Waebulania 13:9 - Biblia Kikutu

⁹ Sikumuviziligwe kwa mafundizo gayagwe gowatenda muchole kuno na kuno. Kwavija mizoyo yenu yolondigwa igangamizigwe kwa ng'hekewa ya Imulungu, siyo kugagoga malagizo ga ndiya, wanhu wose wagogile malagizo gano wagaya bule.

Waebulania 13:9 ပူးပေါင်းရင်းမြစ်များ

Zabuli 112:8

Moyo wake ugangamala na hadumba kinhu, na kowona iwanhu omwihila olemelwa.

Matayo 24:24

Kwavija olawilila makilisito na watula ndagu wa uvizi, otenda unzonza na vilaguso ili yahadahika wawavizile hata waja wasaguligwe na Imulungu.

Matayo 24:4

Yesu kawedika, “Muiteganye, munhu yoyose sikuyawavizile.

Luka 5:38

Divai ya sambi yogidigwa mmifuko ya ng'hwembe ya sambi!

Sang'hano 20:30

Kipindi chovika baho wanhu wayagwe kulawa mdibumbila jenu wenyego, owavizila wawagize wanahina kwa kuwatenda wawakweleleze hewo.

Sang'hano 20:32

“Avo sambi noweka muukalizi wa Imulungu na usenga wake wa ng'hekewa, udaha kuwagangamiza na kuwagwaa nhunza ziyalinazo Imulungu kwa wanhu zake wose.

Walumi 14:17

Kwavija Undewa wa Imulungu siyo mbuli ya kuja na kung'wa. Lakini mbuli ya kutenda ganogile, tindiwalo na deng'ho, vose vino volawa kwa Loho Yang'alile.

Walumi 14:2

Wanhu hawaigalile bule, wanhu wayagwe omtamanila Imulungu na woja kinhu chochose, lakini wanhu waja kumtamanila kwao Imulungu hakunagangamala goya woja mbogamboga ziiyeka.

Walumi 14:6

Munhu yogesa siku imoja ng'hulu kubanza zose kotenda avo mbuli ya Mndewa, na munhu yoja kila kinhu kotenda vivo mbuli ya Mndewa kwavija komgwaa nhogolwa Imulungu. Vivija munhu yoleka kuja ndiya fulani kotenda vivo mbuli ya Imulungu, na heyo vivija komgwaa nhogolwa Imulungu.

1 Wakolinto 6:13

Munhu iyagwe kolonga, “Ndiya kwa mbuli ya inda, na inda kwa mbuli ya ndiya.” Ona, lakini Imulungu kovibananga vose vibili. Lukuli lwa munhu siyo kwa mbuli ya ugoni, lakini kwa mbuli ya kumsang'hanila Mndewa, nayo mndewa ayo yowika goya lukuli.

1 Wakolinto 8:8

Lakini ndiya haidaha bule kutugala behi na Imulungu. Avo twahaleka kuja hatuhungukilwa kinhu, na twahaja hatukongezelwa kinhu.

2 Wakolinto 1:21

Imulungu mwenyego ayo yotutenda siye na mweye tugangamale kwa kuilumba na Kilisito. Imulungu ayo yatusagule siye,

Wagalatia 6:1

Ndugu zangu, mwahamona munhu yoyose katenda nzambi, mweye mulongozigwa na Loho wa Imulungu mzumeni munhu ayo, ili yaleke nzambi zake. Lakini mzumeni kwa uhole, kuno moiteganya ili sikumugezigwe.

Waefeso 4:14

Avo hondatuwe wana kabili, twahasigwa na kuhembelusigwa kuno na kuno na beho da wanhu ofundiza uvizi ili wawagize wanhu wayagwe kwa ubala.

Waefeso 5:6

Sikumutogole munhu yawavizile kwa mbuli za ubozi, kwavija kwa mbuli azo ng'hasiliki ya Imulungu yowezila wanhu wose oleka kumtegeleza.

Wakolosai 2:4

Nonga vino, ili munhu yoyose sikuyawabunyeke kwa mbuli zake zamulile.

2 Wasesalonike 2:17

yawasamhuse mizoyo yenu na kuwagangamiza siku zose kusang'hana na kulonga ganogile.

2 Wasesalonike 2:2

sambi munyunyuwale himahima mmizoyo yenu hebu kunyawanyawa, kwavija yolongigwa kuwa siku ya Mndewa ivika. Yodahika kuwa wanhu ogesa tulonga mbuli ino vitukalile tolagula hebu kuwapetela wanhu hebu twandika mna ibaluwa.

1 Timoseo 6:20

Gweye Timoseo, vilole goya vose viugweleligwe uvilolese. Iteganye na ulonzi wa chaka chaka na kuibamilila kwa mbuli za kibozi, mbuli azo wayagwe ozikema kwa uvizi “Ubala.”

1 Yohana 4:1

Ndugu zangu, sikumumtogole kila munhu yolonga kana loho wa Imulungu, lakini mgezeni munhu ayo mulole kamba munhu ayo kolongozigwa na Loho wa Imulungu, kwavija watula ndagu wengi wa uvizi walawilila mwiisi.

Yuda 1:12

Kwa mbuli zao zigela kinyala zowotenda ofitiza nyimwilinyimwili zenu za kuinogela. Waigala na mawingu gelibule mvula gohembeluswa na beho. Wao waigala na mibiki ihuluke, na hailela matunda, mibiki ing'oligwe mizizi na ifa.

Yuda 1:3

Mbwiga zangu, niwamba ng'hani kuwandikila mbuli ya ukombola wetu siye wose, nilondigwa kuwandikila ili niwagele moyo ili mugendelele kuwamba mna ditamanilo, diwagweleligwa wanhu wa Imulungu, mwanza umoja kwa kipindi chose.