Waebulania 4:16 - Biblia Kikutu

¹⁶ Avo tukikwesele bila kudumba kigoda cha undewa cha Imulungu yeli na ng'hekewa, ako tobokela ng'hekewa na uhole kututaza kipindi kituvilonda.

Waebulania 4:16 ပူးပေါင်းရင်းမြစ်များ

Walawi 16:2

“Mulongele ndugu yako Haluni sikuyengile hanhu hong'ala ng'hani kukisogo cha panziya kipindi halondigwa kwingila, sikuyengile hanhu aho kwavija aho honda nilawilile mdiwingu uchanha ya ngubiko ya disanduku da lagano. Yahalema kofa.

Waefeso 2:18

Avo kubitila Kilisito siye wose, Wayahudi na wanhu haweli Wayahudi, todaha kumcholela Tata kwa Loho imoja Yang'alile.

Waefeso 3:12

Kwa kuilumba na Kilisito na kumtamanila, todaha kumgendela Imulungu bila kudumba na kuno totamanila kuwa kotubokela.

Waebulania 13:6

Lekaavo tolonga kwa kugangamala, “Mndewa ayo yonitaza, sidumba bule. Munhu konitenda choni?”

Waebulania 3:6

Lakini heyo Kilisito kotamaniligwa kamba Mwana yeli na udahi kwa wanhu weli ng'anda ya Imulungu. Siye wao ng'anda yake kamba twahagendelela kuwa magalu na kugangamala mna iditamanilo dituigodela.

Waebulania 7:19

Kwavija malagizo gago hagadahile kuvikiza kila kinhu. Na sambi dikigwa tamanilo dinogile ng'hani donda ditugale behi na Imulungu.

Waebulania 7:25

Avo sambi na siku zose kodaha kuwakombola wanhu waja okwiza kwa Imulungu kubitila heyo, kwavija siku zose ka mgima yawapulile kwa Imulungu.

Waebulania 9:5

Kudisanduku uchanha kukala na viumbe vibili vili na mabawa kulagusa kamba hanhu aho hana ukulu wa Imulungu, mabawa gao gaiyanzanza uchanha ya sanduku aho hozigeligwa kumgongo nzambi za wanhu. Lakini sambi hatudaha kufambula mbuli zose.

1 Petulo 2:10

Baho umwaka hamukalile wanhu wa Imulungu, lakini sambi mwa wanhu zake, umwaka hawonele bazi, lakini sambi kawonela bazi.