Waebulania 6:4 - Biblia Kikutu

⁴ Havidahika kuwatenda waleke nzambi zao kabili wanhu waja wagubuliligwe aho haichanduso ukweli wa Imulungu na walanza nhunza ya kuulanga na hewo na wayao wambokela Loho Yang'alile,

Waebulania 6:4 ပူးပေါင်းရင်းမြစ်များ

Walawi 13:55

Abaho mulava nhosa yakikagule na kamba kokona hanhu hakalile na iminyela nyela kwa vivija hata kamba hayenele, avo kiwalo acho kifita na kilukuzigwe, iwe iminyela nyela yao ya kukisogo hebu kuulongozi.

Walawi 14:43

“Kamba kimvuguya acho choneka kabili viwamambukize kugasegesa gamabwe na kukwata dikando na kukuluga kabili,

Kupetigwa 24:3

na heyo kalonga usenga uno wa ulaguzi, “Usenga wangu niye Balaamu mwanage Beoli, Usenga wa munhu yafumbuligwe gameso.

Matayo 12:45

Abaho kochola na kusola vinyamkela wayagwe saba wehile kubanza heyo, awo okwiza na kukala mumo. Avo ugima wa munhu ayo okuwa wiha kubanza aho haichanduso. Kino acho chonda kiwalawilile wanhu wa lukolo luno lwihile.”

Matayo 5:13

“Mweye mulinga kamba mkele kwa wanhu wose wa mwiisi. Ila kamba mkele wahagiza ukali wake, vino ogeligwa choni mbaka ubweze ukali wake kabili? Haufaya bule, ila okwasigwa kunze na wanhu oubojoga.”

Yohana 15:6

Munhu yoyose yoleka kukala mgati mmwangu, koigala na tambi dikwasigwa kutali na kunyala. Matambi kamba gago gokwikigwa hamoja na kwasigwa muumoto galukule.

Yohana 3:27

Yohana kawedika, “Kuduhu munhu yodaha kuwa na kinhu chochose kamba Imulungu hamgwelele.

Yohana 4:10

Yesu kamwidika, “Maza ujuwile choolava Imulungu, na maza ujuwile nani yokupula mazi ga kung'wa, wahampulile, nayo yahakugwelele mazi gogala ugima.”

Yohana 6:32

Yesu kawalongela, “Nowalongeleni ukweli, siyo Musa yawagwelele ndiya ya kuulanga, lakini Tatangu ayo yowagwaa ndiya ya ukweli kulawa kuulanga.

Sang'hano 10:45

Wayahudi wamtogole Yesu wezile kulawa Yopa hamoja na Petulo wakanganya viwone Imulungu vivija kawagwaa wanhu haweli Wayahudi nhunza ya Loho Yang'alile.

Sang'hano 11:17

Vivo ili Imulungu kawagwaa wanhu haweli Wayahudi nhunza iija iyatugwelele siye vitumtogole Mndewa Yesu Kilisito Mkombola, niye na nani, mbaka nimgomese Imulungu?”

Sang'hano 15:8

Imulungu yajuwile goyogesa kila munhu, kalagusa viyawatogole wanhu haweli Wayahudi kwa kuwagwaa Loho Yang'alile kamba viyatendile kumwetu.

Sang'hano 8:20

Lakini Petulo kamwidika, “Upotele kutali gweye na sente zako, kwa kugesa kodaha kugula kwa sente nhunza ya Imulungu!

Walumi 1:11

Nosulukila ng'hani niwone, ili niwatende mumwede kiloho na niwagangamize.

2 Wakolinto 4:4

Hawatogola kwavija Mwenembago, imulungu wa isi ino kazigela nzewele zao mdiziza, ili sikuwawone mulenge wa Mbuli Inogile ya ukulu wa Kilisito, yaigalile na Imulungu kwa kila kinhu.

2 Wakolinto 4:6

Imulungu yalongile, “Mulenge umwemwese kulawa mdiziza!” Ayo yatendile mulenge wake umwemwese mmizoyo yetu, katugwelela mulenge wa nzewele za ukulu wa Imulungu mkihanga cha Yesu Kilisito.

Wagalatia 3:2

Nolonda kujuwa kinhu kimoja kumwenu, vino mumbokela Loho wa Imulungu mbuli ya kusang'hana vigalonda Malagizo hebu kwa kuhulika Mbuli Inogile na kuitogola?

Wagalatia 3:5

Vino Imulungu kowagwaa Loho wake na kutenda unzonza kumwenu kwavija motenda vigalonda Malagizo ga Musa hebu kwavija moihulika Mbuli Inogile na kuitogola?

Waefeso 1:18

Nompula Imulungu yawataze mudahe kujuwa goya tamanilo diyawakemele na vinhu vingi vinogile viyawekile wanhu zake,

Waefeso 2:8

Kubitila ng'hekewa ya Imulungu mukomboligwa kwa kumtamanila. Mbuli ino hailawilile kwa udahi wenu, lakini ilawilila kwa nhunza ya Imulungu,

Waefeso 3:7

Niye nitendigwa msang'hanaji wa Mbuli Inogile kwa ng'hekewa iyanigwelele Imulungu kwa udahi wake mkulu.

Waefeso 4:7

Kila imoja wetu kagweleligwa ng'hekewa kamba viyalondile Kilisito kumgwaa.

1 Timoseo 4:14

Sambiuileme nhunza ya Loho Yang'alile ili mgati mmwako, yuugweleligwe kubitila mbuli za wavele za ulaguzi viwakwikile makono gao.

2 Timoseo 2:25

Uwe muhole wahawalanguliza wanhu okulema gweye, sengine Imulungu kowatenda wambwelele na kuujuwa ukweli.

2 Timoseo 4:14

Ija mfuwa zuma Alekizanda, kanhendela gehile, lakini Mndewa komuliha mbuli ya gaja gayasang'hane.

Waebulania 10:32

Kumbukeni galawilile kumwenu baho umwaka vimugubuliligwe ukweli wa Imulungu, mugaya ng'hani lakini mugangamala.

Waebulania 2:4

Vivija Imulungu mwenyego kalagusa kumwao kwa kutenda unzonza mwingi na vifukuzi na kuwagolela wanhu nhunza za Loho Yang'alile kamba viyalondile.

1 Yohana 5:16

Munhu yahamona ndugu yake katenda nzambi haimgala mwiiifa, yampulile kwa Imulungu nayo Imulungu komgwelela ugima. Nolonga mbuli ino kwa awo watendile nzambi haimgala munhu mwiiifa. Lakini kuna nzambi yomgala munhu mwiiifa, na niye silonga kamba mumpulile kwa Imulungu.