Waebulania 5:6 - Biblia Kikutu

⁶ Vivija hanhu hayagwe mna Gamaandiko Gang'alile kalonga, “Kipindi chose kokuwa mulava nhosa, kamba ulava nhosa wa Melikizedeki.”

Waebulania 5:6 ပူးပေါင်းရင်းမြစ်များ

Zabuli 110:4

Mndewa Imulungu kaiduwila na hagimbula bule, “Gweye kwa mulava nhosa milele, muulava nhosa wa Melikizedeki.”

Waebulania 5:10

na Imulungu kalonga wose wajuwe kamba heyo ayo Mulava nhosa Mkulu, kamba ulava nhosa wa Melikizedeki.

Waebulania 6:20

Yesu katulongolela kwingila mumo mbuli ya siye na kawa mulava nhosa mkulu yelibule uhelelo, kamba ulava nhosa wa Melikizedeki.

Waebulania 7:11

Kubitila ulava nhosa wa Walawi wanhu wa Izilaeli wagweleligwa malagizo mbuli ya ulava nhosa. Avo, maza wanhu wakalile watelele kubitila sang'hano ya Walawi, sambi kulondeke ulawilile ulava nhosa uyagwe kamba viukalile ulava nhosa wa Melikizedeki, na siyo ulava nhosa uja wa Haluni.

Waebulania 7:15

Mbuli tuilongile yokoneka goya, kamba kolawilila mulava nhosa iyagwe yaigalile na Melikizedeki.

Waebulania 7:17

Kwavija Maandiko Gang'alile golonga, “Kipindi chose kokuwa mulava nhosa, kamba ulava nhosa wa Melikizedeki.”

Waebulania 7:21

Lakini Imulungu viyaiduwile Yesu kawa mulava nhosa, Imulungu kamulongela, “Niye, Mndewa Imulungu niiduwila na honda nigaluse bule, ‘Gweye kokuwa mulava nhosa kipindi chose.’ ”

Waebulania 7:3

Melikizedeki kabule tata hebu mama hebu wahenga, kuduhu chanduso cha kuvumbuka kwake hebu ifa yake. Kaigala na Mwana wa Imulungu, nayo kogendelela kukala mulava nhosa kipindi chose.

Waebulania 7:8

Mwambu uno tokona, fungu da longo dosoligwa na wanhu weli na lukuli lufa na mwambu uyagwe tokona fungu da longo disoligwa na ija yolongigwa hafa.