Waefeso 4:2 - Biblia Kikutu

² Siku zose muwe wahole na moyo unogile, muinogele kwa kufunga umoyo.

Waefeso 4:2 ပူးပေါင်းရင်းမြစ်များ

Zabuli 138:6

Hamoja Mndewa Imulungu ka uchanha, komulola goya munhu yabwezigwe hasi, lakini komtanga munhu yoitapa kulawa kutali.

Zabuli 45:4

Muukulu wako gendelela kwa kuhuma, mbuli ya kweli na uhole na haki, mkono wako wa ukudila ulaguse mbuli ng'hulu.

Nongezi 16:19

Vinoga kuwa muhole hamoja na wakiwa, kubanza kuigolela vinhu va ubokaji hamoja na weli na kibuli.

Nongezi 3:34

Heyo kowabezeli weli na bezi, lakini kowagwaa ng'hekewa waja oibwanha hasi.

Kupetigwa 12:3

Musa kakala muhole ng'hani, kubanza iwanhu wose wayagwe wakalile mwiisi.

Matayo 11:29

Soleni nila yangu muifunze kumwangu, kwavija niye simgaza munhu hebu kumbezeli, na mweye mokala mizoyo iholile.

Maluko 9:19

Yesu kawalongela, “Mweye wanhu muleka kutamanila! Ng'hale na mweye mbaka lini? Nogela kitumbe kumgongo mbaka lini? Ngalileni hano imbwanga.”

Sang'hano 20:19

Mujuwa vinimsang'hanile Mndewa kwa uhole na mahozi na magayo ganipatile mbuli ya viseto vihile va Wayahudi wayagwe.

Walumi 15:1

Siye tumtamanila Imulungu kwa nguvu tuwataze waetu omtamanila Imulungu kwa kunyolila ili wadahe kufunga umoyo mna ukunyolila kwao. Sikututende gaja gotunogela siye twiiyeka.

1 Wakolinto 13:7

Yeli na unogelwa habwela kuchugu, kotamaniligwa na kotamanila gose na kogangamala.

Wagalatia 6:2

Muitaze mna gamagayo, kwa kutenda avo mogagoga malagizo ga Kilisito.

Waefeso 1:4

Avo isi ing'hali hainalumbigwa, Imulungu katusagula siye kwa kuilumba na Kilisito, ili tung'ale na sikutuwe na nzambi mgameso gake. Mbuli ya unogelwa wake,

Wakolosai 1:11

Imulungu yawagangamize kwa udahi wake mkulu ili mubetele kila kinhu kwa kufunga umoyo na kudeng'helela,

1 Timoseo 6:11

Lakini gweye munhu wa Imulungu, vigwale vinhu vose avo. Goga kutenda goyolonda Imulungu, kumgwaa ukulu Imulungu, kutamanila, unogelwa, kubetela kwa kufunga umoyo na uhole.

2 Timoseo 2:25

Uwe muhole wahawalanguliza wanhu okulema gweye, sengine Imulungu kowatenda wambwelele na kuujuwa ukweli.

Yakobo 1:21

Avo lekeni gehile na ganyolodoke gose, muibokele kwa uhole imbuli ihandigwe mmizoyo yenu, imbuli idaha kuwakombola.

1 Petulo 3:15

Lakini mumgwee ukulu Kilisito kamba Mndewa mmizoyo yenu. Siku zose muitande kumwidika munhu yoyose yowauza kilamuso cha tamanilo jenu dimulinajo.

1 Petulo 3:8

Kukimambukizo, mweye mose muwe na moyo umoja na mugese dimoja, molondigwa muinogele kamba ndugu, muyonele bazi na muitonge wenyego.