Waebulania 4:13 - Biblia Kikutu

¹³ Kuduhu kinhu chochose kifisigwe mgameso ga Imulungu. Kila kinhu kigubuligwa na koneka mgameso gake. Kumwake heyo tolondigwa kumulongela sang'hano zetu.

Waebulania 4:13 ပူးပေါင်းရင်းမြစ်များ

1 Wakolinto 4:5

Avo sikumumtaguse munhu yoyose king'hali kipindi hakinavika. Lekeni mbaka Mndewa vonda yeze, nayo kokwiza kugamwemwesela gaja gafisigwe mdiziza na kugafisula gaja gose geli mmizoyo ya wanhu. Aho kila munhu kobokela nhogolwa yake kulawa kwa Imulungu.

Nongezi 15:3

Meso ga Mndewa Imulungu golola kila kinhu, gomulola munhu yanogile na yehile.

1 Samweli 16:7

Lakini Mndewa Imulungu kamulongela Samweli, “Sikuulole kihanga chake hebu utali wake, niye nimulema kwavija niye sitenda kamba viwotenda wanhu. Wanhu olola lukuli lwa kunze lakini niye nolola mgati muumoyo.”

2 Wakolinto 5:10

Kwavija kila munhu kokwima kuulongozi wa Kilisito yatagusigwe. Kila munhu kobokela kija kiyolondigwa, kamba vija viyasang'hane mwiisi, kamba ganoga hebu geha.

Walumi 2:16

Gano golawilila mna isiku ayo Imulungu vonda yagataguse magesa ga kinyelegezi ga wanhu, kubitila Yesu Kilisito, kamba viilonga Mbuli Inogile iniwapetela.

Nongezi 15:11

Kamba Mndewa Imulungu kogatanga geli Kuzimu na Kuubananzi, vino koleka kugatanga geli mmizoyo ya wanhu?

Zabuli 44:21

vino Imulungu sambi yajuwe? Kwavija heyo ayo yagajuwile magesa ga kinyelegezi geli mmoyo.

Ugubulo 2:23

Vivija nowakoma wanhu omkweleleza, abaho vibumbila vose va wanhu onhogola vojuwa kamba nene heyo nilola goya goyogesa na goyolonda kila munhu. Nomuliha kila imoja wenu kamba vimsang'hane.

Zabuli 7:9

Leka gehile ga iwanhu otenda gehile gavike kuuhelelo, na gweye uwemize iwanhu otenda ganogile, gweye ugezaga nzewele na mizoyo, gweye Imulungu wa haki.

Zabuli 90:8

Kugeka gehile getu kuulongozi wako, nzambi zetu za kinyelegezi zokoneka mumng'alo wako.

Yohana 21:17

Mwanza wa kadatu Yesu kamuuza, “Simoni mwanage Yohana, gweye koninogela?” Petulo kona usungu kwavija Yesu kamuuza mwanza wa kadatu, “Koninogela?” Avo kamulongela, “Mndewa, gweye kojuwa kila kinhu, kojuwa niye nokunogela!” Yesu kamulongela, “Wadime ng'hondolo zangu.

Yohana 2:24

Lakini Yesu kakala hawatamanila bule, kwavija kawajuwa wanhu wose.

Sang'hano 17:31

Kwavija Imulungu keka siku dimoja donda yawataguse wanhu wose wa mwiisi bila kumonela munhu kubitila munhu iyamsagule. Imulungu kawalagusila mbuli ino kwa kumzilibula munhu ayo kulawa kwa wafile!”

Zabuli 139:4

Ning'hali sinalonga mbuli bule, gweye Mndewa Imulungu kujuwa gose gonilonda kulonga.

Nongezi 5:21

Kwavija nzila za munhu za kuulongozi wa Mndewa Imulungu, heyo kochona kila kinhu chonda yasang'hane munhu.

Matayo 6:4

Tenda avo kwa kinyelegezi. Tatako yolola gotendigwa kinyelegezi kokugwaa nhunza.

Yohana 4:16

Yesu kamulongela, “Genda kamkeme mkasano wako, na wize nayo.”