Waebulania 7:2 - Biblia Kikutu

² Abulahamu kamgwaa Melikizedeki fungu da longo da vinhu viyasolile kulawa kuing'hondo. Tanhu, twaga dijo da Melikizedeki dofambula, “Mndewa yotenda golondigwa na Imulungu,” na vivija kakala mndewa wa Salemu, avo twaga jake dofambula, “Mndewa wa tindiwalo.”

Waebulania 7:2 ပူးပေါင်းရင်းမြစ်များ

Mwanduso 28:22

na hanhu hano hanisimike dibwe dino hokuwa ng'anda ya Imulungu na vose vonda ungwelele nokulavila fungu da longo.”

2 Samweli 23:3

Imulungu wa Izilaeli kalonga, Heyo dibwe da Izilaeli kanilongela, “Munhu yahawatawala wanhu kolondigwa yawatawale kwa haki, Yatawale kwa kumdumba Mndewa Imulungu,

2 Samweli 8:15

Avo Daudi kawatawala Waizilaeli wose, na kawatagusa kwa haki iwanhu wose.

Zabuli 72:7

Kipindi chake wene haki omweda, ukumweda kokuwa kuko mbaka mbalamwezi yahafa.

Walawi 27:32

Munhu yahapeta fugo yake, kila mnyama wa longo mna idibumbila jake, mnyama ayo kokuwa wa Mndewa Imulungu na wanyama awo okuwa wang'ala.

Kupetigwa 18:21

“Mbuli ya Walawi, hewo niwagwaa mafungu ga longo gose goondavila Waizilaeli kamba uhazi wao. Dino dijo fungu jao kwa sang'hano iwotenda kuna dihema jangu da mting'hano.

Matayo 1:23

“Mhambe kogoga inda, na kolela mwana wa kimbigalo, nao omkema Imanueli,” fambulo jake, “Imulungu kahamoja na siye.”

Luka 2:14

“Ukulu kwa Imulungu yeli Uchanha Ng'hani kuulanga, na tindiwalo diwe kwa wanhu wa mwiisi yawanogele!”

Walumi 3:26

Katenda avo kulagusa viyanogile kwa wanhu mna ikipindi cha sambi na komtenda munhu yoyose yomtogola Yesu yanoge mgameso gake.

Waebulania 7:1

Melikizedeki kakala mndewa wa buga da Salemu na kakala mulava nhosa wa Imulungu yeli Uchanha Ng'hani. Abulahamu viyakalile kobwela kuitowa na kuwahuma wandewa wane, Melikizedeki kachola kuiting'hana nayo na kamtambikila.

Waebulania 7:3

Melikizedeki kabule tata hebu mama hebu wahenga, kuduhu chanduso cha kuvumbuka kwake hebu ifa yake. Kaigala na Mwana wa Imulungu, nayo kogendelela kukala mulava nhosa kipindi chose.

1 Samweli 8:15

Kosola fungu da longo da ndiya yenu na zabibu zenu na kowagwaa vilongozi wake na wasang'hanaji zake.

1 Samweli 8:17

Kosola fungu da longo da fugo zenu zose, na mweye mokuwa watumwa zake.