Waebulania 7:14 - Biblia Kikutu

¹⁴ Avo yojuwika goya Mndewa wetu kavumbuka kulawa mdikabila da Yuda, na Musa haditambule bule kabila dijo viyalongile mbuli ya ulava nhosa.

Waebulania 7:14 ပူးပေါင်းရင်းမြစ်များ

Mwanduso 46:12

Yuda na wanage, Eli na Onani na Shela na Pelesi na Zela. Lakini Eli na Onani wafa mwiisi ya Kanaani. Pelesi na wanage, Hesiloni na Hamuli.

Mwanduso 49:10

Mkongoja wa ukulu honda usegele mmakono ga Yuda, na mkongoja wa utawala honda usegele muulelo wake mbaka vonda yeze ija mwenyego heyo makabila gose gomtegeleza.

Kupetigwa 24:17

Nomona ayo yonda yeze, lakini aho kumwande nomulola. Nomona lakini heli habehi. Nhondo yolawa muulelo wa Yakobo. Kolawila mndewa mna iwanhu wa Izilaeli. Kwa fimbo yake kowazabula vilongozi wa Wamoabu. Kowakoma wanhu wose wa ulelo wa Seti.

Matayo 2:6

‘Mweye wanhu wa Beselehemu mwiisi ya Yudea, buga jenu hadili dodo bule mna gamabuga ga Yuda, kwavija kumwenu kolawa kilongozi yonda yawalongoze wanhu zangu wa Izilaeli.’ ”

Luka 1:43

Habali mbuli ino ng'hulu inilawilile niye, mbaka mama wa Mndewa wangu keza kunhembelela?

Luka 3:33

mwanage Aminadabu, mwanage Adimini, mwanage Alini, mwanage Heziloni, mwanage Pelesi, mwanage Yuda,

Yohana 20:13

Wasenga awo wamuuza Malia, “Mama, kolilila choni?” Kawedika, “Wamsegesa Mndewa wangu, na sikujuwile bule kuwamwikile!”

Yohana 20:28

Tomaso kamwidika, “Mndewa wangu na Imulungu wangu!”

Walumi 1:3

Mbuli ino Inogile yomulonga Mwana wa Imulungu, Mndewa wetu Yesu Kilisito. Heyo kawa munhu kwa kuvumbuka mulukolo lwa Daudi.

Walumi 2:3

Lakini gweye mbwigangu uwatagusa waja otenda mbuli kamba azo kuno gweye mwenyego kotenda vivo! Vino gweye kogesa kodaha kuhonyeka na nhaguso ya Imulungu?

Waefeso 1:3

Tumgwee nhogolwa Imulungu yeli Tata wa Mndewa wetu Yesu Kilisito! Kwavija kwa kuilumba na Kilisito katutenda tumwede kwa kutugwaa kila kinhu kinogile cha kiloho cha ako kuulanga.

Wafilipi 3:8

Siyo gago gaiyeka, ila nokona kila kinhu hakifaya, mbuli ya unovu wa kumjuwa Yesu Kilisito Mndewa wangu. Mbuli yake nhogola kwasa kila kinhu, nigona gago gose kamba mavi, ili nimpate Kilisito.

Waebulania 7:13

Avo, Mndewa wetu yalongigwe mna zimbuli zino, kalawa mdikabila diyagwe na kuduhu munhu kulawa mdikabila dijo yasang'hane hana uupango wa kulavila nhosa.

Waebulania 7:15

Mbuli tuilongile yokoneka goya, kamba kolawilila mulava nhosa iyagwe yaigalile na Melikizedeki.

Ugubulo 22:16

“Niye Yesu, nimtuma msenga wangu wa kuulanga yawalongele mbuli zino mna ivibumbila va wanhu wanitogole. Niye nolawa mulukolo lwa Daudi, vivija niye na nhondo ing'ala imitondo.”

Ugubulo 5:5

Abaho, imoja wa waja iwavele kanongela, “Sikuulile. Lola! Simba wa kabila da Yuda, mzukulu wa Daudi, kahuma, na kofaya kuzibandula zifundo saba za uhota na kukipumbulula ikitabu.”