Waebulania 2:13 - Biblia Kikutu

¹³ Vivija kalonga, “Nomtamanila Imulungu.” Na kagendelela kulonga, “Niye na hano hamoja na wanhu nigweleligwe na Imulungu, wawe wanangu.”

Waebulania 2:13 ပူးပေါင်းရင်းမြစ်များ

Mwanduso 33:5

Esau viyalolile na kuwona watwanzi na iwana kauza, “Wano weli hamoja na gweye kina nani?” Yakobo kamwidika, “Wano awo wana waja Imulungu kwa bazi jake kanigwaa niye msang'hanaji wako.”

Mwanduso 48:9

Yusufu kamulongela tatake, “Wano wao wana wanigweleligwe na Imulungu hano.” Izilaeli kalonga, “Chonde wagale behi niwatambikile.”

2 Samweli 22:3

Imulungu wangu ayo dibwe jangu, kumwake nokimbilila, heyo ayo ngao yangu, heyo ayo nguvu ya ukombola wangu, heyo ayo ngome yangu heyo ayo kimbililo jangu. Heyo ayo mkombola wangu, yang'hombole kulawa kwa iwanhu wasede.

Zabuli 127:3

Wana awo uhazi kulawa kwa Mndewa Imulungu, wana awo nhunza kulawa kumwake.

Zabuli 16:1

Unikalize gweye Mndewa Imulungu, kwavija kumwako nikukimbilila.

Zabuli 18:2

Mndewa Imulungu ayo dibwe jangu, na ngome yangu na mkombola wangu, Imulungu wangu na dibwe jangu dinikimbilile, na ngao ya ukombola wangu na ngome yangu.

Zabuli 91:2

Nomulongela Mndewa Imulungu, “Gweye ayo kimbililo jangu na ngome yangu, Imulungu wangu, nikutamanila.”

Matayo 27:43

Kamtamanila Imulungu na kalonga kamba heyo Mwana wa Imulungu. Lelo lekeni tulole kamba Imulungu komuhonya!”

Yohana 10:29

Tatangu yanigwelele awo ayo mkulu kubanza wose, na kuduhu yodaha kuwasola mmakono ga Tata.

1 Wakolinto 4:15

Avo hata kamba mwahawa na vilongozi elufu kumi muugima wenu kwa Kilisito, mweye mwabule tata wengi, kwavija kwa kuilumba na Yesu Kilisito, niye na tataenu kwa kuwagalila Mbuli Inogile.