Waebulania 9:4 - Biblia Kikutu

⁴ Mgati yake kukala na upango wa zahabu wa kusomela ubani na sanduku da lagano dibakigwe zahabu mhande zose na mgati kwikigwa nongo ya zahabu ikigwe ndiya ikemigwa Mana na mkongoja wa Haluni uzukile majani na maluwa, na mabwe ga bambalagwe gandikigwe malagizo.

Waebulania 9:4 ပူးပေါင်းရင်းမြစ်များ

Kulawa 26:33

Dike dipanziya hasi ya vifungilo uchanha ya dihema, abaho udigale disanduku da lagano mumo mdihema kukisogo ya dipanziya. Panziya dijo digole hanhu hong'ala na hanhu hong'ala ng'hani.

Kulawa 31:18

Mndewa Imulungu viyeshilize kulonga na Musa kuna ulugongo lwa Sinai, kamgwelela Musa vija ivibao vibili va mabwe, Imulungu viyandike malagizo kwa kidole chake mwenyego.

Kulawa 32:15

Abaho Musa kahumuluka hasi ya ulugongo, kuno kagoga vibao vibili va mabwe ga lagano vandikigwe malagizo ga Imulungu banzi zose.

Kulawa 34:29

Musa viyahumuluke hasi kulugongo lwa Sinai, kuno kapapa vija ivibao vibili va malagizo, kakala hajuwile kamba kihanga chake kikala chong'ala kwavija kakala kolonga na Mndewa Imulungu.

Kulawa 37:25

Abaho Bezaleli katenda upango kwa mbao za mkese, mbuli ya kusomela ubani. Upango awo uigala, utali wake na ugazi wake ukala nusu mkono, na utali wake kuchola uchanha ukala mkono umoja. Mhembe zake zilawilila na zikala kinhu kimoja na awo uupango.

Kulawa 39:35

sanduku da lagano na mango zake za kudipapila na ngubiko yake.

Kulawa 40:3

Mgati mdihema ajo wike dija disanduku da lagano dili na malagizo longo, abaho wike panziya kuulongozi wake.

Walawi 16:12

Abaho yasole kiya cha kuhalila moto na yahale makala muupango wa nhosa kuulongozi wa Mndewa Imulungu na vivija yasole ubani udundigwe vinogile, yadehe maganza mabili yavigale hanhu hong'ala ng'hani.

Kupetigwa 17:10

Mndewa Imulungu kamulongela Musa, “Ibweze fimbo ya Haluni kuulongozi wa disanduku da lagano. Aho yokala goya, acho chokuwa kinhu cha kuwazuma iwanhu awo walemaga kamba wahagendelela kuiyalala wofa.”

Kupetigwa 17:5

Fimbo ya munhu yonda nimsagule, yozuka. Kwa nzila ayo nowatenda Waizilaeli waleke kuwayalalila mweye.”

Kupetigwa 17:8

Imitondo yake, Musa kengila mna dihema da mting'hano, mumo kayona fimbo ya Haluni imunhu kulawa kabila da Lawi, izuka na ilawa matambi galike maluwa na kulela matunda gepile ga mulozi.

Kumbukumbu 9:11

Ona, vizishile siku azo malongo mane imisi na ikilo, Mndewa Imulungu kanigwaa avo ivibao vibili va mabwe, vandikigwe dilagano.

Kumbukumbu 9:9

Vinikwelile kulugongo kusola ivibao vibili va mabwe, vandikigwe lagano diyatendile Mndewa Imulungu na mweye, ng'hala kuko kulugongo kwa siku malongo mane imisi na ikilo sidile gate hebu kung'wa mazi.

Ugubulo 11:19

Ng'anda ya Imulungu kuulanga ivuguligwa, na sanduku da lagano joneka mumo. Kukala na mimwesa na mdudumo na ng'huwa na mtigisiko wa isi na mvula ng'hulu ya mabwe.

Ugubulo 8:3

Msenga iyagwe wa kuulanga yakalile na kiya cha zahabu cha kusomela ubani, keza kema kuulongozi wa upango wa kulavila nhosa. Kagweleligwa ubani mwingi na kupula kwa wanhu wa Imulungu, yavilave nhosa muupango wa zahabu uli kuulongozi wa kigoda cha undewa.