Waefeso 2:1 - Biblia Kikutu

¹ Aho umwaka mweye mukala kamba mufa mbuli ya ubananzi na nzambi zenu.

Waefeso 2:1 ပူးပေါင်းရင်းမြစ်များ

Wakolosai 2:13

Kipindi kimoja mukala kamba mufa, mbuli ya zambi zenu na kwavija unhu wenu wa kutenda nzambi ukala haunasegesigwa. Lakini sambi Imulungu kawagalila ugima hamoja na Kilisito. Imulungu kagela kumgongo nzambi zetu zose.

Walumi 8:2

Kwavija kubitila Yesu Kilisito malagizo ga Loho yogala ugima, gotulekesa na malagizo ga nzambi na ga ifa.

Waefeso 4:18

Wanhu awo nzewele zao za mdiziza, wakutali na ugima ulavigwa na Imulungu mbuli ya ubozi wao na udala wao wa mizoyo.

Yohana 5:21

Kamba vija Tata viyowazilibula wanhu wafile na kuwagwaa ugima, vivo ili kwa Mwana nayo kowagwaa ugima waja wose yawalondile.

1 Yohana 3:14

Siye tojuwa kamba tumala kulawa mwiiifa na twingila muugima, kwavija towanogela ndugu zetu. Munhu yoyose yelibule unogelwa kosigala mkufa.

Yohana 14:6

Yesu kamwidika, “Niye ayo nzila, ukweli na ugima. Kuduhu munhu yochola kwa Tata kamba habitila kumwangu.

Waefeso 5:14

kwavija kila kinhu kigubuligwe goya chokuwa mulenge. Lekaavo yolongigwa, “Lamuka gweye uwasile, zilibuka kwa wafile, nayo Kilisito kokumwemwesela.”

1 Timoseo 5:6

Lakini mgane yokala kwa ugima wa kumnogela mwenyego kafa kamala, hamoja yang'hali mgima.

Yohana 5:25

Nowalongeleni ukweli, kipindi chokwiza tena kipindi kimala kwiza, baho waja wafile oihulika sauti ya Mwana wa Imulungu, na waja oihulika okuwa wagima.

1 Wakolinto 15:45

Kwavija Maandiko Gang'alile golonga, “Munhu wa ichanduso, Adamu kalumbigwa yawe ugima,” lakini Adamu wa ikimambukizo ayo Loho yowagwaa wanhu ugima.

Yohana 10:10

Mbavi kokwiza ili yebe, yakome, na kunanga. Niye niza ili muwe na ugima, ugima umemile.

Ugubulo 3:1

“Kwa msenga wa kuulanga wa kibumbila cha wanhu wamtogole Yesu ako Salide wandike vino, “Usenga uno olawa kwa ayo yeli na loho saba za Imulungu na nhondo saba. Nijuwa kija kiusang'hana, nojuwa kamba kujuwika kwa mgima kumbe kufa!

Luka 15:32

Lakini tolondigwa tudeng'helele na kusekelela, kwavija mdodo wako kakala yafile lakini sambi mgima, kakala yapotele lakini sambi koneka!’ ”

Luka 15:24

Kwavija mwanangu ino kakala yafile lakini sambi mgima. Kakala yapotele lakini sambi koneka.’ Avo wasonga kudeng'helela.

Matayo 8:22

Lakini Yesu kamulongela, “Nikweleleze, waleke wanhu wafile wawazike wanhu wao wafile.”

2 Wakolinto 5:14

Tolongozigwa na unogelwa wa Kilisito, sambi tojuwa munhu imoja kafa mbuli ya wanhu wose, avo wose wafa nayo.

Mwanduso 8:21

Kunung'hila goya kwa nhosa kumnogeza Mndewa Imulungu, na heyo kailongela mwenyego, “Honda niiduwile isi kabili mbuli gaja gowotenda wanhu, nojuwa kulawa kipindi viwakalile wabwanga magesa gao geha. Sibwelela ng'o! kabili kuvibananga vinhu vose vili na ugima kamba vinhendile.