegelezigwa mbuli ya kugaya kwake mbaka kufa.