Waebulania 8:8 - Biblia Kikutu

⁸ Lakini Imulungu kowalonga wanhu zake watenda vihile, viyalongile, “Mndewa kolonga, loleni, siku zokwiza, vonda niwatendele lagano da sambi wanhu zangu wa Izilaeli na wanhu wa Yuda.

Waebulania 8:8 ပူးပေါင်းရင်းမြစ်များ

Matayo 26:28

Ino ayo damu yangu ya lagano, ikwitika mbuli ya wengi ili nzambi zao zigeligwe kumgongo.

Maluko 14:24

Yesu kalonga, “Ino ayo damu yangu ilagusa lagano da Imulungu, ikwitika mbuli ya wanhu wengi.

Luka 17:22

Abaho kawalongela wanahina zake, “Kipindi chokwiza vonda mulonde kuyona siku imoja mwiizisiku za Mwana wa Munhu, lakini hondamuyone bule.

Luka 22:20

Vivija, viwamambukize kuja indiya ya ichungulo, kawagwaa kikasi, kalonga, “Kino acho kikasi cha lagano da sambi dilagusigwa kwa damu yangu, ikwitika mbuli ya mweye.

Luka 5:38

Divai ya sambi yogidigwa mmifuko ya ng'hwembe ya sambi!

1 Wakolinto 11:25

Vivija, viyamambukize kuja kasola kikasi cha divai, kalonga, “Kikasi kino ni lagano da sambi da Imulungu, mwiidamu yangu, kokose konda mung'we, ing'weni kwa kung'humbuka niye.”

2 Wakolinto 3:6

yatugwelele udahi wa kuwa wasang'hanaji wa lagano da sambi, siyo kwa malagizo gandikigwe, ila kwa Loho wa Imulungu. Kwavija malagizo gandikigwe gogala ifa, lakini Loho Yang'alile kogala ugima.

Kumbukumbu 29:14

Sikwika lagano dino da kuiduwila mbuli yenu mweye mwiiyeka,

Waebulania 12:24

Muvika kwa Yesu yogala kuilumba kwa lagano da sambi na damu yake imizigwe na ilonga mbuli zinogile ng'hani kubanza damu ija ya Habili.

Waebulania 7:22

Mbuli ya kuiduwila ako, Yesu iyo yotenda lagano da sambi dinogile ng'hani dilawilile.

Waebulania 8:13

Kwa kulonga lagano da sambi, Imulungu kaditenda da ichanduso dilala, na chochose kilalile mna ikipindi kidodo chopotela.

Waebulania 8:6

Lakini sambi Yesu kagweleligwa sang'hano ya ulava nhosa inogile ng'hani kubanza wao, kwavija heyo iyo yogala kuilumba kwa lagano dinogile ng'hani. Malagizo ga lagano dijo gosang'hanila kija kiyalongile Imulungu kinogile ng'hani.

Waebulania 9:15

Mbuli ya kija kiyatendile Kilisito, iyo yogala kuilumba kwa lagano da sambi, ili waja wakemigwe na Imulungu wadahe kumweda milele kulongigwe na Imulungu. Ino yolawilila kwavija kwa ifa yake kowalekesa wanhu na gehile wagatendile kipindi cha lagano da ichanduso.