Waebulania 9:2 - Biblia Kikutu

² Hema da kutambikila dizengwa, na mwambu wa kunze wa kwingilila ukemigwa Gati Ding'alile. Mgati kukala na kingolobweda cha kwikila taa na meza na kukala na magate galavigwe kwa Imulungu.

Waebulania 9:2 ပူးပေါင်းရင်းမြစ်များ

Kulawa 25:23

“Tenda meza ya mbao za mkese iwe na utali wa mkono umoja na ugazi wa nusu mkono na utali kwa kuchola uchanha uwe behi na kuvika mkono umoja.

Kulawa 25:30

Uchanha ya imeza mogeka gaja gamagate gamundavile. Magate gago gosigala baho siku zose mgameso gangu.

Kulawa 25:31

“Utende kingolobweda cha zahabu inogile, dako jake na mgimbo wake uwe umoja, vikasi vake na vifundo vake na maluwa gake vose vitendigwe kwa kihande kimoja cha zahabu.

Kulawa 26:1

“Tenda hema da mting'hano kwa mapanziya longo ga kitani inogile galukigwe na nzabi za buluu na zambalau na udung'hu na ugagele ulembo wa viumbe weli na mabawa watendigwe na mafundi wanogile.

Kulawa 26:33

Dike dipanziya hasi ya vifungilo uchanha ya dihema, abaho udigale disanduku da lagano mumo mdihema kukisogo ya dipanziya. Panziya dijo digole hanhu hong'ala na hanhu hong'ala ng'hani.

Kulawa 26:35

Ija imeza ikigwe gamagate uike mwambu wa kasikazini kunze ya dipanziya na kija ikingolobweda kike mwambu wa kusini wa dihema.

Kulawa 29:1

“Na gweye uwatendele vino Haluni na wanage ili kuwatenda wanisang'hanile kamba walava nhosa. Sola bofu da ng'ombe mbigalo na ng'hondolo wabili wa kimbigalo watelele,

Kulawa 29:35

“Vino vivo vonda uwatendele Haluni na wanage kamba vinikulagize. Uwatende wang'ale kwa siku saba,

Kulawa 40:2

“Mna isiku ya ichanduso ya mwezi wa ichanduso udinule dihema da mting'hano.

Kulawa 40:4

Abaho wingize imeza na wike viya vake uchanha yake. Vivija wingize kija ikingolobweda na uzike zitaa uchanha yake.

Matayo 12:4

Kengila Mng'anda ya Imulungu, heyo na wayage wagaja magate galavigwe nhosa kwa Imulungu, hamoja hailondeke wao wagaje, ila walava nhosa waiyeka.

Matayo 5:15

Haduhu munhu yobwinha taa na kuigubika na kikalango, lakini koika kukingolobweda. Baho yomwemwesela kila munhu yeli mng'anda.

Waebulania 9:25

Kila mwaka Mulava nhosa Mkulu wa Wayahudi kengila Mdigati Ding'alile Ng'hani na damu ya mnyama, lakini Kilisito hengile mumo miyanza mingi kuilava mwenyego,