Waebulania 7:1 - Biblia Kikutu

¹ Melikizedeki kakala mndewa wa buga da Salemu na kakala mulava nhosa wa Imulungu yeli Uchanha Ng'hani. Abulahamu viyakalile kobwela kuitowa na kuwahuma wandewa wane, Melikizedeki kachola kuiting'hana nayo na kamtambikila.

Waebulania 7:1 ပူးပေါင်းရင်းမြစ်များ

Zabuli 57:2

Nomlilila Imulungu yeli uchanha ng'hani, Imulungu yovikizaga gaja goyolonda kumwangu.

Zabuli 76:2

Kibanda chake kizengigwa ako Salemu, ukazi wake wa ako Sayuni.

Zabuli 78:35

Wakumbuka kamba Imulungu kalala dibwe jao, Imulungu yeli Uchanha Ng'hani ayo mkombola wao.

Zabuli 78:56

Lakini hewo wamgeza Imulungu, na wamulema ayo yeli Uchanha Ng'hani, na hawazigogile amuli zake.

Maluko 5:7

Kaguta, “Yesu, Mwana wa Imulungu yeli Uchanha Ng'hani! Kolonda choni kumwangu? Iduwile kwa twaga da Imulungu kamba hunidununza bule!”

Sang'hano 16:17

Avo mndele ayo kamkweleleza Paulo na siye, kuno kokemelela, “Wanhu wano wasang'hanaji wa Imulungu Yeli Uchanha Ng'hani! Owapeteleni nzila ya kukomboligwa!”

Waebulania 6:20

Yesu katulongolela kwingila mumo mbuli ya siye na kawa mulava nhosa mkulu yelibule uhelelo, kamba ulava nhosa wa Melikizedeki.

Waebulania 7:2

Abulahamu kamgwaa Melikizedeki fungu da longo da vinhu viyasolile kulawa kuing'hondo. Tanhu, twaga dijo da Melikizedeki dofambula, “Mndewa yotenda golondigwa na Imulungu,” na vivija kakala mndewa wa Salemu, avo twaga jake dofambula, “Mndewa wa tindiwalo.”

Waebulania 7:3

Melikizedeki kabule tata hebu mama hebu wahenga, kuduhu chanduso cha kuvumbuka kwake hebu ifa yake. Kaigala na Mwana wa Imulungu, nayo kogendelela kukala mulava nhosa kipindi chose.

Waebulania 7:6

Melikizedeki halawile mulukolo lwa Lawi, lakini kabokela fungu da longo kulawa kwa Abulahamu yailagane na Imulungu na kamtambikila.