Waebulania 3:9 - Biblia Kikutu

⁹ Ako wahenga zenu wanigeza na kunilolesalolesa, hamoja wazona sang'hano zangu kwa miyaka malongo mane.

Waebulania 3:9 ပူးပေါင်းရင်းမြစ်များ

Zabuli 95:9

Kuko iwahenga zenu wanigeza na wanipima, hamoja wazona sang'hano zangu.

Kulawa 19:4

‘Mweye wenyego mugoga gaja ganiwatendele Wamisili, na vija viniwasegese mweye kamba jola viyogasegesa makinda gake kwa mabawa gake, niwagala kumwangu.

Kulawa 20:22

Mndewa Imulungu kamulagiza Musa kamba walongele Waizilaeli vino, “Mweye wenyego mona kamba nilonga na mweye kulawa kuulanga.

Kupetigwa 14:33

Wanenu ogunga na kugaya kukuno kuluwala kwa miyaka malongo mane mbuli ya mweye kuswela kutamanila mbaka vonda mufe mose kuluwala.

Luka 7:22

Avo Yesu kawedika, “Bweleni mkamulongele Yohana gaja gomuhulika na kugona, wasuwameso olola, mbetembete otembela, na weli na utamu wa dikulu ohonyigwa, na wanhu hawahulika ohulika, wafile ozilibuka, na wakiwa opeteligwa Mbuli Inogile.

Sang'hano 13:8

Lakini wakala ogomesigwa na Elima yakalile muhawi, dino ijo fambulo jake kwa Kigiliki, yakalile yogeza kumtenda mkulu wa kisiwa sikuyatogole kumtamanila Kilisito.

Sang'hano 7:36

Kawalongoza wanhu walawe Misili, kwa kutenda unzonza na vilaguso mwiisi ya Misili na hana Ibahali ya Shamu kwa miyaka malongo mane kuluwala.

Kumbukumbu 11:7

Meso genu gazona mbuli zose ng'hulu, azo ziyatendile Mndewa Imulungu.

Kumbukumbu 29:2

Musa kawakema Waizilaeli wose kawalongela, “Mugona kwa meso genu wenyego gaja Mndewa Imulungu gayamtendele Falao, imndewa wa Misili, na iwasang'hanaji zake wose na isi yake yose.

Kumbukumbu 4:3

Mwenye mugona kwa meso genu gaja gayatendile Mndewa Imulungu ako Baali Peoli. Mndewa Imulungu, Imulungu wenu, kawakoma iwanhu wose hagati yenu wamtambikile ayo imulungu Baali Peoli.

Kumbukumbu 4:9

“Muiteganye na mugelegeze, sikumuisemwe gaja gamugonile kwa meso genu wenyego. Sikumuisemwe gago mna imizoyo yenu muugima wenu wose. Wasimulileni wanenu na iwazukulu zenu,

Kumbukumbu 8:2

Kumbukeni Mndewa Imulungu, Imulungu wenu viyawalongoze mmwanza mtali kubitila kuluwala kwa miyaka malongo mane, ili yawasegesele kuitapa na kawageza yagajuwe gaja geli mmizoyo yenu, kamba mogoga hebu hamugoga malagizo gake.

Kumbukumbu 8:4

Kipindi chose acho cha miyaka malongo mane, viwalo venu havilalile na magulu genu hagavimbile bule.

Yoshua 23:3

Na mweye mona gose Mndewa Imulungu, Imulungu wenu gayawatendele iwanhu wa isi azo mbuli yenu mweye, kwavija Mndewa Imulungu, Imulungu wenu ayo yawagombele.

Yoshua 24:7

Iwahenga zenu viwanililile niye Mndewa Imulungu, nika ziza hagati yao na Iwamisili na nitenda bahali iwagubike Iwamisili. Mweye mukona gaja ganitendile ako Misili. Mukala ako kuluwala kwa miyaka mingi.

Yoshua 5:6

Kwavija iwanhu wa Izilaeli watembela kuluwala kwa miyaka malongo mane, mbaka iwambigalo wose wadahile kuchola kuing'hondo wafa, kwavija hawamtegeleze Mndewa Imulungu. Mndewa Imulungu kaiduwila kamba honda wayone isi ayo iyaiduwile kwa iwahenga zao kamba kotugwaa siye, isi imemile maziwa na uki.